View source for ખારાં ઝરણ/છે ખરો કે લા-પતા, ભૈ

{{SetTitle}}
<center><big><big>'''છે ખરો કે લા-પતા, ભૈ'''</big></big></center>

<poem>

છે ખરો કે લા-પતા, ભૈ?
મન ગણે તે માન્યતા ભૈ.

આંખ મીંચી યાદ કર તો,
જીવતા ને જાગતા – ભૈ.

રોજ મારામાં રહીને,
દિનબદિન મોટા થતા ભૈ.

‘સાંકડું આકાશ બનજો’,
પંખી કેવું માંગતા – ભૈ?

વય વધેલી ઢીંગલીને,
ખૂબ ઊંડે દાટતા, ભૈ.

શું થયું ‘ઇર્શાદ’ તમને?
શ્વાસથી કંટાળતા, ભૈ?


૪-૪-૨૦૧૦
</poem><br>
{{HeaderNav2
|previous = મને તો હતું કે તું ભૂલી ગઈ
|next = રાતભરનાં જાગરણ તેં ક્યાં મૂક્યાં
}}