View source for ખારાં ઝરણ/જોઈએ, વહેલી પરોઢે એક તારો જોઈશે

{{SetTitle}}
<center><big><big>'''જોઈએ, વહેલી પરોઢે એક તારો જોઈશે'''</big></big></center>

<poem>
જોઈએ, વહેલી પરોઢે એક તારો જોઈશે,
દૂરનો તો દૂરનો તારો સહારો જોઈશે.

સાંકડું ને સાંકડું ઘર થાય છે વરસોવરસ,
વૃદ્ધ બનતા શ્વાસને લાંબો પટારો જોઈશે.

સાવ કોરી આંખની એક જ હતી બસ માગણી,
છો થવાનું થાય; પણ અશ્રુ વધારો જોઈશે.

ચાલવા ને ચાલવામાં માર્ગ લંબાતો ગયો,
આર્તસ્વરમાં હુંય કહેતો કે ઉતારો જોઈશે.

સાંજ ટાણે હાટડી જો ખોલશો ‘ઇર્શાદ’ તો,
આપ પાસે સ્વપ્નના વિધવિધ પ્રકારો જોઈશે.


૧૪-૮-૨૦૦૭
</poem><br>
{{HeaderNav2
|previous = પહોંચવાનું ગેબી અણસારા સુધી
|next = હાથે ચડી ગયું છે રિમોટનું રમકડું
}}