View source for અર્વાચીન ગુજરાતી કાવ્યસંપદા/ઘનશ્યામ ઠક્કર/ક્યાં સુધી

{{SetTitle}}

{{Heading|ક્યાં સુધી|ઘનશ્યામ ઠક્કર}}
<poem>
:::::::::::શક્યતા દ્વારની સાંકળ બનીશું ક્યાં સુધી?
:::::::::::ખુદ દિશાઓને સમેટી વિસ્તરીશું ક્યાં સુધી?

:::::::::::આ હથેળીના અજાણ્યા, અટપટા માર્ગો ઉપર
:::::::::::ક્યાં જઈ ખોવાઈશું? કોને મળીશું? ક્યાં સુધી?

:::::::::::આમ તો મૃગજળ સમું ક્ષિતિજોને મળવા દોડવું,
:::::::::::તોય ઉંમરને અડી પાછા ફરીશું ક્યાં સુધી?

:::::::::::અસ્તિત્વના ચગડોળ પર બે પળ ખુશી તો શક્ય છે,
:::::::::::પણ ધરીની વેદના ભૂલી શકીશું ક્યાં સુધી?

:::::::::::રોજ સૂરજ તો ફસાવે છે કિરણની જાળમાં
:::::::::::રોજ ઝાકળ થૈ સવારે અવતરીશું ક્યાં સુધી?

:::::::::::જ્યાં પિલાવાનું સતત ઘડિયાળનાં ચક્રો વચે
:::::::::::‘ક્યાં સુધી’નો પ્રશ્ન પણ પૂછ્યા કરીશું ક્યાં સુધી?
{{Right|(ભૂરી શાહીના કૂવાકાંઠે, ૧૯૮૭, પૃ. ૨૨)}}
</poem>


{{HeaderNav2
|previous =— (હજી કૈં યાદની...‌)
|next =મળવાનું મન પ્હોંચ્યું (રાધાના ગુસ્સાનું ગીત)
}}