View source for ગુજરાતી ગઝલસંપદા/ અશોક ચાવડા ‘બેદિલ’

{{SetTitle}}

{{Heading| અશોક ચાવડા ‘બેદિલ’ |}}

<center> '''1''' </center>

<poem>
અંધારથી ડર્યા વગર, દીવો કરી જુઓ,
અજવાશ આવશે નજર, દીવો કરી જુઓ.<br>
અંદર સુધી ઉજાસનો અનુભવ થઈ જશે,
સગપણ વગર કબર ઉપર, દીવો કરી જુઓ.<br>
ઊંચી ઈમારતોમાં છે દીવાલ મીણની,
કહેવું કઈ રીતે : “નગર, દીવો કરી જુઓ?”<br>
મનમાં ન મેલ હોય તો પડશે નહીં ફરક,
કપડાં ભલે લઘરવઘર, દીવો કરી જુઓ.<br>
મારી જ જેમ જર્જરિત છે બારસાખ પણ,
રોકાઈ જાવ, આજ ઘર, દીવો કરી જુઓ.<br>
</poem>

<center> '''2''' </center>
ઇતિહાસને ઊંચકી શકું એવાય સ્કંધ છે;
પણ શું કરું? ઇતિહાસ તો પાનાંમાં બંધ છે.<br>
કલ્પાંત કરતી ક્યારની નિર્વસ્ત્ર દ્રૌપદી,
ધૃતરાષ્ટ્રની ક્યાં વાત આખું વિશ્વ અંધ છે.<br>
સાથે રહ્યા છે એટલે સોબત થઈ હશે,
કે આજ તો કાંટા મહીં મોહક સુગંધ છે.<br>
તૂટી જશે ક્યારેક તો એ વાતવાતમાં,
બહુ સાચવીને શું કરો આખર સંબંધ છે.<br>
તું મોત માંગીને હવે 'બેદિલ' કરીશ શું?
જ્યાં જિંદગીમાં રોજ મરવાનો પ્રબંધ છે.<br>
</poem>

{{HeaderNav2
|previous = 2
|next = 4
}}