https://wiki.ekatrafoundation.org/index.php?action=history&feed=atom&title=%E0%AA%95%E0%AA%82%E0%AA%95%E0%AA%BE%E0%AA%B5%E0%AA%9F%E0%AB%80%2F%E0%AA%AA%E0%AB%8B%E0%AA%B7%E0%AB%80_%E0%AA%AA%E0%AB%82%E0%AA%A8%E0%AA%AE 2026-04-09T04:37:52Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%95%E0%AA%82%E0%AA%95%E0%AA%BE%E0%AA%B5%E0%AA%9F%E0%AB%80/%E0%AA%AA%E0%AB%8B%E0%AA%B7%E0%AB%80_%E0%AA%AA%E0%AB%82%E0%AA%A8%E0%AA%AE&diff=30720&oldid=prev 2022-01-22T05:50:02Z

<p>Created page with &quot;{{SetTitle}} {{Heading|પોષી પૂનમ|}} {{Poem2Open}} આજ તો પોષ મહિનાની પૂનમ આવી છે. ભાઈની નાની...&quot;</p> <p><b>New page</b></p><div>{{SetTitle}}<br /> {{Heading|પોષી પૂનમ|}}<br /> <br /> {{Poem2Open}}<br /> આજ તો પોષ મહિનાની પૂનમ આવી છે. ભાઈની નાની બહેન આજ આખો દી ઉપવાસ કરશે. આજ તો બહેન પૂનમ રહી છે. <br /> થાપેલાં છાણાંથી તો રંધાય નહિ, એટલે બહેન સૂંડલી લઈને વગડામાંથી અડાયાં વીણી લાવે છે. સાંજે એક બોઘરણું ને એક લોટો લઈને પોતે જ નદીએ પાણી ભરવા જાય છે. જતી જતી ગાય છે કે - <br /> {{Poem2Close}}<br /> &lt;poem&gt;<br /> પોષ મહિનાની પૂનમે રે<br /> અગાસે રાંધ્યાં અન્ન, વા’લા!<br /> જમશે માની દીકરી રે<br /> પીરસે બેનીનો વીર, વા’લા! <br /> &lt;/poem&gt;<br /> {{Poem2Open}}<br /> ઊટકીને એનું અરીસા જેવું નાનું બેડું ભરી આવે છે. સાંજે તો બહેન નાહી છે, ધોઈ છે, બહેને તો અગાસીએ ચૂલો માંડ્યો છે. બહેન રસોઈ કરે છે: અગાસી હોય તો અગાસીએ,નીકર છાપરા વગરની ગમે તે જગ્યાએ: પણ ઉઘાડા આભ નીચે. <br /> સોળે કળાનો ચંદ્રમા ચડ્યો છે. બહેનના રાંધણામાં તો તેના કિરણોમાંથી અમી વરસે છે. હોંશભરી બહેન રાંધે છે. <br /> અને રાંધણું પણ શું? પહોંચ હોય તો ચૂરમું, ને ન પહોંચ હોય તો ચોખા. એને મન તો ચોખા પણ બત્રીસ જાતનાં બોજન જેવા મોંઘેરા છે. <br /> બીજી બનાવે છે ઘઉંની એક ચાનકી. ચાનકીની વચ્ચોવચ પાડે છે એક કાણું. ચાનકી ચંદ્રમા આડે ધરી, કાણા વચ્ચેથી ચંદ્રમાની સામે નિહાળીને બહેન બોલે છેઃ <br /> {{Poem2Close}}<br /> &lt;poem&gt;<br /> ચાંદા! તારી ચાનકી,<br /> મારું ચૂરમું!<br /> ભાઈ જમ્યો!<br /> બેન ભૂખી! <br /> <br /> ભાઈના ઘરના તો ચોખા યે બહેનને મન ચૂરમા<br /> સમા.વળી ફરી વાર બોલે છે: ચાંદા! તારી ચાનકી,<br /> કૂતરા તારી રોટલી,<br /> આજ મારી પોષી પૂનમ. <br /> <br /> એવી પૂનમના તેજમાં તરબોળ બનતી બનતી બહેન ભાઈની પાસે જમવાની રજા માગે છે: <br /> પોષી પોષી પૂનમડી<br /> અગાસે રાંધ્યાં અન્ન;<br /> ભાઈની બેન જમે કે કેમ? <br /> &lt;/poem&gt;<br /> {{Poem2Open}}<br /> ભલો ભાઈ હોય તે કહેશે, કે જમ્ય, બેન, જમ્ય! <br /> એટલે બહેન જમે. વળી નઠોર ભાઈ હોય તો બહેન ને ટળવળાવવા ખાતર કહેશે, કે રમ્ય! <br /> ભાઈ હા ન પાડે ત્યાં સુધી બહેનથી જમાય જ નહિ. <br /> {{Poem2Close}}<br /> &lt;poem&gt;<br /> પોષી પોષી પૂનમડી,<br /> સાત ભાઈની બેનડી,<br /> ડાઈ કહે તો જમે,<br /> નીકર બેન રે’ ભૂખી! <br /> &lt;/poem&gt;<br /> ઘણા ઘણા ભાઈઓ આજ સંભારી સંભારીને કહે છે કે નાનપણમાં અમે ય બહેનોને ના પાડીને ભૂખી રાખી છે. તો યે બહેન તે બહેન. એનાં હેત કંઈ ઊતર્યાં છે કદી?<br /> &lt;br&gt;<br /> {{HeaderNav2<br /> |previous = પુરોગામી પુરાવા<br /> |next = ચાંદરડાની પૂજા<br /> }}</div>

MeghaBhavsar