View source for મંગલમ્/અમી વર્ષન્તી બાપુની વાત

{{SetTitle}}
{{Heading|અમી વર્ષન્તી બાપુની વાત}}

{{Block center|<poem>
{{gap|3em}}અમી વર્ષન્તી બાપુની વાત	
{{gap|5em}}વસી મારે હૃદયે રળિયાત. (૨)
રંગરેલંતી જીવનને ઘાટ હરિ, એના આતમની ઉજમાળી ભાત (૨)
પૃથ્વીને પાટલે પ્રગટ્યા મોહનજી, માનવકુળના એ શણગાર
{{gap|3em}}હાં રે બાપુ પ્રેમળ જ્યોતિના અવતાર.
પગલી પવિત્ર પડી બાપુની જ્યાં જ્યાં, ફૂટી માનવતાની ધાર
{{gap|3em}}હાં રે બાપુ શલ્યાની અહલ્યા કરનાર
પારસમણિ અમૂલ્ય બાપુ ગાંધીના સ્પર્શે જાગ્યાં નરનાર
{{gap|3em}}હાં રે બાપુ જીવન જગાડણહાર. (૨)
માનવના માનભંગ સામે ઝઝૂમ્યા ખેલ્યા કંઈ સંતના સંગ્રામ
{{gap|3em}}હાં રે બાપુ જીતી ગયા સત્યકામ. (૨)
દૂર દૂર દેશે પેલા ગોરાની ગાડીમાં પડતા’તા જ્યારે પ્રહાર
{{gap|3em}}હાં રે વાળી વજ્જર મુઠ્ઠી તણી વાર. (૨)
“કાડું તૂટે ભલે મુઠ્ઠી ન છૂટે” આતમ જરી ન ઝંખવાય
{{gap|3em}}હાં રે બાપુ પ્રહ્લાદના ગુણ ગાય. (૨)
પ્યારા બાપુએ ચીંધ્યો મારગડો ઊંચે ઊંચે લઈ જાય
{{gap|3em}}હાં રે ધન્ય સર્વોદય સંસારે થાય. (૨)

{{right|— ચિમનભાઈ ભટ્ટ}}
</poem>}}
<br>
{{HeaderNav2
|previous = ચમ રહીએ
|next = એનું જીવનકાર્ય
}}