View source for અર્વાચીન ગુજરાતી કાવ્યસંપદા/મણિલાલ ન. દ્વિવેદી/કિસ્મતની દગાબાજી

{{SetTitle}}
{{Heading|કિસ્મતની દગાબાજી|મણિલાલ ન. દ્વિવેદી}}
<poem>
કહીં તું જાય છે દોરી દગાબાજી કરી, કિસ્મત!
ભરોસે તેં લઈ શાને આ હર્‌રાજી કરી, કિસ્મત?<br>
થવા નિજરૂપ દુનિયામાં ઊતરવાનું ઠર્યું, કિસ્મત!
કરી તુજરૂપ રંજાડી લપેટી ઘા કરે, કિસ્મત!<br>
ચલાવી પુષ્પમાલા પર નીચે સર્પો ભર્યા, કિસ્મત!
સનમ-દીદારમાં નાખી પલક જુદાઈની, કિસ્મત!<br>
લગાડી કાર્ય-કારણની બરાબર સાંકળો, કિસ્મત!
ભરાવ્યા ત્યાં શી રીતે તેં ઊલટના આંકડા, કિસ્મત!<br>
પિછાની બે અને બેને કહીને ચાર, હે કિસ્મત!
લખાવ્યા હાથથી શાને તેં એ ને એક આ, કિસ્મત!<br>
ગણી મારું વળી મારું ભર્યું દિલ પ્રેમથી, કિસ્મત!
તથાપિ ત્યાં ભર્યું શાને શી રીતે ઝેર તેં, કિસ્મત?<br>
ધરી આશા તણો પાયો ચણાવી તે ઉપર, કિસ્મત!
કહીં ક્યારે લીધો તાણી એ પાયો તેં, અરે કિસ્મત?<br>
મુકાવીને મીઠે ખોળે ભરોસે શીશ, હે કિસ્મત!
કપાવી શી રીતે ગરદન વહે ના ખૂન પણ, કિસ્મત?<br>
ઉઠાવી અસ્તિથી દિલને લગાડ્યું નાસ્તિમાં કિસ્મત!
દરદદિલ રોવું ત્યાંયે તેં વગોવાવું ભર્યું, કિસ્મત!<br>
વહે આંખો ગળી ધારે — ધુએ દિલદાગને, કિસ્મત!
ખુદાઈની મીઠાઈમાં ભરી ખારાઈ ક્યાં, કિસ્મત!<br>
મુડાવી કે રંગાવીને કરાવ્યો ત્યાગ તેં, કિસ્મત!
તથાપિ ત્યાં બઝાડી શી ઉપાધિ બેવડી કિસ્મત!<br>
મુખે અદ્વૈત ઉચ્ચારી લહી મનથી પૂરું કિસ્મત!
કવિતા આ બકા’વાનું કર્યું શેં દ્વૈત તેં કિસ્મત?<br>
કહીં કહીં આ દગાબાજી કરે હા ના તું શું, કિસ્મત?
મને માલિકના કાને પડે ભણકાર ત્યાં, કિસ્મત!<br>
રમાડ્યો આ દગાબાજી વિશે બહુ છું ખુશી કિસ્મત!
મળ્યો માલિક વેચાયો : કરી લે ચાહે તે, કિસ્મત!<br>
{{Right|(આત્મનિમજ્જન, પૃ. ૫-૬)}}
</poem>


{{HeaderNav
|previous=[[અર્વાચીન ગુજરાતી કાવ્યસંપદા/મણિલાલ ન. દ્વિવેદી/અમર આશા | અમર આશા]]  | કહીં લાખો નિરાશામાં, અમર આશા છુપાઈ છે  ]]
|next = [[અર્વાચીન ગુજરાતી કાવ્યસંપદા/મણિલાલ ન. દ્વિવેદી/જન્મદિવસ | જન્મદિવસ]]  | અનંત યુગ ઊતર્યા, હજી અનન્ત આવી જશે!]]
}}