View source for તારાપણાના શહેરમાં/દશા ન હોય

{{SetTitle}}


<center><poem><big><big>'''દશા ન હોય'''</big></big></poem></center>

{{Block center|<poem>
આંખોનાં દ્વાર આમ અમસ્તાં ભીનાં ન હોય
તેં ધુમ્મસી નગરમાં ઉતારા કર્યા ન હોય

તારી જરૂર ત્યારે વધુ હોય છે મને
જ્યારે તને મળી શકું એવી દશા ન હોય

યાદોની તીક્ષ્ણતાય મટી ગઈ સમય જતાં
પાણીમાં રહીને પથ્થરો લીસા થયા ન હોય

દિવસોનાં પંખી ઊડી ગયાં એકસામટાં
જાણે કોઈ અવાજથી ચોંકી ગયાં ન હોય

ચાલો ઘરે જઈને હવે જોઈએ ‘ફના’
અહીંયાં નથી તો ક્યાંક ત્યાં પહોંચી ગયા ન હોય
</poem>}}

<br>
{{HeaderNav2
|previous = જવાહરગીરી નથી
|next = હોય નહિ
}}