https://wiki.ekatrafoundation.org/index.php?action=history&feed=atom&title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87%2F%E0%AA%93%E0%AA%B0%E0%AB%8D%E0%AA%AB%E0%AA%BF%E0%AA%AF%E0%AA%B8 2026-05-13T08:17:06Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87/%E0%AA%93%E0%AA%B0%E0%AB%8D%E0%AA%AB%E0%AA%BF%E0%AA%AF%E0%AA%B8&diff=6321&oldid=prev 2021-06-29T00:00:39Z

<p>Created page with &quot;{{SetTitle}} {{Heading|ઓર્ફિયસ| ગુલામમોહમ્મદ શેખ}} &lt;br&gt; &lt;br&gt; &lt;poem&gt; કૂતરાં વગરની વસતિમાં ભસ...&quot;</p> <p><b>New page</b></p><div>{{SetTitle}}<br /> {{Heading|ઓર્ફિયસ| ગુલામમોહમ્મદ શેખ}}<br /> &lt;br&gt;<br /> &lt;br&gt;<br /> &lt;poem&gt;<br /> કૂતરાં વગરની વસતિમાં ભસ્યા કરે છે કાળા અક્ષરો,<br /> કોઈક – કદાચ કોઈક પારખે છે મારું પગેરું.<br /> ઓળખે છે મને આ જંગલોમાં.<br /> <br /> તમે વરસોથી ફરી રહ્યા છો મારી પાછળ,<br /> વરસોથી મારો પીછો પકડ્યો છે.<br /> તમે શું પારખ્યું?<br /> મારી ગંધ? મારા લોહીમાં તો નથી માટીની જરીકે વાસ.<br /> કઈ નિશાનીએ દોડ્યા આ બાજુ?<br /> મારાં પગલાં તો પડ્યાં છે હજારો પગલાંની છાપમાં,<br /> એના પર ફર્યાં છે હજારો વાહનોનાં પૈડાં,<br /> કંઈ એંધાણી જડી, કંઈ નિશાની?<br /> મારો પડછાયો તો હું નિયમિત કપડાં જોડે પહેરી લઉં છું,<br /> અડખેપડખેની હવાને<br /> વાઢી નાખું છું દાતરડા જેવા શ્વાસે,<br /> તમને હું ક્યાં જડ્યો?<br /> તારાઓ સાથે મેં નથી કરી દોસ્તી<br /> સૂરજને મેં હંમેશ આપી છે ગાળો<br /> ચન્દ્રને ખાઈ જવા હંમેશ કર્યું છે ડાચિયું.<br /> હું કોઈની સાથે રહ્યો નથી.<br /> કોઈની સાથે ચાલ્યો નથી-બોલ્યો નથી – મારી સાથે પણ નહિ.<br /> તો પછી તમને કોણે કરી ગુસપુસ?<br /> અંધારા ઓરડામાં રિસાઈ બેઠેલ આંસુઓ વચ્ચે<br /> મેં તમને પહેલવહેલા વરતી કાઢ્યા હતા,<br /> બોરડીનો કાંટો કાઢી આંગળી પર ઊપસેલું લોહીનું ટીપું<br /> જોવામાં હું મશગૂલ હતો ત્યારે તમે એ પી જવા કહ્યું હતું,<br /> અર્ધી રાતે<br /> ઘરની પાછળના કતલખાનામાં<br /> બકરાંને તમે જગાડ્યાં હતાં?<br /> અને વહેલી સવારે લીમડે ચડી તમે ઊંઘતા હતા?<br /> પહેલા વરસાદમાં અળસિયું થઈને તમે નીકળ્યા હતા?<br /> નિર્જન ટેકરીઓમાં આવળના ફૂલમાં પતંગિયું થઈ<br /> તમે સંતાયા હતા?<br /> તમે જગાડી હતી જિજ્ઞાસા<br /> પાંદડાંના રેસા ઉખાડી કશુંક શોધવાની?<br /> મોરપીંછને તાંતણે તાંતણે છૂટું પાડવાની?<br /> કાદવમાં જામેલ પાણીમાં<br /> અજાણી ભાષામાં અજાણ્યું લખવાની?<br /> કદાચ તમે જ મને રૂપાળી રાતે<br /> એકલા રખડવાનું કહ્યું હતું.<br /> તમે કહ્યું હતું મને રાહ જોવાનું?<br /> હું કોને શોધી રહ્યો હતો ટોળામાં?<br /> તમે મને પડવાનું કહ્યું હતું રૂપમતીના તળાવમાં,<br /> ઊંચી ટેકરીઓ પરથી નીચી પગદંડીઓ પર કૂદવાનો<br /> ઉત્સાહ તમે જગવ્યો હતો?<br /> હું દરિયાની સામે ઊભો હતો<br /> ત્યારે સરુના જંગલમાં તમે ગાઈ રહ્યા હતા?<br /> બદામીમાં ઢળતી સાંજે તમે મને<br /> ડમણિયાના કિચૂડાટ સાથે પગ મેળવતા મળ્યા હતા<br /> પણ તમે આટલે લગી મારી પાછળ આવશો<br /> અને તમે જ આવશો<br /> એની ખાતરી નહોતી.<br /> અને છતાં તમે આવ્યા.<br /> પણ તમે હંમેશ મારી પાછળ કેમ ઊભા રહો છો?<br /> તમારું મોં તો દેખાડો!<br /> <br /> ઑક્ટોબર, ૧૯૬૩<br /> અથવા<br /> <br /> &lt;/poem&gt;</div>

Atulraval