View source for શાંત કોલાહલ/૯ કેવડિયાનો કાંટો


<center>'''૯ કેવડિયાનો કાંટો'''</center>

{{block center|<poem>કેવડિયાનો કાંટો અમને વનવગડામાં વાગ્યો રે :
મૂઈ રે એની મ્હેક, કલેજે દવ ઝાઝેરો લાગ્યો રે.

::::બાવળિયાની શૂળ હોય તો
::::::ખણી કાઢીએ મૂળ,
::::કેરથોરના કાંટા અમને
::::::કાંકરિયાળી ધૂળ;
આ તો અણદીઠાનો અંગે ખટકો જાલિમ જાગ્યો રે,
કેવડિયાનો કાંટો અમને વનવગડામાં વાગ્યો રે .

::::તાવ હોય જો કડો ટાઢિયો
::::::કવાથ  ફૂલડી  ભરીએ,
::::વાંતરિયો વળગાડ હોય તો
::::::ભુવો કરી મંતરીએ;

રૂંવેરૂંવે પીડ જેની એ તો જડે નહિ કહીં ભાંગ્યો રે.
કેવડિયાનો કાંટો અમને વનવગડામાં વાગ્યો રે.</poem>}}

{{HeaderNav2 |previous =૮ રે છેલ મોરા |next =૧૦ કાળવી કીકી }}