View source for ચાંદનીના હંસ/૨૧ ધુમ્મસને વીંધી...

{{SetTitle}}

{{Heading|ધુમ્મસને વીંધી...|}}

<poem>
:::ધુમ્મસને વીંધી સ્વપ્નથી સીધો સરી જઈશ,
:::જળને ચીંધીને વ્હેણ થઈ હું તરી જઈશ.
:::ધોળી અવાક ભીંત પર મુજ મૌન રહી જશે,
:::લંબાતા છાંયડાઓનો પર્યાય થઈ જઈશ.
:::ભીની હવાની લ્હેરખી એક સ્થિર થઈ જશે,
:::નિર્મળ ગગનમાં વાદળી થઈને ઊડી જઈશ.
:::ફૂટશે ફૂલો ફળો ને ફરી બીજ પણ મહીં,
:::પ્રત્યેક પળને સૃષ્ટિમાં ધરબી ઊંડે જઈશ.
:::ઝરશે આ ભીનાં દૃશ્યો જે સ્વપ્નિલ આંખમાં,
:::આકાર એમાં પામીને હું તો સરી જઈશ.

ડિસેમ્બર, ૭૪

</poem>

<br>
{{HeaderNav2
|previous = ૨૦ મળસ્કે
|next = ૨૨ વરસાદી આકાશે કાન માંડતા સંભળાય
}}