https://wiki.ekatrafoundation.org/index.php?action=history&feed=atom&title=%E0%AA%95%E0%AA%82%E0%AA%A6%E0%AA%AE%E0%AB%82%E0%AA%B3%2F%E0%AA%97%E0%AB%81%E0%AA%B0%E0%AB%81%E0%AA%B5%E0%AA%BE%E0%AA%B0%E0%AB%80_%E0%AA%AC%E0%AA%9C%E0%AA%BE%E0%AA%B0
કંદમૂળ/ગુરુવારી બજાર - Revision history
2026-04-05T01:35:02Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%95%E0%AA%82%E0%AA%A6%E0%AA%AE%E0%AB%82%E0%AA%B3/%E0%AA%97%E0%AB%81%E0%AA%B0%E0%AB%81%E0%AA%B5%E0%AA%BE%E0%AA%B0%E0%AB%80_%E0%AA%AC%E0%AA%9C%E0%AA%BE%E0%AA%B0&diff=70705&oldid=prev
Meghdhanu: +1
2024-03-09T00:32:14Z
<p>+1</p>
<p><b>New page</b></p><div>{{SetTitle}}<br />
<center><big><big>'''ગુરુવારી બજાર'''</big></big></center><br />
<br />
<poem><br />
દર ગુરુવારે<br />
વડોદરાના કાલુપુરાના આ ચોકમાં ભરાતી<br />
ગુરુવારી બજારની હું રાહ જોતી રહું છું.<br />
ઘડિયાળમાં નવા સેલ નાખી આપતા ઘડિયાળી,<br />
રૂના તકિયા બનાવી આપતા પીંજારા,<br />
શ્વાસની દુર્ગંઘ દૂર કરતી દવાઓ વેચતા હકીમો...<br />
વેપારીઓની ખોટ નથી આ બજારમાં.<br />
નવજાત શિશુઓને માલિશ કરવાના તેલ વેચતી<br />
એક દુકાનની બહાર હું ઊભી છું.<br />
સુંદર, કદરૂપા કેટલાયે લોકોને<br />
જાતજાતની, સસ્તી ને ટકાઉ વસ્તુઓ ખરીદતા જોઈ રહી છું<br />
ત્રીસ-પાંત્રીસ વર્ષના સહજીવન પછી<br />
લગભગ એકમેકના જેવાં દેખાતાં,<br />
એકસરખી ભાષા બોલતાં<br />
ને એકસરખું વિચારતાં પતિ-પત્ની<br />
સજોડે ઉપવસ્ત્રો ખરીદવાં આવે છે.<br />
શાક વેચતી કાછિયણોના ચહેરા<br />
તેમના શાક વેચવાના તોલ-માપ જેવા જ<br />
નિઃસ્પૃહ બની ગયેલા દેખાય છે.<br />
ક્યાં સુધી આપણે આ ઘાસ જેવા શાક-પાનમાં<br />
તેલ-મસાલા નાંખીને તેમને સ્વાદિષ્ટ બનાવતા રહીશું?<br />
પ્લાસ્ટિકના ડબ્બાની દુકાનમાં અને<br />
સેકન્ડ-હૅન્ડ સાડીઓના સેલમાં હું ફરી વળું છું.<br />
મને નવી કરતાં વપરાયેલી ચીજવસ્તુઓ ખરીદવાનું વધારે ગમે છે<br />
ઘસાયેલી, ચળકાટ વિનાની વસ્તુઓ<br />
કેટલી શાંત અને વધુ સમજદાર લાગે છે.<br />
સેકન્ડ-હૅન્ડ વસ્તુઓનો બીજો ફાયદો એ કે<br />
કોઈકની, ગોઠવણ અને કોઈકની આદતમાં ઢળી જવાનું.<br />
નવીનક્કોર વસ્તુઓ તો જાણે મારી સામે<br />
લાંબા આયુષ્યનો પડકાર ફેંકતી હોય તેમ લાગે.<br />
મને ડર લાગે છે<br />
નવી વસ્તુઓ સાથે નવી શરૂઆત કરવાનો.<br />
જૂની વસ્તુઓ જલદી તૂટે-ફૂટે<br />
અને તેમને ઘરમાંથી બહાર ફેંકી દેતાં<br />
હું વિચિત્ર મુક્તિ અનુભવું છું.<br />
એ વસ્તુઓના અસલ માલિકોને મારી નાંખ્યા હોય તેવી.<br />
શું કામ જીવ્યા કરતા હતા એ લોકો<br />
કારણ વગરના, કંટાળાજનક જીવન?<br />
ગુરુવારની આ બજારમાં લોકો જૂની વસ્તુઓ વેચી જાય<br />
અને હું તેમાંથી પસંદગી કરીને ખરીદી લઉં.<br />
સાંજે બજાર બંધ થયા પછી પણ હું ત્યાં જઉં છું.<br />
પેલી કાછિયણની જગ્યાએ જઈને બેસું છું<br />
અને તેના જેવા જ નિઃસ્પૃહ ચહેરે જોઈ રહું છું<br />
રસ્તામાં પડેલા કોઈ બગડેલા ફળને,<br />
કોઈના ભુલાઈ ગયેલા તોલ-માપને કે ચમકતા પરચૂરણને.<br />
ગુરુવારની બજાર<br />
ખબર નહીં ક્યાંથી ઊતરી આવે છે<br />
ને વેચનારા-ખરીદનારા સો ક્યાં ચાલ્યા જાય છે.<br />
પાછળ રહી જાય છે<br />
માલિશ કરવાના તેલની મહેક<br />
અને તેની અદશ્ય ખુશબૂમાં<br />
આળોટતાં રહે છે<br />
નવજાત શિશુઓ<br />
જે મોટા થઈને બનશે.<br />
ભવિષ્યના ગ્રાહકો<br />
કે પછી ભવ્ય સેકન્ડ-હૅન્ડ સેલ ગોઠવનારા વેપારીઓ.<br />
</poem><br><br />
{{HeaderNav2<br />
|previous = સહિયારી સ્મૃતિ<br />
|next = મીઠા ભાતનો પ્રસાદ<br />
}}</div>
Meghdhanu