View source for ગુજરાતી ગઝલસંપદા/ રમેશ પટેલ ‘ક્ષ’

{{SetTitle}}

{{Heading| રમેશ પટેલ ‘ક્ષ’  |}}

<poem>
સ્તબ્ધ આંખોથી મને જોયા કરે તે કોણ છે?
ને પછી દૃષ્ટિ થકી પળમાં સરે તે કોણ છે?<br>
સાવ સુક્કું વૃક્ષ છે ને સાવ સુક્કી ડાળ છે,
પર્ણ જેવું કંઈ નથી તોપણ ખરે તે કોણ છે?<br>
મેં અચાનક આંખ ખોલી ને ગગન જોઈ: કહ્યું,
શર્વરીના કેશમાં મોતી ભરે તે કોણ છે?<br>
આમ તો ઝરણાં હંમેશાં પર્વતોમાંથી સરે,
તે છતાં આ રણ મહીં ઝરમર ઝરે તે કોણ છે?<br>
જળ મહીં તરતાં રહે સરતાં રહે એ મત્સ્ય, પણ
મત્સ્યની આંખો મહીં જે તરવરે તે કોણ છે?<br>
સહુ મને દફનાવવાને આમ તો આતુર, પણ
આ ક્ષણે મુજ શ્વાસમાં આવી ઠરે તે કોણ છે?<br>
</poem>

{{HeaderNav2
|previous = 2
|next = 4
}}