View source for હેમેન શાહનાં ચૂંટેલાં કાવ્યો/જ્યોત જરા

{{SetTitle}}
{{Heading|જ્યોત જરા}}

{{Block center|<poem>જ્યોત જરા ઝુમ્મરમાં આવે,
એ આભા અક્ષરમાં આવે.

પ્રશ્ન ઘણા જીવતરમાં આવે,
જે ન કદી ભણતરમાં આવે.

પંખી મોકો મળતાં ઊડે,
માણસ ખુદ પિંજરમાં આવે.

ટેલિવિઝનમાં શું છે દૃષ્ટિ?
ગામનો ઝઘડો ઘરમાં આવે.

એ કહેશે કે અખો છે સોની,
અને કબીર વણકરમાં આવે.

બાકી જીવન ચીલાચાલુ,
કંઈક કદી શાયરમાં આવે.
 
{{right|આખરે ૨૦}}</poem>}}
<br>
{{HeaderNav2
|previous =હતી અવઢવ
|next = મળશે આસાની
}}