View source for ગુજરાતી સૉનેટકાવ્યો/હું જન્મ્યો છું કોઈ–

{{SetTitle}}
{{Heading|૪૯. હું જન્મ્યો છું કોઈ–|ઉશનસ્‌}}

{{Block center|<poem>
હું જન્મ્યો છું કોઈ વિરહ તણું મીઠું દરદ લૈ
ઉછેરે મારા જે ઊછરતું રહ્યું ગૂઢ ભીતરે,
થતાં એનાં અંગો વિકસિત પૂરાં પુખ્ત વયનાં
સમાતો ના એનો મુજ ભીતરમાં ઇન્દ્રિયગણ;
અને એણે એની વયરુચિ પ્રમાણે નજરનું
પ્રસારીને લાળે ચીકણું ચીકણું જાળું સઘળે
ગ્રહી, ચાખી વસ્તુ નવી નવી, અને થૂથુ કરીને
થૂંકી નાખી છે રે; વળી વધી જતો મૂળ વિરહ;
હું જન્મ્યો છું સંગે વિરહ લઈ કો ગૂઢ; નહિ તો
બધા ભોગે શાને ક્ષણિક રસ, ને ગ્લાનિ જ પછી?
અરે, તો આ કોનો વિરહ ઊછરે છે મુજ વિશે?
મળ્યું જન્મારાનું દરદ, પછી, તો કોની પ્રીતનું?
ન જાને, આ કોનો વિરહ મુજ આ હાથ પકડી
જતો દોરી? કોને ઘર લઈ જશે અંતિમ ઘડી?
</poem>}}<br>
{{HeaderNav2
|previous = સ્ત્રી
|next = આદિમતાની એક અનુભૂતિ
}}