View source for ગાતાં ઝરણાં/ધબકાર જેવો...

{{SetTitle}}

<center><big><big><big>'''ધબકાર જેવો'''</big></big></big></center>


{{Block center|<poem>
દીવાનો બની જા સમજદાર જેવો,
મળે યશ જગતમાં તિરસ્કાર જેવો;
બને તો કરી લે ગુનો પ્યાર જેવો.
<center>*</center>ગણી લક્ષ્યને પગની બેડી તજી દે,
ચમકતી જમાનાની કેડી તજી દે;
મળી જાય જો પંથ અણસાર જેવો.
<center>*</center>કરી દે ઊભી કલ્પના, એવી સૃષ્ટિ;
પરોવી રહે કોઈ દૃષ્ટિમાં દૃષ્ટિ,
સમય હોય તલવારની ધાર જેવો.
<center>*</center>ગયો ઈન્કિલાબ એક આ રાહ પરથી,
પડી પણ ગયો હું જગતની નજરથી;
મળી પણ ગયો હાથ આધાર જેવો.
<center>*</center>સદા યાદ કરવો ૫ડ્યો છે ખુદાને,
ખુદાઈ ભલે વાત મારી ન માને,
મહોબ્બત ગુનો છે સદાચાર જેવો.
<center>*</center>મુલાકાત જઈ તારલાઓને આપી.
કદી ચંદ્રની હૂંફમાં રાત કાપી,
ધરા પર નથી હું રહ્યો ભાર જેવો.
<center>*</center>યુવાનીનું થઈ જાય સન્માન જેવું.
હૃદયમાં ઊઠે કૈંક તોફાન જેવું :
કિનારો મળી જાય મઝધાર જેવો.

જમાનાને એ વાતની ક્યાં ખબર છે?
‘ગની’, આજ જે શે’ર કાગળ ઉપર છે-
હૃદયમાં હતો કાલ ધબકાર જેવો.
                 
૭-૧૦-૧૯૫૨
</poem>
}}
<br>
{{HeaderNav2
|previous = કોઈના વિચારો
|next = રોટી (મુક્તક)
}}