View source for શ્રેષ્ઠ ચંદ્રકાન્ત શેઠ/૫૬. અંદર જેની છલક છલક છે

{{SetTitle}}
{{Heading|૫૬. અંદર જેની છલક છલક છે|}}


<poem>
અંદર જેની છલક છલક છે, એનો મારે છંદ,
અંદર જેની રણક ઝણક છે, શ્વાસે એનો સ્પંદ. –

લયમાં સરવું વાટે ઘાટે
જોવા ઝલમલ ચ્હેરા;
બે મીઠાં જ્યાં વેણ મળે ત્યાં,
અપના રૈન બસેરા! –
અંદર જેની અવરજવર છે, એનો પદ પડછંદ. –

ઝરમર ઝીલી ઝીલી મારે
ઢાળ હોય ત્યાં ઢળવું,
ક્યાંક સમુંદર ખરો આપણો,
એ ગમ હવે નીકળવું,
અંદર રસનું તાણ સખત છે, નિકટ પૂનમનો ચંદ. –

{{Right|(ગગન ખોલતી બારી, ૧૯૯૦, પૃ. ૧૦૪)}}
</poem>