View source for કાવ્ય-આચમન શ્રેણી – ઉશનસ્/૪. ધન્ય ભાગ્ય

{{SetTitle}}
{{Heading|૪. ધન્ય ભાગ્ય| ઉશનસ્}}
<poem>
::	બાઈ રે, તારાં ભાગ્ય મહા બળવાન :
અમૃતપ્રાશણહાર તે તારાં ગોરસ માગે ક્હાન!

::	ઊંચે વ્યોમભવન ખેલંદો ઊતર્યો તારે નેસ,
::	ગોરસ મિષે પ્રેમપિયાસી યાચત બાળે વેશ,
ધણી થૈ બેસે તોય શું કહીએ; આ તો માગત દાણ. — બાઈ રેo

::	કંઈક બીજી જો મહિયારીની કોઈ ન ફોડે ગોળી,
::	રાત દી પી પી પોતે, ગોરસ બગડ્યાં દેતી ઢોળી,
આપણું પીધું તુચ્છ, હરિનું ચાખ્યું બુંદ મહાન. — બાઈ રેo

::	ગગરી ફોડી ભવ ફેડ્યો ને મહીમાં પ્રીત લૂંટાઈ,
::	કાનજી જેવો લૂંટણહાર ત્યાં કૈં ન બચાવવું બાઈ!
બચિયું એટલું એળે, અહીં તો લૂંટવ્યું એટલી લ્હાણ! — બાઈ રેo

૨-૨-૫૫
</poem>
{{Right| (સમસ્ત કવિતા, પૃ. ૪૩)}}


{{HeaderNav
|previous = [[કાવ્ય-આચમન શ્રેણી – ઉશનસ્/૩. આવ્યો વસંત|૩. આવ્યો વસંત]]
|next = [[કાવ્ય-આચમન શ્રેણી – ઉશનસ્/૫. લાવ, હજી —|૫. લાવ, હજી —]]
}}