https://wiki.ekatrafoundation.org/index.php?action=history&feed=atom&title=%E0%AA%89%E0%AA%A6%E0%AA%AF%E0%AA%A8_%E0%AA%A0%E0%AA%95%E0%AB%8D%E0%AA%95%E0%AA%B0%E0%AA%A8%E0%AA%BE%E0%AA%82_%E0%AA%89%E0%AA%A4%E0%AB%8D%E0%AA%A4%E0%AA%AE_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AB%8B%2F%E0%AA%AF%E0%AB%81%E0%AA%A6%E0%AB%8D%E0%AA%A7_%E0%AA%85%E0%AA%A8%E0%AB%87_%E0%AA%B6%E0%AA%BE%E0%AA%82%E0%AA%A4%E0%AA%BF
ઉદયન ઠક્કરનાં ઉત્તમ કાવ્યો/યુદ્ધ અને શાંતિ - Revision history
2026-05-19T19:57:04Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%89%E0%AA%A6%E0%AA%AF%E0%AA%A8_%E0%AA%A0%E0%AA%95%E0%AB%8D%E0%AA%95%E0%AA%B0%E0%AA%A8%E0%AA%BE%E0%AA%82_%E0%AA%89%E0%AA%A4%E0%AB%8D%E0%AA%A4%E0%AA%AE_%E0%AA%95%E0%AA%BE%E0%AA%B5%E0%AB%8D%E0%AA%AF%E0%AB%8B/%E0%AA%AF%E0%AB%81%E0%AA%A6%E0%AB%8D%E0%AA%A7_%E0%AA%85%E0%AA%A8%E0%AB%87_%E0%AA%B6%E0%AA%BE%E0%AA%82%E0%AA%A4%E0%AA%BF&diff=72026&oldid=prev
Meghdhanu: +1
2024-04-06T01:06:13Z
<p>+1</p>
<p><b>New page</b></p><div>{{SetTitle}}<br />
<center><big><big>'''યુદ્ધ અને શાંતિ'''</big></big></center><br />
<br />
<center>(‘વોર ઍન્ડ પીસ’ ભીંતચિત્ર, ૧૯૫૨-૫૬)</center><br />
<br />
<poem><br />
'''૧.'''<br />
સંયુક્ત રાષ્ટ્રસંઘમાં દાખલ થતાંની વેંત <br />
જોશો તો બેય બાજુએ અતિકાય ભીંતચિત્ર! <br />
અતિકાય યાને કેવડું? લો ટૂંકમાં કહું :<br />
‘મોનાલિસા’ના સ્મિતથી યે સાતસો ગણું! <br />
ચચ્ચાર વર્ષ રાતદિવસ ચાલ્યું ચિત્રકામ <br />
બ્રાઝિલનો ચિત્રકાર હતો, પોર્ટિનારિ નામ<br />
<br />
પ્રકૃતિ ને પ્રતિકૃતિ ચીતરી ચૂક્યો હતો <br />
પણ નાનાં નાનાં ચિત્રથી નહોતો થતો ધરવ <br />
આવો ને આવડો મળે અવસર કદી કદી<br />
(કોપો નહીં તો ટાંકી લઉં હું ‘મરીઝ’નેે? <br />
‘આ નાનાં નાનાં દર્દ તો થાતાં નથી સહન, <br />
દે એક મહાન દર્દ અને પારાવાર દે.’)<br />
<br />
પીંછી ઉપાડી, ભીંતમાં મારગ થતો ગયો<br />
<br />
'''૨.'''<br />
કલ્પ્યો વિષય, વહેંચી દીધો બે વિભાગમાં <br />
રાખ્યું છે ‘યુદ્ધ’ નામ પ્રથમ ભીંતચિત્રનું<br />
<br />
ભૂરુંભડાક ભાસતું, જો જામલીચટાક <br />
છંટાયેલો નથી જ નથી રંગ રક્તનો <br />
ઊંચા સ્વરે જે વાત કરે તે કળા નથી<br />
<br />
સર્વત્ર સ્ત્રી જ સ્ત્રી જ છે. પુરુષો કશે નથી <br />
યુદ્ધોની પૂર્વે તો હતા, કિન્તુ હવે નથી <br />
કુરુકુળવધૂ ફરી રહી ઓગણીસમે દિવસ?<br />
<br />
કોઈ કરીને પીઠ ઊભી, કોઈ હસ્તથી <br />
ઢાંકી રહી વદન, કોઈ તાકે છે આભમાં <br />
મુખભાવ નારીવૃંદના કેવી રીતે કળાય? <br />
ચીતરી નથી તે વેદના ચિતરાય ચિત્તમાં<br />
<br />
‘પિયાટા’ નામે શિલ્પ તો જોયું હશે તમે <br />
ખોળે લઈને ઈસુની નિશ્ચેષ્ટ કાયને <br />
બેઠી છે એની માતૃકા, એક જ ફરક અહીં – <br />
ખોળો છે, માતૃકા ય છે, બેટો કશે નથી.<br />
<br />
'''૩.'''<br />
ઓચિંતો રક્તસ્રાવ થયો પોર્ટિનારિને <br />
ડૉક્ટર કહે કે રંગમાં સીસું છે ભારોભાર <br />
વિષનો થશે વિકાર, વધુ ચીતરો નહીં<br />
<br />
ઊંચું ય જોયા વિના કહ્યું પોર્ટિનારિએ, <br />
‘આજે કહો છો : ચિત્ર ચીતરવાનું મૂકી દે <br />
કાલે કહેશો : શ્વાસને લેવાનું મૂકી દે!’<br />
<br />
'''૪.'''<br />
‘શાંતિ’નું ભીંતચિત્ર પીળુંવાદળીધવલ <br />
ડુંગર તળેની ખીણ મહીં વાંભુ નામે ગામ <br />
રમતે ચડ્યાં છે બાલુડાં, ગમતે ચડ્યાં જુઓ <br />
ના, સ્ત્રી નથી, પુરુષ નથી, કેવળ છે બાળકો <br />
કિલકારતાં અશે કશે ઝૂલાની પાંખથી<br />
લંબાવી પાય ઘાસમાં બેઠાં છે એક-બે<br />
આનંદની ઉજાણી ચલે પુરબહારમાં<br />
કન્યાને સ્ત્રી થવાની ઉતાવળ કશી નથી<br />
ચીતરેલાં હોય બાળકે એવા આ બાળકો<br />
<br />
આજે ય ચિત્ર ચિત્ત હરે આવનારનું, <br />
કાચી વયે જ મૃત્યુ થયું ચિત્રકારનું. <br />
આયુષ્ય અલ્પ કિંતુ કળા તો સુદીર્ઘ છે.<br />
<br />
છંદવિધાન : ગાગાલ ગાલગાલ લગાગાલ ગાલગા <br />
જેમ કે ‘નહીં તો જીવનનો માર્ગ છે ઘરથી કબર સુધી.’<br />
<br />
{{gap|14em}}(૨૦૨૧)<br />
</poem><br><br />
{{HeaderNav2<br />
|previous = વેરની વસૂલાત<br />
|next = ક્રૂઝેડ<br />
}}</div>
Meghdhanu