https://wiki.ekatrafoundation.org/index.php?action=history&feed=atom&title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87%2F%E0%AA%9A%E0%AA%B9%E0%AB%87%E0%AA%B0%E0%AB%8B 2026-05-12T02:51:32Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87/%E0%AA%9A%E0%AA%B9%E0%AB%87%E0%AA%B0%E0%AB%8B&diff=12003&oldid=prev 2021-08-02T22:38:30Z

<p>Created page with &quot;{{SetTitle}} {{Heading| ચહેરો | ગુલામમોહમ્મદ શેખ}} &lt;poem&gt; ઘણી વાર શબ્દો હાથમાં ઝાલેલ ફ...&quot;</p> <p><b>New page</b></p><div>{{SetTitle}}<br /> {{Heading| ચહેરો | ગુલામમોહમ્મદ શેખ}}<br /> <br /> &lt;poem&gt;<br /> ઘણી વાર શબ્દો હાથમાં ઝાલેલ ફટાકડાની જેમ<br /> ફૂટી પડે છે,<br /> ફૂંક માર્યા ઓલવાતા નથી.<br /> છાપાની કીડિયારી ધાર પર<br /> યુદ્ધહરોળમાં ગોઠવાયેલા સૈનિકોની જેમ<br /> શબ્દો ફૂટે છે.<br /> નસીબને મુઠ્ઠીમાં લઈ નાસતા માણસનો ચહેરો<br /> એમાં દેખાતો નથી.<br /> મારી પાસે કચડાયેલી જીભથી ખરડાયેલો<br /> એક શબ્દ છે.<br /> એના આધારે હું કોઈ બચી ગયેલા ચહેરાની<br /> શોધમાં નીકળું છું,<br /> વિશ્વરૂપી છાપાના ખૂણે ખૂણે ભટકી વળું છું<br /> પણ ચહેરો જડતો નથી.<br /> તરફડતા શબ્દને પાછો ગળી જાઉં છું.<br /> થાકેલા પંખી જેવો શબ્દ<br /> પેટમાં પડેલા તાજા અન્નના પર્વત પર<br /> શ્રમિત થઈને બેસે છે,<br /> છાપું એના પર છત્ર થઈને છવાઈ જાય છે.<br /> અન્નના નીચે ઊતરવાની ક્ષણે<br /> છાપામાં ગોળીબારથી લથડતું શરીર ઢળે છે.<br /> અન્ન બેસે<br /> અવકાશમાં બેસે યાત્રી<br /> અન્નનો અગ્નિ જઠરાગ્નિ ઠારે<br /> મોઝામ્બિકમાં ભૂખ્યા બાળકને ફૂંકી દે સૈનિક,<br /> અન્ન આંતરડામાં સંતાકૂકડી રમે<br /> અણુબોમ્બના અખતરા, પેસિફિકમાં બુદ્બુદો,<br /> અન્ન રક્તને દરવાજે<br /> ઓલવાય મુક્તિના જંગ<br /> શરૂ થાય અત્યાચાર,<br /> ક્રોધિત પતિ, પત્નીની યોનિ પર કરે<br /> વીજળીના તારના આઘાત,<br /> ક્યાંક કાઠિયાવાડમાં કેરોસીન છાંટી<br /> નવવધૂ કરે આપઘાત,<br /> હબસીની કાંધના જોડા પહેરી<br /> ગોરો બેસે બગીમાં,<br /> ક્યાંક સરમુખત્યારી, ઘણે ભ્રષ્ટાચાર<br /> ક્યાંક ટેલિવિઝન પર યુદ્ધશાન્તિ પર સેમિનાર.<br /> અન્ન હવે અંગાંગમાં<br /> હવે અન્ન ને દેહનું અદ્વૈત.<br /> ગાભરો શબ્દ ઘર ભણી મૂકે દોટ,<br /> તંદ્રાની ભેખડ પર હાંફતો બેસી રહે...<br /> બાળપણ નામનું બોન્સાઈ, વંટોળ જેવી સ્મૃતિઓ,<br /> અંધકારના આકારનું ઘર.<br /> વ્યાકુળ,<br /> હું ખેંચી કાઢું છાપું પેટના મૂળમાંથી,<br /> શબ્દના અ-ક્ષરપ્રાણને ઢંઢોળું:<br /> ચાલ, ચેતવીએ રહીસહી જામગરી<br /> ચાલ,<br /> આંધળા અખબારને સળગાવી<br /> પેટવીએ ઝાળ ઝાળ ચહેરો,<br /> ચાલ.<br /> <br /> ૧૯-૫-૧૯૭૪<br /> અથવા <br /> &lt;/poem&gt;</div>

Atulraval