View source for ધ્વનિ/કોણ અણદીઠ

{{SetTitle}}

{{Heading|કોણ અણદીઠ}}

{{Block center|<poem>
કોણ અણદીઠ ગોપન રહી માહરી 
{{gap|3em}}સંગ ખેલી રહ્યું આજ હોરી?! 
રે નહીં નીર કે વર્ણ તો યે કશે 
{{gap|3em}}રંગ ભીંજાય મુજ કાય કોરી! 
દૂરને ખેતરે નેસ મારો, અને 
દૂર કાલિંદરીનો કિનારો; 
એકલી વિજન વૃંદાવને, માહરે 
છે ન સહિયરતણો યે સહારો : 
રે અજાણ્યો ન આનંદ સહેવાય, 
{{gap|3em}}ઠેલાય ના, મુગ્ધ હું તો કિશોરી, 
કોણ અણદીઠ ગોપન રહી માહરી 
{{gap|3em}}સંગ ખેલી રહ્યું આજ હોરી?! 
વાયુની લહરને ઈંગિતે હૃદયનાં 
{{gap|3em}}મર્મનાં દ્વાર મુજ કોણ ખોલે? 
રે શી મહુવરતણે સૂર પરવશ બની 
{{gap|3em}}પ્રાણની સર્પિણી મત્ત ડોલે! 
બ્હારનું વિશ્વ ડૂબી જતું, એહવું 
હૃદય શું મારું રેલાય બ્હાર! 
બંધની પાળ તૂટ્યા પછી, વ્હૈ જતાં 
વ્હેણ રે કેટલાં દુર્નિવાર! 
હાથમાં હૈયું રે'તું નહિ વિકલ 
{{gap|3em}}એવે અજંપે હવે હું ન મોરી, 
કોણ અણદીઠ ગોપન રહી માહરી 
{{gap|3em}}સંગ ખેલી રહ્યું આજ હોરી?! 

અગ્નિની જ્યોત મુજ મ્હોરતી કિંશુકે 
{{gap|3em}}કિંશુકે કેસરી પુંષ્પ-પુંજે, 
મૌનની જલ્પના માહરી હરઘડી 
{{gap|3em}}ટ્હૌકતી કોકિલા કુંજ કુંજે : 
જોઈ વનરાઈ જે નિત્ય, તે યે કશી 
સ્વપ્નની સૃષ્ટિ જેવી ઝૂકેલી! 
પંથ કેરો ય પરિચય ભૂલી પાછલો, 
ધુમ્મસે હું ભમું છું અકેલી! 
મેઘની આડમાં કોઈ મીઠું હસે, 
{{gap|3em}}કોઈ તરસે ઝૂરે છે ચકોરી, 
કોણ અણદીઠ ગોપન રહી માહરી 
{{gap|3em}}સંગ ખેલી રહ્યું આજ હોરી?! 
{{right|૧૧-૭-૫૦ }}</poem>}}
<br>
{{HeaderNav2
|previous = વિખૂટા પડતાં 
|next = વાણી અને સૂર 
}}