View source for સિગ્નેચર પોયમ્સ/ભરતી – કૃષ્ણલાલ શ્રીધરાણી

{{SetTitle}}
<poem>
<center><big><big>'''ભરતી'''</big></big>
'''કૃષ્ણલાલ શ્રીધરાણી'''
{{Block center|
સહસ્ર શત ઘોડલાં અગમ પ્રાન્તથી નીકળ્યાં, 
અફાટ જલધિ પરે અદમ પાણીપન્થાં ચડ્યાં; 
હણે હણહણેઃ વિતાન, જગ, દિગ્ગજો ધ્રૂજતાં,
ઊડે ધવલ ફેન શી વિખર કેશવાળી છટા!

ત્રિભંગ કરી ડોકના, સકળ શ્વાસ ભેગા કરી, 
ઉછાળી નવ દેહ અશ્વ ધમતા પડી ઊપડી; 
દિશા સકળમાં ભમી, ક્ષિતિજ-હાથ તાળી દઈ, 
પડંત પડછંદ વિશ્વભર ડાબલા ઉચ્ચરી,

કરાલ થર ભેખડે, જગતકાંઠડે કારમા, 
પછાડી મદમસ્ત ધીંક : શિર રક્તનાં વારણાં; 
ધસી જગત ખૂંદશે? અવનિ-આભ ભેગાં થશે? 
ધડોધડ પડી – ખરી ગગનગુંબજો તૂટશે? 
ઉરેય ભરતી ચડે, અદમ અશ્વ કૂદી રહે! 
દિશાવિજય કૂૂચનાં કદમ ગાજતાં ઊપડે!
}}
</poem>
<br>
{{HeaderNav2
|previous = પ્રાર્થના – સ્નેહરશ્મિ
|next = જનની – દા. ખુ. બોટાદકર
}}