https://wiki.ekatrafoundation.org/index.php?action=history&feed=atom&title=%E0%AA%95%E0%AA%82%E0%AA%A6%E0%AA%B0%E0%AA%BE%2F%E0%AA%AC%E0%AB%81%E0%AA%95%E0%AA%BE%E0%AA%A8%E0%AB%80કંદરા/બુકાની - Revision history2026-04-07T07:10:08ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%95%E0%AA%82%E0%AA%A6%E0%AA%B0%E0%AA%BE/%E0%AA%AC%E0%AB%81%E0%AA%95%E0%AA%BE%E0%AA%A8%E0%AB%80&diff=71032&oldid=prevMeghdhanu: +12024-03-20T00:42:55Z<p>+1</p>
<p><b>New page</b></p><div>{{SetTitle}}<br />
<center><big><big>'''બુકાની'''</big></big></center><br />
<br />
<poem><br />
એક મધરાતે એણે જોરથી સાંકળ ખખડાવી.<br />
મેં કંઈ જ સમજ્યા વગર બારણું ખોલી નાખ્યું.<br />
અને આમ મોઢા પર બુકાની બાંધીને આવેલા<br />
એ માણસને મેં આશરો આપ્યો, મારા ઘરમાં,<br />
એની આંખો, એના હોઠ, એનો અવાજ,<br />
હું એનું કંઈ જ નથી ઓળખતી.<br />
અને એટલે જ મને એનામાં ઘણું બધું સામ્ય લાગ્યું,<br />
મારા હમણાં જ છૂટા પડેલા પ્રેમી જેવું.<br />
એણે ક્યાંક ચોરી કરી હશે કે કોઈનું ખૂન કર્યું હશે,<br />
મારા માટે એ બધું ગૌણ છે.<br />
મને તો માત્ર એક જ વસ્તુ ઉત્તેજિત કરે છે<br />
અને તે એ કે હું એનું કંઈ જ નથી ઓળખતી.<br />
એની ઝંઝાવાતમાં ફસાયેલી હોડીમાં મારે નથી ઊભા રહેવું<br />
શાંત, સ્વસ્થ તોરલ બનીને.<br />
હું તો અત્યારે જ એના તરફ ખસું છું એક તલ જેટલી<br />
અને એ પણ મારી પાસે આવે છે એક જવ જેટલો.<br />
ત્યાં જ ફરી બારણે ટકોરા પડે છે.<br />
હું જવાબ આપવા જઉં છું કે અહીં કોઈ જ નથી આવ્યું.<br />
અને આમ પણ એ તો ચાલ્યો જ ગયો છે ને,<br />
પાછલે બારણેથી!<br />
મને ઘણી વખત એની યાદ આવે છે.<br />
મધ્યાહ્ને તપતા સૂરજ નીચે એ ક્યાં છૂપાતો ફરતો હશે?<br />
તારલાઓ ભરી કોઈક સુંદર રાત્રિએ<br />
એની ઓળખ છતી તો થઈ જ જતી હશે ને?<br />
કોઈક સ્થળે, કોઈક અજાયબ અગાશીએ?<br />
<br />
એ અગાશી પર પોતાની ડાળખીઓ પસારતા<br />
શેતૂરનો ધીમો ધીમો અવાજ<br />
સ્પંદિત કરે છે, મારા શરીરની રગોને.<br />
હું તકિયામાં મોઢું છૂપાવી સૂઈ જઉં છું.<br />
અને સવારમાં ઊઠીને મારા કાનના પડદા<br />
સાબુથી ઘસીને સાફ કરી લઉં છું.<br />
છતાં આજે ફરી<br />
દૂર દૂરની કોતરોમાં અથડાઈને<br />
પાછો ફર્યો છે એ અવાજ —<br />
સાંકળનો. શેતૂરનો. ચોરીનો. ખૂનનો.<br />
❏<br />
</poem><br><br />
{{HeaderNav2<br />
|previous = શુક<br />
|next = ખલાસી<br />
}}</div>Meghdhanu