View source for ખારાં ઝરણ/કૈંક અંદરથી તૂટ્યાનું છે સ્મરણ

{{SetTitle}}
<center><big><big>'''કૈંક અંદરથી તૂટ્યાનું છે સ્મરણ'''</big></big></center>

<poem>
કૈંક અંદરથી તૂટ્યાનું છે સ્મરણ,
આભ માથે ઊંચક્યાનું છે સ્મરણ.

રાત પડતાં હુંય અંધારું થયો,
જન્મ પહેલાંના જીવ્યાનું છે સ્મરણ.

હોય તળિયે તો કદાચિત હોય પણ ,
પાણી ખોબામાં ઝીલ્યાનું છે સ્મરણ.

આપનો વહેવાર બદલાઈ ગયો,
બારીથી ધુમ્મસ લૂછ્યાનું છે સ્મરણ.

પાંદડાં ‘ઇર્શાદ’ ફિક્કાં થાય છે,
ઝાડને પંખી ઊડ્યાનું છે સ્મરણ.


૧૧-૯-૨૦૦૯
</poem><br>
{{HeaderNav2
|previous = ક્ષણ ઉપર કાયમ તરે છે, જીવ છે
|next = ચિર પ્રવાસી શ્વાસની શું જાત અલગારી હતી
}}