View source for પન્ના નાયકની કવિતા/કોઈની બુદ્ધિના પાંજરામાં...

{{SetTitle}}
{{Heading|૨૦. કોઈની બુદ્ધિના પાંજરામાં...|}}

{{Block center|<poem>
કોઈની બુદ્ધિના પાંજરામાં લાગણીનું પંખી થઈ, 
	ટહુક્યા કરવાનું મને મંજૂર નથી;
કોઈ પ્રેમને નામે મને ડંખ્યા કરે,
	અને ઇચ્છા મુજબ મને ઝંખ્યા કરે; 
જે બોલે તે બોલવાનું ને નાગ જેમ ડોલવાનું.
	મને આવું અઢેલવાનું મંજૂર નથી.

પોતાની આંખ હોય પોતાની પાંખ હોય, 
પોતાનું આભ હોય પોતાનું ગીત હોય, 
મનની માલિક હું મારે તે બીક શી?
હું તો મૌલિક છું,
હામાં હા કહીને ઠીક ઠીક રહીને, 
મને ઠીક ઠીક રહેવાનું મંજૂર નથી.

માપસર બોલવાનું માપસર ચાલવાનું, 
માપસર પહેરવાનું માપસર પોઢવાનું, માપસર ઓઢવાનું, 
માપસર હળવાનું માપસર ભળવાનું, 
આવું હળવાનું ભળવાનું માપસર ઓગળવાનું 
	મને આવું પીગળવાનું મંજૂર નથી.
કોઈની બુદ્ધિના પાંજરામાં લાગણીનું પંખી થઈ, 
	ટહુક્યા કરવાનું મને મંજૂર નથી.
</poem>}}

<br>
{{HeaderNav2
|previous = કેવી મોટી ભૂલ કરીને...
|next = કોયલના આ ટહુકે ટહુકે સાંભળું તારો સાદ
}}