https://wiki.ekatrafoundation.org/index.php?action=history&feed=atom&title=%E0%AA%95%E0%AA%82%E0%AA%A6%E0%AA%AE%E0%AB%82%E0%AA%B3%2F%E0%AA%93%E0%AA%95%E0%AB%8D%E0%AA%B2%E0%AB%87%E0%AA%A8%E0%AB%8D%E0%AA%A1કંદમૂળ/ઓક્લેન્ડ - Revision history2026-05-13T01:57:11ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%95%E0%AA%82%E0%AA%A6%E0%AA%AE%E0%AB%82%E0%AA%B3/%E0%AA%93%E0%AA%95%E0%AB%8D%E0%AA%B2%E0%AB%87%E0%AA%A8%E0%AB%8D%E0%AA%A1&diff=70781&oldid=prevMeghdhanu: +12024-03-10T11:07:55Z<p>+1</p>
<p><b>New page</b></p><div>{{SetTitle}}<br />
<center><big><big>'''ઓક્લેન્ડ'''</big></big></center><br />
<br />
<poem><br />
પાછળ છૂટી ગયેલું એ શહેર<br />
હજી પણ જીવી રહ્યું છે<br />
મારી સાથે,<br />
એક નવા દેશમાં, આ નવા શહેરમાં.<br />
મને યાદ આવે છે,<br />
ત્યાં મેં ઓળંગ્યા હતા એ ચાર રસ્તા.<br />
એ ચાર રસ્તા પર સિગ્નલ પાસે એક ટાવર હતું.<br />
એ ઘડિયાળના મોટા કાંટા<br />
અહીં હું મારી કાંડાઘડિયાળમાં<br />
આ દેશનો સમય સેટ કરતી હોઉં છું ત્યારે<br />
નજર સામે એવા તરવરે છે જાણે<br />
એકએક ક્ષણનો હિસાબ માંગતા હોય.<br />
અહીંની બજારમાંથી ફળો ખરીદતી વખતે<br />
મારા મોંમાં હોય છે<br />
ત્યાં ઘરની પાછળ ઊગતાં હતાં તે<br />
બહારથી સોનેરી અને અંદરથી લીલાં,<br />
ખરબચડાં, ખાટાં ફળોનો સ્વાદ.<br />
અહીંની સવાર પર<br />
ઝળબૂંબતી રહે છે ત્યાંની બપોર.<br />
અહીંની ઇમારતોમાં જીવતા રહે છે ત્યાંના લોકો.<br />
અને પછી તો,<br />
ત્યાંના પાર્કમાં અહીંનો તડકો...<br />
અહીના પાસપોર્ટમાં ત્યાંનું એડ્રેસ...<br />
ત્યાંના બત્તીના બિલમાં અહીંનો ચેક...<br />
અહીંના સિનેમાહૉલમાં ત્યાંની ટિકિટ...<br />
બે શહેર<br />
સેળભેળ થતાં, છૂટાં પડતાં, ફરી એક થતાં,<br />
અંતે સાવ ખોવાઈ જતાં,<br />
ટકી રહે છે મારી ભીતર.<br />
આ શહેરના રસ્તાઓ પર<br />
પેલા શહેરની નંબરપ્લેટવાળાં વાહનો દોડતાં રહે છે.<br />
સ્પીડ કૅમેરામાં પકડાઈ જઉં ત્યારે<br />
દંડ ભરતી વખતે.<br />
મનમાં સવાલ ઊઠે,<br />
આ પૈસા કયા દેશના?<br />
ક્યાં જઈ રહી હતી હું આટલી ઝડપે?<br />
આ ઘડીએ,<br />
કયા સમયને સાચો માની રહી હતી હું?<br />
એ ટાવર ક્લૉકના કે આ કાંડાઘડિયાળના?<br />
<br />
(ઓકલેન્ડ એ ન્યૂઝીલેન્ડનું એક મહાનગર.) </poem><br><br />
{{HeaderNav2<br />
|previous = રોટોરુઆ<br />
|next = માઓરી પુરુષ<br />
}}</div>Meghdhanu