View source for ચૂંદડી ભાગ 1/52.મોર, તારી સોનાની ચાંચ (જાનમાં

{{SetTitle}}

{{Heading|52|}}

{{Poem2Open}}
પરંતુ એ ખંડણી મફતની ચૂકવવાની ન હોય. ચાર દહાડાનો એ ચક્રવર્તી વરરાજા જીવનનો એક દિગ્વિજય કરવા ચાલ્યો જાય છે, એટલે તેનાં સ્વાગત પણ સીમાડેથી જ શરૂ થવાં જોઈએ. વરરાજાની બહેનો, ચોપાસના સીમાડેથી ગજવતે ગળે, લાંબા મીઠા, શરણાઈ સરીખા સારંગસૂરે, સાસર ગામને સીમાડેથી જ સંદેશા મોકલવા માંડે છે. અને એ સંદેશ લઈ જનારો દૂત પણ દેવપંખી મોરલો જ બને છે :
{{Poem2Close}}

<poem>
મોર, તારી સોનાની ચાંચ 
મોર, તારી રૂપાની પાંખ 
સોનાની ચાંચે રે મોરલો મોતી ચરવા જાય

:::	મોર, જાજે ઊગમણે દેશ 
:::	મોર, જાજે આથમણે દેશ 
વળતો જાજે રે વેવાયુંને માંડવે હો રાજ!

:::	વેવાઈ મારા, સૂતો છે કે જાગ 
:::	વેવાઈ મારા, સૂતો છે કે જાગ 
…ભાઈ વરરાજે સીમડી ઘેરી, માણારાજ!

:::	સીમડીએ કાંઈ ચમર ઢોળાવ 
:::	સીમડીએ કાંઈ ચમર ઢોળાવ 
ચમરનો હોંશી વીરો મારો આવ્યો, માણારાજ.	— મોર, તારી.

:::	વેવાઈ મારા, સૂતો હોય તો જાગ 
:::	વેવાઈ મારા, સૂતો હોય તો જાગ 
1…ભાઈ વરરાજે ઝાંપલા ઘેર્યા, માણારાજ!

:::	ઝાંપલીએ કાંઈ છાંટણાં છંટાવ 
:::	ઝાંપલીએ કાંઈ પાણીડાં છંટાવ 
ઠંડકુંનો હોંશી વીરો મારો આવે, માણારાજ.	— મોર, તારી.

:::	વેવાઈ મારા, સૂતો હોય તો જાગ 
:::	વેવાઈ મારા, સૂતો હોય તો જાગ 
1…ભાઈ વરરાજે શેરીઉં ઘેરી, માણારાજ.	— મોર, તારી.

:::	શેરીએ કાંઈ ફૂલડાં પથરાવ 
:::	શેરીએ કાંઈ ફૂલડાં પથરાવ 
સુગંધીનો હોંશી વીરો મારો આવે, માણારાજ.	— મોર, તારી.

તોરણે કાંઈ તંબોળ છંટાવ 
તોરણે કાંઈ તંબોળ છંટાવ 
તંબોળનો હોંશી વીરો મારો આવે, માણારાજ.	— મોર, તારી.

:::	માંડવડે કાંઈ લાડકી પધરાવ 
:::	માંડવડે કાંઈ લાડકી પધરાવ 
લાડકીનો હોંશી વીરો મારો આવે, માણારાજ.	— મોર, તારી.

ગોત્રીજે કાંઈ રમતું મંડાવ 
:::	ગોત્રીજે કાંઈ રમતું મંડાવ 
રમતુંનો હોંશી વીરો મારો આવે, માણારાજ.	— મોર, તારી.
</poem>