View source for ગુજરાતી ગઝલસંપદા/ નઝીર ભાતરી

{{SetTitle}}

{{Heading| નઝીર ભાતરી |}}

<poem>
અનુભવની મજા કોઈને કહેવામાં નથી હોતી,
અસલ વસ્તુની ખૂબી એની છાયામાં નથી હોતી.<br>
મેં બસ માની લીધું કે આપ નક્કી આવવાના છો,
જે શક્તિ હોય છે શ્રદ્ધામાં શંકામાં નથી હોતી.<br>
હરીફાઈ બહુ સાંખી નથી શકતી સરસ વસ્તુ,
સરળતા એટલે મારી કવિતામાં નથી હોતી.<br>
જગત ટૂંકી કહે જિંદગીને એમ માનીને,
જે એના ગમમાં વીતે છે એ ગણનામાં નથી હોતી.<br>
સમીપ આવ્યા વિના શું માપશો મારી પ્રતિભાને,
ચમક દરિયાના મોતીમાં છે, દરિયામાં નથી હોતી.<br>
‘નઝીર’ એવા વિચારે ફૂલ કરમાઈ ગયું આખર,
જે ખુશબૂ હોય છે બીજામાં એનામાં નથી હોતી.<br>
</poem>

{{HeaderNav2
|previous = 2
|next = 4
}}