https://wiki.ekatrafoundation.org/index.php?action=history&feed=atom&title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87%2F%E0%AA%95%E0%AB%8D%E0%AA%AF%E0%AA%BE%E0%AA%B0%E0%AB%87%E0%AA%95_%E0%AA%B2%E0%AA%95%E0%AA%B5%E0%AB%8B_%E0%AA%A4%E0%AB%8B_%E0%AA%95%E0%AB%8D%E0%AA%AF%E0%AA%BE%E0%AA%B0%E0%AB%87%E0%AA%95_%E0%AA%B8%E0%AA%A8%E0%AB%87%E0%AA%AA%E0%AA%BE%E0%AA%A4... 2026-05-19T00:13:13Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87/%E0%AA%95%E0%AB%8D%E0%AA%AF%E0%AA%BE%E0%AA%B0%E0%AB%87%E0%AA%95_%E0%AA%B2%E0%AA%95%E0%AA%B5%E0%AB%8B_%E0%AA%A4%E0%AB%8B_%E0%AA%95%E0%AB%8D%E0%AA%AF%E0%AA%BE%E0%AA%B0%E0%AB%87%E0%AA%95_%E0%AA%B8%E0%AA%A8%E0%AB%87%E0%AA%AA%E0%AA%BE%E0%AA%A4...&diff=12004&oldid=prev 2021-08-02T22:39:34Z

<p>Created page with &quot;{{SetTitle}} {{Heading| ક્યારેક લકવો તો ક્યારેક સનેપાત... | ગુલામમોહમ્મદ શેખ}} &lt;poem&gt; ક્...&quot;</p> <p><b>New page</b></p><div>{{SetTitle}}<br /> {{Heading| ક્યારેક લકવો તો ક્યારેક સનેપાત... | ગુલામમોહમ્મદ શેખ}}<br /> <br /> &lt;poem&gt;<br /> ક્યારેક લકવો તો ક્યારેક સનેપાત<br /> ક્યારેક ફાટી પડું ભોંય પર ચત્તોપાટ<br /> શબ્દોમાં ભાંગ, શબ્દોમાં દારૂ,<br /> શબ્દે શબ્દે તેજાબ.<br /> કવિતા કરવા જાઉં ને ઝેરના ઓડકાર આવે:<br /> શબ્દો ચડે હેડકીની જેમ,<br /> જીભે લવરી ચડાવે,<br /> ભેજામાં ચાંપે દીવાસળી,<br /> વિચારોને વીંખી કરે વાંઝિયા.<br /> જે બોલું તે ખરે ભાંગેલું-ભુક્કો.<br /> આંધળા ને અધમૂઆ અક્ષરો<br /> હાથપગ વિનાના ભિખારા અક્ષરો<br /> આમ તેમ ભમે,<br /> જ્યાં જાઉં ત્યાં વળગે,<br /> શબ્દોથી ભાગું, અક્ષરોથી ભાગું.<br /> મીંઢો થાઉં ને થાઉં મૂંગો.<br /> કવિતાનો સ્વાદ જીભેથી ઉતારવા<br /> ગળું રોજિંદા જીવનની ગોળી પર ગોળી.<br /> શબ્દોના તકિયા કરું<br /> શબ્દોનાં પાથરણાં<br /> શબ્દોને બાંધું પડીકે<br /> ન્હાઈને નિચોવી નાખું.<br /> ચાવી ચાવીને કરું પાતળા<br /> ગોઠવી દઉં ખાનામાં<br /> પરબીડિયામાં બીડી મોકલી દઉં મિત્રોને.<br /> નામોની કાઢું નનામી<br /> ક્રિયાપદોના પગ ભાંગું<br /> શબ્દોની પૂંછડીએ ચોંટેલી<br /> સૃષ્ટિને ઝાટકી નાખું.<br /> છતાંય જો ન છોડે<br /> હઠીલા રોગ જેવા શબ્દો<br /> તો કવિતાની કલ્પના કર્યાના બધા દોષ<br /> હગી નાખું રોજ સવારે.<br /> શબ્દોને જેમ જેમ હાંકું તેમ પાછા વળે,<br /> માખીઓની જેમ<br /> બમણા જોરે બણબણે.<br /> ડારું તો ઊતરી જાય પલંગ પરથી<br /> અને પાયે ઊધઈ જેવાં દર કરે.<br /> ભગાડું તો ભસે કૂતરાં જેવા<br /> વેળાકવેળા,<br /> હણી નાખું તો ગંધાય<br /> ચોમાસાનાં જીવડાં જેવા.<br /> <br /> શબ્દો છૂટતા નથી,<br /> અળગા કરું તેમ વધારે વળગે.<br /> મને વળગે, એકબીજાને વળગે,<br /> મારી નજર સામે થાય નાગા,<br /> એકબીજાને સંભોગે.<br /> નકટા જણ્યા કરે ભૂંડણની જેમ<br /> અને આરોગે એકબીજાને.<br /> થાક્યોપાક્યો હું પણ<br /> સૂકા મોંને ભીનું કરવા<br /> ગળચી જાઉં<br /> તાળવે ચોંટેલા બે-ચાર...<br /> <br /> શબ્દો છોડતા નથી,<br /> મારી દયામણી હાલત જોતાંવેંત<br /> ઘેરી વળે<br /> વળગી પડે.<br /> મારાં કપડાં ઉતારી<br /> ઘરની, બજારની, શહેરની બહાર<br /> હાંકી મૂકવા હાકોટા કરે.<br /> કવિતા એક ભૂખ<br /> દમાતી નથી, સહેવાતી નથી.<br /> નથી લાગતી તો બધું લુખ્ખું લાગે છે.<br /> કવિતા એક રોગ, એક પીડા,<br /> એક ઢોંગ, એક જુઠ્ઠાણું.<br /> જાદુગરનો, નટનો, ધુતારાનો ખેલ.<br /> મને હિપ્નોટાઇઝ કરી<br /> આખી દુનિયા સામે મારું ઓઝરું ખોલે,<br /> મારી શિરાઓમાં સીવે વીજળીના તાર;<br /> જ્વાળામુખીના ફોટાવાળું છાપું જોઈ ધ્રૂજું,<br /> હજારો જોજન દૂર યુદ્ધના વિચારે<br /> થાઉં ખિન્ન,<br /> યુદ્ધના ધડાકાની કરે કોઈ નકલ<br /> મારે આંતરડે વળ ચડે, મારું જઠર ફૂટે<br /> કવિતા મને હડકાવે, ભડકાવે<br /> મારી ઇચ્છા વિરુદ્ધ સંભોગી અભડાવે,<br /> મારી સ્મૃતિઓને ફૂમકાં બાંધી<br /> બજારમાં વેચે.<br /> <br /> કવિતા લખું ને થાઉં વામણો<br /> કવિતા લખીને થાઉં (કવિઓથીય) અળખામણો.<br /> લખું તે કોઈકને ગળે ચોંટે<br /> કોઈ થૂંકી નાખે બીડી જેમ,<br /> લૂછે એનાથી હાથ.<br /> એનાથી ન મળે રોટલો<br /> ન ભાંગે કોઈની ભૂખ<br /> છતાંય વેવલી કવિતાને વારસારૂપ<br /> ગણી વાપરું.<br /> <br /> આજ લગી લખ્યું, લખ્યા કર્યું<br /> જક્કી થઈને<br /> લખીને ફાડી, ફાડીને લખી.<br /> લખીને હસ્યો<br /> માથું કૂટ્યું,<br /> લખીને સાચવી રાખી જીવ્યાની નિશાની જેવી.<br /> આજ લગી મારી મારી કરીને જાળવી<br /> તે હવે મારું જ લોહી પીવા બેઠી છે,<br /> લૂંટવા બેઠી છે મને.<br /> હવે તો હુંય એને લૂંટીશ<br /> એનો રસ કાઢીશ, કસ કાઢીશ, એને ચૂસી જઈશ.<br /> એનાં હાડકાંનો કરીશ ભૂકો<br /> એમાં જામગરી ચાંપીશ<br /> રસ્તે રસ્તે, શેરીએ શેરીએ<br /> જ્યાં મળશે ત્યાં<br /> એને સળગાવીશ.<br /> <br /> મે, ૧૯૭૩<br /> અથવા <br /> &lt;/poem&gt;</div>

Atulraval