View source for અલ્પવિરામ/બલ્લુકાકાને – છબિની ભેટ પ્રસંગે

{{SetTitle}}
<center><big><big>'''બલ્લુકાકાને – છબિની ભેટ પ્રસંગે'''</big></big></center>

<poem>
પિતામહ તમે અને શિશુક હું કલાસૃષ્ટિમાં,
તમે વિજયવંત ત્યાં મજલને વિરામે સર્યા,
ધર્યા સુદૃઢ પાય, બે જ ડગ માંડ મેં તો ભર્યાં,
છતાંય મુજને લહ્યો મુજ સુભાગ્ય કે દૃષ્ટિમાં.
કિશોર વયમાં મને પ્રથમ કાવ્યદીક્ષા મળી
સખા-સુહૃદ-મિત્ર પાસ મુજ મુગ્ધ છંદોલયે,
‘સભાન સઘળી કળા છ, કવિતાય.’ એ આ વયે
હવે જ તમ પાસ બુદ્ધિ-વિતરંત શિક્ષા મળી.
મળે અવર ભેટ આજ તનની વળી આ છવિ.
ભૂલ્યા કવિ, દિયો શું છેક બસ વસ્તુ આ નશ્વર?
ભૂલ્યા? ન, મનનીય કિન્તુ ‘ભણકાર’માં અક્ષર
સમસ્ત ગુજરાતને કર ધરી; ન ભૂલ્યા કવિ!
પ્રતીક મમતા તણું, હૃદયનું, ગણું ભેટ આ;
ધરું વિનય સાથ હુંય મુજ કૈંક, સૉનેટ આ
</poem><br>
{{HeaderNav2
|previous = વીર નર્મદને એના વારસો વિશે
|next = બલ્લુકાકાને – બ્યાશીએ
}}