https://wiki.ekatrafoundation.org/index.php?action=history&feed=atom&title=%E0%AA%8B%E0%AA%A4%E0%AB%81%E0%AA%97%E0%AB%80%E0%AA%A4%E0%AB%8B%2F%E0%AA%AE%E0%AA%BE%E0%AA%A1%E0%AB%80%E0%AA%9C%E0%AA%BE%E0%AA%AF%E0%AA%BE%E0%AA%A8%E0%AB%87_%E0%AA%86%E0%AA%B6%E0%AA%BF%E0%AA%B7 2026-07-22T20:26:27Z Revision history for this page on the wiki MediaWiki 1.45.0 https://wiki.ekatrafoundation.org/index.php?title=%E0%AA%8B%E0%AA%A4%E0%AB%81%E0%AA%97%E0%AB%80%E0%AA%A4%E0%AB%8B/%E0%AA%AE%E0%AA%BE%E0%AA%A1%E0%AB%80%E0%AA%9C%E0%AA%BE%E0%AA%AF%E0%AA%BE%E0%AA%A8%E0%AB%87_%E0%AA%86%E0%AA%B6%E0%AA%BF%E0%AA%B7&diff=36108&oldid=prev 2022-05-06T11:59:50Z

<p>Created page with &quot;{{SetTitle}} {{Heading|માડીજાયાને આશિષ|}} {{Poem2Open}} મારવાડનાં ખેતરોમાં કામ કરતી સ્ત્...&quot;</p> <p><b>New page</b></p><div>{{SetTitle}}<br /> <br /> {{Heading|માડીજાયાને આશિષ|}}<br /> <br /> {{Poem2Open}}<br /> મારવાડનાં ખેતરોમાં કામ કરતી સ્ત્રીઓ, ઓચિંતો વરસાદ આવતાં, ટેકરી ઉપર ટોળે વળી ઊભી રહી, આવાં ગીતો ગાતી ગાતી પોતાના પિયરવાસી ભાઈને બરકતની દુવા મોકલે છે.<br /> <br /> કાળુડી કાળુડી હો બાંધવ મારા! કાજળિયારી રેખ, <br /> ધોળી ને ધારાંરો બાંધવ મારા! મે વરસે.<br /> <br /> વ્રસજે વ્રસજે હો મેહુડા! બાવાજી રે દેશ, <br /> જઠે ને માડીરો જાયો હળ ખેડે.<br /> <br /> વાવજો વાવજો હો બાંધવ મારા! ડોડાળી જુવાર, <br /> ધોરે ને વવાડો નાના કણરી બાજરી! <br /> <br /> જોતો રે જોતો રે બાંધવ મારા! હરિયા રે મૂંગ, <br /> મારગે ને વવાડો ડોડા એળચી! <br /> <br /> નીદણો નીદણો હો ભાભજ મારી! ડોડાળી જુવાર, <br /> ધોરે ને નિદાવો નાના કણરી બાજરી! <br /> <br /> વૂઠા2 વૂઠા હો બાંધવ મારા! આષાઢા હે મેઘ, <br /> ભરિયા હે નાડાં3 ને વળી નાડડી.<br /> <br /> ભીને ભીને4 હો બાંધવ મારા! બાજરીયો રે બીજ; <br /> નાઈ ને ભીને રે સાવ સ્ત્રોવની5. <br /> <br /> ભીને ભીને હો બાંધવ મારા! પાઘડિયારા પેચ, <br /> ભાભજરો ભીને રે ચૂડો વળી ચૂંદડી. <br /> <br /> ભીને ભીને હો બાંધવ મારા! રેશમીઆરી ડોર6, <br /> ગીગો7 ને ભીને રે થારો8 પારણે.<br /> <br /> નીપજે નીપજે હો બાંધવ મારા! ડોડાળી જુવાર, <br /> થારે ને વાયોડાં9 સાચાં મોતી નીપજે!<br /> <br /> [બહેન વાદળીને વરસતી નિહાળી કહે છે : હે મારા વીરા! કાળી કાળી વાદળીઓની કાજળ જેવી રેખાઓ ફૂટી રહી છે, અને એમાં ધોળા રંગની ધારાઓ (વરસાદ) વરસે છે.<br /> હે મેહુલા! તું મારા બાપાજીને દેશ જઈ વરસજે, કે જ્યાં મારી માડીનો જાયો ભાઈ હળ ખેડતો હોય.<br /> હે મારા વીરા! મોટા દાણાની જુવાર વાવજો, અને વાડીના ધોરિયા ઉપર ઝીણા કણની બાજરી વાવજો. (કેમ કે ધોરિયાની ભોંય વધુ રસાળ હોય છે.)<br /> હે મારા વીરા! લીલા મગની વાવણી કરવા માટે હળ (દંતાળ) જોડજો અને માર્ગ ઉપર મોટે દાણે એલચી વાવજો!<br /> હે મારી ભાભી! જુવારના વાવેતરમાંથી ઘાસ નીંદજે અને ધોરિયા ઉપર ઊગેલી બાજરીમાંથી પણ નીંદણ કરજે!<br /> હે મારા વીરા! અષાઢના મેહ વરસ્યા, અને નદી–નાળાં ભરાઈ ગયાં. હે મારા વીરા! બાજરીનાં બીજ ભીંજાતાં હશે અને સોનાવરણી નાઈ ભીંજાતી હશે.<br /> હે મારા વીરા! તારા માથાની પાઘડીના પેચ ભીંજાતા હશે અને ભાભીનો ચૂડલો તથા ચૂંદડી ભીંજાતાં હશે.<br /> હે મારા વીરા! ખેતરમાં ઝાડની ડાળીએ લટકાવેલા પારણાની રેશમી દોરી ભીંજાતી હશે અને પારણામાં પોઢતો નાનો ભાણો પણ ભીંજાતો હશે.<br /> હે મારા વીર! તારે મોટે દાણે અઢળક જુવાર નીપજજો! ને તેં વાવેલા દાણા સાચા મોતીસમા પાકજો! એ મારી આશિષ છે.]<br /> {{Poem2Close}}</div>

MeghaBhavsar