View source for ગુજરાતી ગઝલસંપદા/ ભરત ભટ્ટ ‘પવન’

{{SetTitle}}

{{Heading| ભરત ભટ્ટ ‘પવન’ |}}

<center> '''1''' </center>

<poem>
માનું છું કે તારી કરવત ધાર્યા કરતાં સારી છે,
મારી પણ પોતાની કિસ્મત ધાર્યા કરતાં સારી છે.<br>
મારી પાસે તારા થોડા પત્રો છે, બીજું કંઈ નહિ,
સરવાળે જે છે એ મિલ્કત ધાર્યા કરતાં સારી છે.<br>
રમવામાં ને રમવામાં તેં મારા દિલને તોડ્યું, પણ;
તેં જે તોડ્યું, એની કિંમત ધાર્યા કરતાં સારી છે.<br>
સન્નાટો, ખામોશી, ખાલીપો ને ભરચક એકલતા;
તો પણ મારા ઘરની હાલત ધાર્યા કરતાં સારી છે.<br>
ક્યારેક તો એની સાથે તું બાગ-બગીચે રખડી જો;
નામ ‘પવન’ છે, એની ઈજ્જત ધાર્યા કરતાં સારી છે.<br>
</poem>

{{HeaderNav2
|previous = 2
|next = 4
}}