https://wiki.ekatrafoundation.org/index.php?action=history&feed=atom&title=%E0%AA%95%E0%AA%82%E0%AA%A6%E0%AA%B0%E0%AA%BE%2F%E0%AA%AE%E0%AA%B6%E0%AA%B0%E0%AB%82%E0%AA%AEકંદરા/મશરૂમ - Revision history2026-04-04T04:17:54ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%95%E0%AA%82%E0%AA%A6%E0%AA%B0%E0%AA%BE/%E0%AA%AE%E0%AA%B6%E0%AA%B0%E0%AB%82%E0%AA%AE&diff=71052&oldid=prevMeghdhanu: +12024-03-20T01:07:43Z<p>+1</p>
<p><b>New page</b></p><div>{{SetTitle}}<br />
<center><big><big>'''મશરૂમ'''</big></big></center><br />
<br />
<poem><br />
આકાશમાં કાળાં ડિબાંગ વાદળો ઘેરાયાં કરે છે.<br />
સક્ષસી વીજળી ઝબકારા મારે છે.<br />
તારાઓ તો ક્યાંય અદશ્ય થઈ ગયા છે.<br />
ચીસો પાડીને બોલાયેલા બધા જ નિઃસહાય શબ્દો<br />
ફરી એક વખત આકાશી ગર્જનામાં દબાઈ ગયા!<br />
વરસાદ હવે થંભી ગયો છે. ખુશનુમા ઠંડક છે.<br />
આ પર્વત આખો લીલોતરીથી શોભી ઊઠશે.<br />
લોકો ખુશ છે કે શહેરનું તળાવ છલકાઈ ગયું છે.<br />
એ સિવાય પણ કેટલું બધું બની ગયું!<br />
મારી અગાશીમાં મેં વાવી હતી એ કોથમીર તૂટી ગઈ.<br />
જેને અડતાં પણ ડર લાગે એવા<br />
તાજા જન્મેલા બાળક જેવાં, સુંવાળાં મશરૂમ<br />
રસ્તા પર વહેતાં આ પાણીમાં ડૂબી ગયાં.<br />
મારા ઘરના છાપરા પર, રૂમાં વીંટાળીને મેં ફેંકયો હતો,<br />
એ દૂધિયા દાંતને પણ આ પાણી<br />
શહેર બહાર, સમુદ્રમાં લઈ ગયાં.<br />
નિર્દોષ મારો એ દાંત હવે, સમુદ્રના પેટાળે પડેલા<br />
અસંખ્ય ધોળાં છીપલાંઓમાં ભળી જવાનો.<br />
આકાશમાં મેઘધનુષ્ય દેખાયું છે.<br />
પણ મને તો હવે એક જ સ્વપ્ન આવે છે,<br />
સમુદ્રના તળિયાનું !<br />
અને હવે દરેક માછલીને હું શંકાથી જોઉં છું.<br />
મારો દાંત એના પેટમાં છે,<br />
કે કોઈ રાણીના આભૂષણમાં જડાયેલો છે.<br />
કે પછી શંખના પાઉડરમાં પીસાઈ ગયો છે?<br />
<br />
બહાર રસ્તા પર રાત્રે રઘવાઈ થઈને ફરતી હતી<br />
એ ગાય પર વીજળી ત્રાટકી,<br />
અને એ પણ હવે નથી રહી.<br />
દૂધિયા દાંત જેવી એ ગાય ક્યાં ગઈ?<br />
❏<br />
</poem><br><br />
{{HeaderNav2<br />
|previous = રંગ<br />
|next = એક હાથ સમુદ્રનો<br />
}}</div>Meghdhanu