https://wiki.ekatrafoundation.org/index.php?action=history&feed=atom&title=%E0%AA%95%E0%AA%82%E0%AA%A6%E0%AA%B0%E0%AA%BE%2F%E0%AA%B6%E0%AB%8D%E0%AA%B0%E0%AA%A6%E0%AB%8D%E0%AA%A7%E0%AA%BE
કંદરા/શ્રદ્ધા - Revision history
2026-05-11T12:00:59Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%95%E0%AA%82%E0%AA%A6%E0%AA%B0%E0%AA%BE/%E0%AA%B6%E0%AB%8D%E0%AA%B0%E0%AA%A6%E0%AB%8D%E0%AA%A7%E0%AA%BE&diff=71029&oldid=prev
Meghdhanu: +1
2024-03-20T00:40:14Z
<p>+1</p>
<p><b>New page</b></p><div>{{SetTitle}}<br />
<center><big><big>'''શ્રદ્ધા'''</big></big></center><br />
<br />
<poem><br />
મારું ખેતર મને પ્રિય છે.<br />
કૃષ્ણપક્ષની રાતોએ જોયેલાં શમણાં જેવું.<br />
શેરડીનો ઊભો મોલ છે, મબલખ રસ છે,<br />
અને મારો પુરુષ મારી સાથે છે.<br />
હું ખુશ છું આ ધરતી પર.<br />
મારા પગ પાસે સરકતો આવતો સાપ પણ<br />
મને વ્હાલો લાગે છે. કોઈ જ પ્રતિકાર નથી કરવો.<br />
મારો પુરુષ મને ચાહે છે. એ મારું ઝેર ચૂસી લેશે.<br />
મને શ્રદ્ધા છે એના પૌરુષમાં, એના પ્રેમમાં અને આ સાપમાં<br />
પણ એ તો ઊઠીને દૂર ચાલ્યો ગયો.<br />
મારા શરીરનો રંગ હવે બદલાઈ ગયો છે<br />
આ બાજુમાં ઊભેલા લીમડાની ઝાંયમાં.<br />
પગ પર સાપના બે દબાયેલા પેઢાનાં નિશાન ઊઠી આવ્યાં છે.<br />
મને ભેટ મળેલું અક્ષયપાત્ર - મારું ખેતર<br />
શિયાળાની આ કારમી ઠંડીમાં ચિમળાઈ રહ્યું છે.<br />
ખુરપી, દાતરડું... અડી ન શકાય એવાં ઠંડાં, અચેતન છે.<br />
એક ખિસકોલી ખાટી આંબલીમાં દાંત ભરાવીને ભાગી ગઈ.<br />
એની સુગંધથી મારા દાંત અંબાઈ જાય છે.<br />
આ શિયાળ એના મોંથી જમીન ખોદી રહ્યું છે,<br />
મારી જમીન!<br />
એને ખબર નથી કે એ જે ધૂળ ઉડાડે છે એના સોળ<br />
મારી છાતીમાં પડે છે.<br />
આ સુગરી પણ, હંમેશા પોતાના કલાત્મક માળામાં ભરાઈને<br />
કાયમ એક સરખી ચહલપહલ કરતી રહે છે.<br />
ન રાત જુએ છે ન દિવસ<br />
ને આ કૂવા પર બેસાડેલી મોટરમાંથી<br />
ધકધક વહેતું પાણી!<br />
કોણ જઈને રસ્તાઓ બનાવશે ખેતરમાં?<br />
મારાથી તો ક્યાં હવે ઊઠાય છે?<br />
પગ પર સાપનો ડંખ છે અને હજી આખા ખેતર ફરતે<br />
કાંટાળાં ઝાંખરાંની વાડ બનાવવાની છે.<br />
નહીં તો આ નધણિયાતાં ઢોર<br />
મારી બધી મહેનત નષ્ટ કરી નાખશે.<br />
આ બધી શેરડી વાઢીને વેચવાની છે.<br />
તેલીબિયાંનું નવું વાવેતર કરવાનું છે.<br />
આ ઝેર પૂરા શરીરમાં પ્રસરી જાય તે પહેલાં જ<br />
મારે ઊઠવું છે,<br />
આખું ખેતર ખેડી નાખીને પેલા સાપનો રાફડો શોધવો છે.<br />
અને એમાં ઊકળતું દૂધ રેડવું છે.<br />
મારા વળ ખાતા શરીરમાં કંઈક નવીન,<br />
છેલ્લી તાકાત આવી છે.<br />
આ ખેતરની માટીને મારી મુઠ્ઠીમાં સમેટું છું.<br />
અને આખાં ને આખાં કંદમૂળ હાથમાં આવી જાય છે.<br />
બસ, આંખો મિંચાઈ જાય છે સંતોષથી.<br />
કૃષ્ણપક્ષની રાતોના અંધકાર ભણી.<br />
પાછળ રહી ગઈ છે મારી વાસના!<br />
મારું ખેતર.<br />
નોળિયાઓથી ભરેલું.<br />
એકલો, લપાતો ફરશે સાપ<br />
અને ભૂખે મરશે એ કાયર પુરુષ,<br />
ડાંગર-બાજરી વિનાના ખેતરમાં.<br />
❏<br />
</poem><br><br />
{{HeaderNav2<br />
|previous = પ્રવાસી<br />
|next = કંદરા<br />
}}</div>
Meghdhanu