View source for ઉપજાતિ/આજે નથી તું –

{{SetTitle}}

{{Heading|આજે નથી તું –| સુરેશ જોષી}}

<poem>
આજે નથી તું અહીં તે જ સારું,
જો હોત તો શું થયું હોત તારું?

ઢાળ્યું નભે મસ્તક પૃથ્વીને ખભે,
નક્ષત્ર સૌ વિહ્વળ મીટ માંડે;
રે ભેટવાને ધસતા નદી તટો,
પાંખો પસારી ઊડતા શું પર્વતો!
વૃક્ષો તણી આ સહુ મત્ત ડાળીઓ
નાચી રહી છે ગુંથી આંગળીઓ;
આલંગિતાં આજ પ્રકાશછાયા,
પ્રભાવ વિસ્તારતી આ શી માયા!
શી થાત આજે તુજ ગર્વની દશા?
આવી પડી હોત ન બાહુપાશમાં?

તેથી કહું: તું નથી તે જ સારું,
જો હોત તો શું થયું હોત તારું?
</poem>



{{HeaderNav
|previous = [[ઉપજાતિ/ઋતુસંહાર|ઋતુસંહાર]]
|next = [[ઉપજાતિ/લટાર|લટાર]]
}}