https://wiki.ekatrafoundation.org/index.php?action=history&feed=atom&title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87%2F%E0%AA%AE%E0%AA%A8%E0%AB%8B%E0%AA%B9%E0%AA%B0_%E0%AA%B8%E0%AB%8D%E0%AA%A5%E0%AA%B3%E0%AB%87_%E0%AA%AE%E0%AA%BE%E0%AA%82%E0%AA%A6%E0%AA%97%E0%AB%80 2026-05-17T07:07:29Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%85%E0%AA%A5%E0%AA%B5%E0%AA%BE_%E0%AA%85%E0%AA%A8%E0%AB%87/%E0%AA%AE%E0%AA%A8%E0%AB%8B%E0%AA%B9%E0%AA%B0_%E0%AA%B8%E0%AB%8D%E0%AA%A5%E0%AA%B3%E0%AB%87_%E0%AA%AE%E0%AA%BE%E0%AA%82%E0%AA%A6%E0%AA%97%E0%AB%80&diff=12005&oldid=prev 2021-08-02T22:41:38Z

<p>Created page with &quot;{{SetTitle}} {{Heading| મનોહર સ્થળે માંદગી | ગુલામમોહમ્મદ શેખ}} &lt;poem&gt; ૧ ઘેરાં ને ઘાટા...&quot;</p> <p><b>New page</b></p><div>{{SetTitle}}<br /> {{Heading| મનોહર સ્થળે માંદગી | ગુલામમોહમ્મદ શેખ}}<br /> <br /> &lt;poem&gt;<br /> ૧<br /> <br /> ઘેરાં ને ઘાટાં ઝુંડમાં મઢેલી<br /> ટીપુના રાજબેટની વીંટી<br /> કાચી કુંવરી<br /> કાવેરી<br /> બારીએ, ઝબકતા આભ જેવી વહે છે.<br /> ધસે પાણી સામે ધાડાં હવાનાં<br /> વચ્ચે તીર-તીણો વરસાદ:<br /> પ્રવાહ પર ચકતાં ચન્દ્રનાં કે ચમકતાં માછલાં?<br /> આ એક લઈ ઊડી તે સમડી<br /> કે ફફડેલી ડાળની છાયા?<br /> <br /> એ બધો નીરોગીનો ચારો,<br /> અહીં તો દુનિયા<br /> પથારી ને બાથરૂમમાં પૂરી થાય છે.<br /> ગોળી સાથે ગળવા<br /> તતડતી ટ્યુબલાઇટ, માંદો ગોળો,<br /> ગરોળી ને ભક્ષ્યનું તારામૈત્રક<br /> સવારે ને સાંજે.<br /> બબ્બે કામળે દટાયા હાથ ને પગ<br /> મરેલી કાલનું રટણ કરે છે:<br /> ટીપુના પાળિયા પાછળ કાવેરી કાંઠે<br /> બે ટાબરિયાં બીડી પીતાં’તાં,<br /> મસમોટી મસીદ, નાના નમાજી,<br /> મંદિરે રંગબેરંગી દેવ.<br /> એક ખૂણે<br /> વિસ્મૃત રમતના ગંજીફા ચીતરતો રઘુપતિ<br /> ને ઐતિહાસિક મૂછનો માલિક, એકાકી વકીલ<br /> સહેલાણીઓની વાટ જોઈ બેઠા હતા.<br /> દરિયાદૌલતની દીવાલે<br /> કતારબંધ સેના સાથે કદમ મિલાવતા<br /> અંગ્રેજી કબ્રસ્તાનની ઘરડી કબરોના રહેવાસી<br /> દુશ્મનની પલટનમાં પેસી ગયા’તા.<br /> <br /> રટીરટી પગ હવે હૂંફાળા –<br /> ગરોળીના ધરવના ડચકારે વમળાય છે.<br /> હાથવગા હાથ<br /> આંગળીએ આંખો બીડી<br /> બારી ધકેલે છે<br /> અને ધસમસતી કાવેરી<br /> કાચ ફોડી ઓરડે ઊતરવા<br /> પછડાટો નાખે છે.<br /> <br /> <br /> <br /> ૨<br /> <br /> કાવેરીનાં પ્રાચીન પાણીની વાસમાં<br /> ટીપુના કિલ્લાની લીલ ઓગળી ગઈ છે.<br /> બબ્બે કામળા, ગંજીફરાક ને ગલપટા<br /> આખે ખોળિયે ઊન,<br /> રજાઈ પર અસવાર આંધળી ચાકણ જેવી ટાઢ.<br /> ઓરડે અજવાળું અંધારે બોળ્યું છે,<br /> પીળી દીવાલ ધોળી ટ્યુબલાઇટને ગળી ગઈ છે.<br /> પડદે ફૂલ કાળાં કેમ?<br /> આ પંખાની ધારે કાટ, કોઈ સાફ કેમ કરતું નથી?<br /> ટેબલ પર ચીતરવાના રંગો ભેળી ગોળીઓ ભળી ગઈ છે<br /> ચીતરવાના વિચાર હમણાં લગી<br /> મુઠ્ઠીમાં હતા તે ક્યાં ગયા?<br /> શું આજની રાત<br /> અંગ્રેજી કબ્રસ્તાનની ભૂતડી જમરૂખડી જેમ<br /> ઝળૂંબતી રહેશે?<br /> ને રોગીના સગા જેવી કાવેરી<br /> બારી બહાર કલવલતી રહેશે?<br /> પણ<br /> વીજળીના તારે ઝૂલતું<br /> આ કલકલિયું<br /> લવરીએ ચડ્યું છે:<br /> એને તો કોઈ ઉડાડો!<br /> <br /> <br /> <br /> ૩<br /> <br /> પહેલાં તો નદી થઈને આવી, હેમાળી:<br /> નજર સામે<br /> જોવાનાં ને પીવાનાં પાણી પીળાં થયાં.<br /> પછી વડ થઈને વળગી<br /> મૂળિયાં સોતી ઊતરી<br /> ખોળિયાના ખૂણેખૂણે.<br /> અચાનક રાત ઊડી ગઈ<br /> સવાર સળગવા માંડી,<br /> જામફળમાં જીવડા જેવી બપોર<br /> ધતૂરી થઈ જીભે ચડી,<br /> વાસી ઉદાસી થઈ સાંજ ઊતરી આવી<br /> ટાઢ આખો દિવસ પાંગતે બેસી રહી<br /> અણગમતા ગોઠિયા જેવી.<br /> પ્હોરે પ્હોર ફાટ્યા<br /> પછી જવા નીકળી:<br /> જતાં જતાં રગેરગે, નખ લગી ધખી<br /> સરકી છછૂંદર થઈ<br /> ને મૂકી ગઈ વેઢે વેઢે સળવળાટ, કવળાટ.<br /> હવે તો<br /> ભૂલા પડેલા પંખી જેવી રાત કવેળા ઊઠી છે<br /> સદ્યસ્નાતા બપોર કાવેરી પર પડખું ફરે છે<br /> સામે, સોનમહોરના પાંદડે પાંદડે સાંજ ખખડે છે:<br /> જાતે વાસેલાં બધાં બારણાં ખોલીને ટાઢ<br /> મૂકી ગઈ છે તે ઉઘાડ<br /> દુનિયામાં પહેલાં ક્યારેય નહોતો.<br /> <br /> ૧૯૯૨, શ્રીરંગપટ્ટણ<br /> અને <br /> &lt;/poem&gt;</div>

Atulraval