KhyatiJoshi at 12:01, 21 October 2021

2021-10-21T12:01:59Z

← Older revision		Revision as of 12:01, 21 October 2021
Line 155:		Line 155:
	{{space}}બસ ચૂપ ર્‌હો, નહીં તો અહીંથી ચાલવા માંડો…		{{space}}બસ ચૂપ ર્‌હો, નહીં તો અહીંથી ચાલવા માંડો…
	</poem>		</poem>


			{{HeaderNav2
			\|previous = ઍકવેરિયમમાં
			\|next = ગાયત્રી
			}}

MeghaBhavsar at 09:01, 12 July 2021

2021-07-12T09:01:13Z

← Older revision		Revision as of 09:01, 12 July 2021
Line 1:		Line 1:
			{{SetTitle}}
			{{Heading\|પાત્રો\| નિરંજન ભગત}}
	<poem>		<poem>
	કવિ :		કવિ :

HardikSoni: Created page with " કવિ : {{space}}… બસ ચૂપ ર્‌હો, નહીં તો અહીંથી ચાલવા માંડો! {{space}}તમે બોલ્..."

2021-06-26T06:23:24Z

Created page with "<poem> કવિ : {{space}}… બસ ચૂપ ર્‌હો, નહીં તો અહીંથી ચાલવા માંડો! {{space}}તમે બોલ્..."

New page

<poem>
કવિ :

{{space}}… બસ ચૂપ ર્‌હો, નહીં તો અહીંથી ચાલવા માંડો!
{{space}}તમે બોલ્યા વિના રહેશો નહીં,
{{space}}તો જાઓ માનવમેદની મહીં
{{space}}`દીનતા-દારિદ્ર' પર ભાષણ ભલેને લાખ ભાંડો!
{{space}}એ તમારા નાટ્યના સૌ નટ અહીં જોતા નથી જાગી જશે!
{{space}}આંખો મીંચીને કંઈક એ શોધી રહ્યાં,
{{space}}વાણી વિના પણ કોઈને એ કંઈક સંબોધી રહ્યાં;
{{space}}ત્યાં ચૂપ જો ર્‌હેશો, નથી શું લાગતું
{{space}}કે એમનું મૂંગું હૃદય જે માંગતું
{{space}}એ હાથ પણ લાગી જશે
{{space}}ને જો અગર ર્‌હેશો નહીં તો સ્વપ્ન જેવું સ્વપ્ન પણ
{{space}}ભાંગી જશે?

ફેરિયો :

{{space}}જોકે મને સૌ ફેરિયો ક્‌હે છે છતાં ફરતો નથી,
{{space}}પણ એમ તો મારું નસીબ ક્યાં ફરે છે?
{{space}}એટલે આ ભીંત પણ ક્યારેક તો મારી હવે ઈર્ષા કરે છે.
{{space}}હું ફર્યાથી એમ તો ડરતો નથી,
{{space}}ફરવું જ મારે હોય, સોનાપુર
{{space}}અહીંથી માત્ર છે બસ સો જ ડગલાં દૂર,
{{space}}પણ મરતો નથી.
{{space}}હું સાત વરસોથી અહીં આ ભીંતને ટેકે
{{space}}ઊભો રહું છું, દિવસ ખોયો નથી એકે;
{{space}}પુરાણી એની એ આ ભીંત,
{{space}}મારે એક એની પ્રીત,
{{space}}ને તોપણ અજાણી આજ લાગે, આજ પ્હેલાં
{{space}}માત્ર જાણે સ્વપ્નમાં દીઠી;
{{space}}હજુ ગઈ કાલ સુધી જે અદેખી, એ હવે આડું
{{space}}જુએ, જાણે થતું એને અહીંથી ચાલવા માંડું;
{{space}}ધરે વરસોવરસ એવી ચૂનાની એ ચમક મીઠી,
{{space}}અને વરસોવરસ કેવું કરચલીથી વધુ ચીતરાય આ ચાડું!
{{space}}અરે, આ ભીંત પર હું ઝાડ થૈને શીદને તે ના ઝૂક્યો?
{{space}}સાતે વસંતો વહી ગઈ ને ફૂલ હું નાહક ચૂક્યો!

આંધળો :

{{space}}કે શું હજુ હું ગર્ભમાંથી નીકળ્યો ના બ્હાર
{{space}}તે મારા જનમને કેટલી છે વાર?
{{space}}કે શું ઝાળ પણ જંપી ગઈ છે ચેહમાં
{{space}}તે હું હવે વસતો નથી મુજ દેહમાં?
{{space}}કે કંઈક એની આંખથી આ આંખમાં છે ભૂલથી જોવાઈ ગયું?
{{space}}જેથી અચાનક આમ મારું તેજ બસ ખોવાઈ ગયું,
{{space}}મેં આ જગતની કેટલી કીર્તિ સુણી'તી સ્વર્ગમાં તે
{{space}}આવવાની લ્હાયમાં ને લ્હાયમાં
{{space}}હું કીકીઓ ભૂલી ગયો ત્યાં કલ્પદ્રુમની છાંયમાં!
{{space}}ત્યારે જગતનું રૂપ જોવાનું મને કેવું હતું સપનું!
{{space}}હવે ચશ્મું થવા ચાહે સળગતો આ સૂરજ રે તોય શા ખપનું?
{{space}}ઊંચે માથું ઉઠાવી આભ સામે પણ હવે ધરવું નથી,
{{space}}ને કોણ ક્‌હે છે ચન્દ્રસૂરજતારલાએ સૌ જલે?
{{space}}એ તો પલક અંધારનું હૈયું હલે!
{{space}}મેં જોઈ લીધો છે જગતનો સાર
{{space}}કે અહીં તેજની ભીતર વસ્યો અંધાર.
{{space}}હું તો નીંદમાં ચાલી રહ્યો, ફિલસૂફ છું, એવું કશું ક્હેશો નહીં;
{{space}}તો આંધળો છું એમ કહીને આંધળા ર્‌હેશો નહીં!

ભિખારી :

{{space}}આ હાથ જે સામે ધર્યો
{{space}}એ હાથને ઘડનારનો પણ હાથ
{{space}}એના જેટલો લાચાર ને પામર ઠર્યો,
{{space}}ત્યાં કોણ કોને આપશે રે સાથ?
{{space}}કરશે કોણ કોની બંદગી?
{{space}}આ વણહસ્યે ગુજરી ગઈ છે જિંદગી,
{{space}}એમાંય હસવાનું મને એકાદ તો જોકે મળ્યું બ્હાનું,
{{space}}પ્રભુનો કેટલો તે પાડ માનું?
{{space}}ક્‌હો તમે એણે ઘડ્યો આ હાથ
{{space}}જેણે આ જગત સરજ્યું? જગતનો નાથ
{{space}}ક્‌હો છો? આ જ ને એનું જગત કે હુંય તે જેમાં વસું?
{{space}}ને તે છતાં જો `ના' કહો તો નહીં હસું.
{{space}}`હા' તો તમે ક્યાંથી કહો? જ્યાં હાથ મેં સામે ધર્યો
{{space}}તેવો જ તે નન્નો સર્યો!
{{space}}પણ ચન્દ્રસૂરજતારલા
{{space}}હું આ હથેળીમાં રમાડું, કોઈ તો આપો ભલા!
{{space}}જે કેમ કે હું ક્યારનો એમાં વહું છું કેટલાયે ભારને,
{{space}}સૂનકારને.

વેશ્યા :

{{space}}હું તો ભવોભવ સ્ત્રી હતી,
{{space}}ને કોઈ ભવમાં તો સતી;
{{space}}આજે હવે? જાણે નનામી,
{{space}}કોઈ રાધા ક્‌હે વળી તો કોઈ રામી!
{{space}}દેહ છે, દેખાવડો? એ તો ઉપરની સુગંધો;
{{space}}લાગણી? લટકાં કહો, ને ચાલશે ક્‌હેશો અગર જો માત્ર ધંધો.
{{space}}લોક તો કૈં કૈં મળે છે, નિત નવા;
{{space}}પણ હા, મળે છે માત્ર સૌ ભૂલી જવા,

{{space}}દિનભર ન જોતું કોઈ મોં સામું,
{{space}}છતાં રાતે ન રહેતું કોઈ સરનામું.
{{space}}તમે વાળ્યો હશે ક્યારેક કાગળનો ડૂચો,
{{space}}ટાળ્યો હશે જે બારીએથી બ્હાર, રસ્તા પર;
{{space}}પવનને પ્યાર તે પાડે-ઉપાડે જે કદી નીચો કદી ઊંચો;
{{space}}કહોજી કેટલા છ સસ્તા દર!
{{space}}સલામત છે તમારા મ્હેલની ભીંતે
{{space}}મઢેલી કો છબી જેવી કુંવારી કન્યકા નિત્યે;
{{space}}અમારી જાત જીવે છે, પ્રભુની મ્હેરબાનીથી
{{space}}{{space}}{{space}} સદા જીવશે જ ધરતી પર,
{{space}}નજર સૌ નાંખશે ને ત્યાં લગી તો રોજ `ફરતી' પર?

પતિયો :

{{space}}પણ સૌ લોકની નાજુક પાની એંડને ઓળંગતી, અડતી નથી;
{{space}}ને એમ એ સૌની નજર મારી પર પડતી નથી.
{{space}}દખ્ખણ ભણી? ના, એ દિશા તો જમ તણી;
{{space}}શું એમ માની કોઈનું મોં એ ભણી ર્‌હેતું નથી?
{{space}}એ તો હવે પથ્થર, હવે શાનો મણિ?
{{space}}શું એમ માની કોઈ ખરતા તારલાને લેખમાં લેતું નથી?
{{space}}મુજ બોલને પણ કોઈ કાને કેમ નહીં ધરતું હશે?
{{space}}આ બોલતી ચોપાસ
{{space}}વીંટળાઈ વળ્યો છે રોગિયાનો શ્વાસ
{{space}}તે એથી જતું ને આવતું આ લોક શું ડરતું હશે?
{{space}}આ હવા પર એમનું કૈં ચાલતું જો હોતને
{{space}}તો શ્વાસ ક્યાંથી હોત મારા પ્રાણમાં?
{{space}}પણ એમ તો કોણે જીત્યું છે મોતને?
{{space}}ને આ હવાએ કોઈનીયે વાતને ક્યારે લીધી છે ધ્યાનમાં?
{{space}}આ લોક તો લાચાર (ને ક્યારે ન'તા?)
{{space}}ને શી હઠીલી છે હવા, હું એટલે જીવી રહ્યો;
{{space}}કોહી ગયું છે પોત કાયાનું છતાં
{{space}}મજબૂત એ બખિયા વડે સીવી રહ્યો.

સ્વગતોક્તિ :

{{space}}મૅરિન સ્ટ્રીટ, પડખેથી આંધળો પસાર થાય છે, એને જોઈને
ફેરિયો :
{{space}}આ આંધળો છે તે છતાં
{{space}}ફરતો ફરે છે બેપતા!

{{space}}ગિરગામ રોડ, પડખેથી ભિખારી પસાર થાય છે, એને સાંભળીને આંધળો :
{{space}}આ કોણ છે? જેની નજર તોફાન મચવે,
{{space}}ને હથેલીમાં રૂપાળું આ જગત નચવે!

{{space}}કોલાબા, પડખેથી વેશ્યા પસાર થાય છે, એને જોઈને
ભિખારી :
{{space}}અરે, આ દેહ પર છે કેટલી દોલત!
{{space}}દસમા ભાગની મારી કને જો હોતને તો આમ ના બોલત!

{{space}}ઍપોલો, પડખેથી પતિયો પસાર થાય છે, એને જોઈને
વેશ્યા :
{{space}}અહો, શી ખુશનસીબી! કોઈનીયે આંખ જ્યાં રોકાય ના,
{{space}}છૂરી સમી ભોંકાય ના!ફ્ર

{{space}}બોરીબંદર, પડખેથી કવિ પસાર થાય છે, એને જોઈને
પતિયો :
{{space}}વેશ્યા, ભિખારી, આંધળો ને ફેરિયો,
{{space}}ક્‌હો, કેમ લાગે છે મને સૌ આ જનમનાં વેરીઓ?

{{space}}મધરાત, એકાંતમાં એની કાવ્યપોથીમાં
કવિ :
{{space}}બસ ચૂપ ર્‌હો, નહીં તો અહીંથી ચાલવા માંડો…
</poem>

અર્વાચીન ગુજરાતી કાવ્યસંપદા/નિરંજન ભગત/પાત્રો - Revision history

KhyatiJoshi at 12:01, 21 October 2021

MeghaBhavsar at 09:01, 12 July 2021

HardikSoni: Created page with " કવિ : {{space}}… બસ ચૂપ ર્‌હો, નહીં તો અહીંથી ચાલવા માંડો! {{space}}તમે બોલ્..."