View source for શ્રેષ્ઠ ચંદ્રકાન્ત શેઠ/૫૭. – તો આવ્યાં કને

{{SetTitle}}
{{Heading|૫૭. – તો આવ્યાં કને|}}



<poem>
શોધતો હતો ફૂલ ને ફોરમ શોધતી હતી મને,
એકબીજાને શોધતાં ગયાં દૂર, તો આવ્યાં કને. –

ક્યાંક રે આંબો ટહુક્યો
એની વનમાં મ્હેકી વાત,
કમળ જેવો ખીલતો દિવસ,
પોયણા જેવી રાત.
શોધતો રહ્યો ચાંદ ને રહી ચાંદની શોધી મને,
એકબીજાને શોધતાં ગયાં દૂર, તો આવ્યાં કને. –

આંખ મીંચું ત્યાં
જૂઈનું ગાલે અડતું ઝાકળફૂલ,
મનમાં હળુક લ્હેરવા લાગે
વ્યોમની કિરણ-ઝૂલ.
શોધતો જેની પગલી એનો મારગ શોધે મને,
એકબીજાને શોધતાં ગયાં દૂર, તો આવ્યાં કને. –

{{Right|(ગગન ખોલતી બારી, ૧૯૯૦, પૃ. ૧૧૭)}}
</poem>


<br>
{{HeaderNav2
|previous = ૫૬. અંદર જેની છલક છલક છે
|next = ૫૮. જલને જાણે…
}}