https://wiki.ekatrafoundation.org/index.php?action=history&feed=atom&title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87%2F%E0%AA%85%E0%AA%82%E0%AA%A7%E0%AA%95%E0%AA%BE%E0%AA%B0_%E0%AA%85%E0%AA%A8%E0%AB%87_%E0%AA%B9%E0%AB%81%E0%AA%82 2026-07-22T00:06:46Z Revision history for this page on the wiki MediaWiki 1.45.0 https://wiki.ekatrafoundation.org/index.php?title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87/%E0%AA%85%E0%AA%82%E0%AA%A7%E0%AA%95%E0%AA%BE%E0%AA%B0_%E0%AA%85%E0%AA%A8%E0%AB%87_%E0%AA%B9%E0%AB%81%E0%AA%82&diff=6319&oldid=prev 2021-06-28T23:58:38Z

<p>Created page with &quot;{{SetTitle}} {{Heading|અંધકાર અને હું| ગુલામમોહમ્મદ શેખ}} &lt;br&gt; &lt;br&gt; &lt;poem&gt; દૂરના સમુદ્રની છ...&quot;</p> <p><b>New page</b></p><div>{{SetTitle}}<br /> {{Heading|અંધકાર અને હું| ગુલામમોહમ્મદ શેખ}}<br /> &lt;br&gt;<br /> &lt;br&gt;<br /> &lt;poem&gt;<br /> દૂરના સમુદ્રની છાતી<br /> અને મારાં આંગળાં વચ્ચે અંધકારની સમીપતા છે.<br /> સમુદ્રના મસ્તકની સીધી લીટી<br /> અને પગના અંગૂઠાના છાપરિયા વળાંકને સમાન્તર<br /> બીજી બે રેખાઓ છે,<br /> એને મારા શરીરની બધી રેખાઓ આંતરે છે.<br /> છતાં હું એની સાથે એકરૂપ થઈ<br /> એના ગુહ્ય ભાગના તલ જેવો, એના હલબલાટ સાથે થથરું છું.<br /> દૂર દૂરના પાણીના હોઠની અંદર ઊકળતી શાશ્વત વાસનાઓ<br /> મને સંભળાય છે.<br /> અંધકારના વાળ અમારી બન્નેની વચ્ચે છે<br /> છતાં બપોરે એણે<br /> પોતાના હોઠની ઊતરી ગયેલી નકામી ચામડી જેવા કાદવના<br /> ઘેરા-ભૂખરા, ખરબચડા કિનારા ચખાડ્યા હતા<br /> તેના સ્પર્શની વેદનાની મીઠાશ<br /> હજી તાજી છે.<br /> એની ચામડી નીચેનો ખળભળાટ<br /> ઉપરના થર પર આવતાં આવતાં<br /> પડખું બદલતી વખતે કાળા ચિત્તાની ચામડી પર થતો<br /> લિસ્સો અને લયબદ્ધ હિલ્લોળ થઈ જાય છે,<br /> ત્યારે મને અમારી વચ્ચેના અંધકારની ક્ષુદ્રતાનું ભાન થાય છે.<br /> હું ધારતો હતો તેટલો અંધકાર ઘટ્ટ નથી.<br /> વધારેમાં વધારે એનો થર<br /> કિનારે પડેલ પથરાની છાતીએ ચીટકેલા ખાર જેટલો હશે<br /> અથવા તો મરેલી માછલીની ખવાઈ ગયેલી ચામડી જેટલો હશે.<br /> અચાનક મને વિચાર આવે છે<br /> ચાંદની રાતે જ્યારે સમુદ્ર અંધકારનાં તમામ વસ્ત્રો ચીરી<br /> નગ્ન ટોટેમ જેવો, આવકારતી ચામડીએ સળવળતો હશે<br /> ત્યારે આ પાતળા અંધકારનું શું થતું હશે?<br /> ક્યારેક તો મેં એને<br /> કીડીઓના રાજમાર્ગ જેવા સૂકા, સડેલા વૃક્ષની આંખોમાં<br /> ગંદા કપડાની જેમ ભરાઈ બેઠેલો જોયો છે<br /> અને ક્યારેક<br /> લીલાં પાંદડાંની પછવાડે જર્જરિત તંબૂ જેવો<br /> તણાયેલો પણ જોયો છે.<br /> પરંતુ જ્યારે ચાંદનીનાં સૈકાકુશળ આંગળાં<br /> છાતી પર પડી પીઠને પણ પ્રકાશિત કરે એવા આદિમ જોશથી<br /> ધસતાં હશે<br /> ત્યારે આ બિચારા, જંગલી કૂતરાઓ વચ્ચે ફસાયેલા બિલાડીના બચ્ચા જેવા<br /> ગભરુ, રેશમી અંધકારનું શું થતું હશે?<br /> મરેલા પશુના માંસના ત્રાગડા પકડીને ગીધ<br /> હવામાં હીંચકવાની રમત રમતાં હોય છે<br /> તેમ જ એ પીંખાતો હશે,<br /> બિચારો આજની રાતનો પારદર્શક અંધકાર!<br /> સૂવરની આંખોની કરુણ ગુફાઓ એને હંમેશની જેમ સંઘરશે?<br /> માછલીના લિસ્સા કાંટાનો ઉપભોગ કરતાં કરતાં<br /> એને યુદ્ધકેદીની જેમ નાસવું પડશે<br /> ત્યારે કોણ, કયો પવિત્ર પુરુષ<br /> એને ઈશ્વરના રહેવાસથી ખરડાયેલા હાથોમાં જગા આપશે?<br /> કઈ વેશ્યા એને છાતી પર ચોળી પ્રિયતમને પ્રેમથી ભેટ ધરશે?<br /> અત્યારે જેની સુંવાળી પથારી કરીને સૂતા છે<br /> એમાંના કયા કરચલા, કયા કાચબા એને શરણું આપશે?<br /> અંધકાર, તારી સ્થિરતા ઊડી જશે,<br /> તારા થર ઓગળશે<br /> અને છેવટે કોઈ પણ આડમારગે નાસીને<br /> તારે આ જ સમુદ્રની પીઠના અંદરના ચામડે<br /> રંગ બદલી રહેવું પડશે, અરે અંધકાર!<br /> <br /> ડુમ્મસ, ૧૯૬૧<br /> અથવા<br /> <br /> &lt;/poem&gt;</div>

Atulraval