View source for ગુજરાતી નારીસંપદા : કવિતા/હરિ... દીપનું તેજ

{{SetTitle}}
{{Heading|હરિ... દીપનું તેજ|હર્ષિદા ત્રિવેદી}}
{{center|<big><big>'''⯐'''</big></big>}}
{{Block center|<poem>
હરિ... દીપના તેજ વલયનું કાજળ મારે થાવું, 
રાતદિવસ બસ ગીત પ્રીતનું એમ નિરંતર ગાવું.

હરિ... દીપની જ્યોત ઝબકતી આકાશે જઈ અડકે, 
એ આકાશી જ્યોત ધબકતી શ્વાસે શ્વાસે ફરકે.

હરિ... દીપની જવાળાઓમાં મેશ બનીને રાચું, 
તેજપુંજમાં રાખે મુજને બે નયનોથી યાચું.

હરિ... દીપની બોલીમાં હું ફૂલ બનીને ખીલું, 
પ્રેમ ભરેલી અમૃતવાણી ભીતર ભીની ઝીલું.

હરિ... દીપના અજવાળામાં તું જ મને દેખાતો, 
સૌ કહેતાં કે તારો મારો જનમજનમથી નાતો.

હરિ... દીપના ઝબકારામાં હુંય ઝબૂકી જલતી, 
માયામોહની ગઠરી છોડી ચોગમ હરતી ફરતી.
</poem>}}
{{center|<nowiki>***</nowiki>}}
<br>
{{HeaderNav2
|previous = યાત્રા
|next = સમજી શકો
}}