View source for દલપતરામનાં શ્રેષ્ઠ કાવ્યો/૩૪. હેમંત ઋતુનું વર્ણન

{{SetTitle}}

{{Heading|૩૪. હેમંત ઋતુનું વર્ણન|ઉપજાતિ વૃત્ત}}


<poem>
જુઓ બની આતસ કેરિ બાજી,
જોઈ હૃદેમાં જન થાય રાજી;
જોતાં દિસે પા ઘડી ખેલ ખાસો,
એવો જ છે આ જગનો તમાસો.

કોઠીથી દારૂ સળગી ઊઠે છે,
જાણે ઉગ્યું કાંચન ઝાડ એ છે;
શાખા દિસે પત્ર ફુલો ખરે છે,
જોવા થકી માત્ર ખુશી કરે છે.

તે ફુલ ને જે ફુલ બાગ કેરાં,
છે એક નામે ગુણ તો જુદેરા;
એવી જ રીતે જગમાં પ્રમાણો,
જેનો જનોમાં પણ ફેર જાણો.

આકાશમાં ઊંચી ચઢે હવાઈ,
તારા ખરે તે નિરખો નવાઈ;
જાણે ભલું બાણ તહાં ચડાવ્યું,
તારા નભેથી જઈ પાડી લાવ્યું.

પ્રભા જુઓ પૂર્ણ બપોરિયાની,
ભાસે ભલી તે પણ છે કહ્યાની,
જો એવી રીતે જ બપોર થાત,
તો સૂર્યની પૂછત કોણ વાત.

ફટાકિયા તો બહુ ઠામ ફૂટે,
જાણે કઢેલા પર ધાણી ફૂટે;
અનેક આકાર બીજા કર્યા છે,
ખજૂરી ને ચાદર ફાળકા છે.

વહી પુજી સાકર પાન વેંચે,
નામાં નવાં ખૂબ ખુશીથી ખેંચે;
દેવાલયોમાં અનકૂટ થાય,
જનો વિષે હર્ષ ઘણો જણાય.
</poem>

<br>
{{HeaderNav2
|previous = ૩૩. આખા શિયાળા વિષે
|next = ૩૫. વસંત ઋતુનું વર્ણન
}}