https://wiki.ekatrafoundation.org/index.php?action=history&feed=atom&title=%E0%AA%95%E0%AA%B5%E0%AA%BF%E0%AA%B6%E0%AB%8D%E0%AA%B0%E0%AB%80_%E0%AA%B0%E0%AA%BE%E0%AA%9C%E0%AB%87%E0%AA%B6_%E0%AA%AA%E0%AA%82%E0%AA%A1%E0%AB%8D%E0%AA%AF%E0%AA%BE%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE%2F%E0%AB%A9._%E0%AA%A8%E0%AA%BF%E0%AA%B0%E0%AB%8D%E0%AA%9C%E0%AA%A8
કવિશ્રી રાજેશ પંડ્યાની કવિતા/૩. નિર્જન - Revision history
2026-05-21T02:32:14Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%95%E0%AA%B5%E0%AA%BF%E0%AA%B6%E0%AB%8D%E0%AA%B0%E0%AB%80_%E0%AA%B0%E0%AA%BE%E0%AA%9C%E0%AB%87%E0%AA%B6_%E0%AA%AA%E0%AA%82%E0%AA%A1%E0%AB%8D%E0%AA%AF%E0%AA%BE%E0%AA%A8%E0%AB%80_%E0%AA%95%E0%AA%B5%E0%AA%BF%E0%AA%A4%E0%AA%BE/%E0%AB%A9._%E0%AA%A8%E0%AA%BF%E0%AA%B0%E0%AB%8D%E0%AA%9C%E0%AA%A8&diff=66739&oldid=prev
Meghdhanu: +1
2023-11-18T16:12:44Z
<p>+1</p>
<p><b>New page</b></p><div><br><br />
<center><big><big>'''નિર્જન'''</big></big></center><br />
<poem><br />
કોઈ આવતું જતું નથી.<br />
<br />
રડ્યું ખડ્યું કૂતરું ફળિયામાં પૂરેલી <br />
રંગોળી પર આળોટ્યા કરે છે ક્યારનું. <br />
રાંધણિયામાં રાંધ્યાં ધાન રખડી પડ્યાં છે. <br />
ગોટેગોટા ધુમાડો ઊંચે ને ઊંચે <br />
ચઢતો જાય છે કશી રોકટોક વગર <br />
વાદળ બંધાતાં જાય છે વિખેરાતાં જાય છે. <br />
પાણિયારે ચળકતી હેલ <br />
ઓચિંતી છલકાઈ હેબતાવી દે <br />
તાંબાકૂંડીમાં ઉચાટ ફદફદ્યા કરે <br />
શેરી સોંસરી ધૂળ ઊડ્યા કરે <br />
ઘોડાના ડાબલા હજીય કાનમાં પડઘાય <br />
ખરી તળે ચગદાઈ કેટલીય <br />
છાતીએ લોહીના ટશિયા ફૂટી નીકળી <br />
ઝમી ઝમી કાળામૅશ ગંઠાઈ ગયા છે. <br />
મંદિરની ધજા ભાંગી પડી<br />
હવાને લીરેલીરા કરતી રજોટાઈ ગઈ. <br />
કૂવામાંથી ઊંચકાયેલું જળ <br />
ગરેડીથી તળિયાલગ ઘુમચકરડી <br />
પીપળાનાં પાન-થડ-મૂળમાં કીડીઓ ઊતરતી જાય <br />
મેલડીના પાણે વધેરાયેલું નાળિયેર <br />
રંગી દે દરિયાદીમને હીંગળો <br />
રાખોડી ભોં ભીની થાય ગજ બે ગજ <br />
ગરભ ખોતરતા જનાવરનાં મોં લોહીલુહાણ.<br />
<br />
અટકી પડ્યું છે સઘળુંય અધવચ્ચે<br />
સીમમાં ગયેલાં હજુ પાછા વળ્યાં નથી. <br />
ઘઉંના ખેતરોમાં ગેરુ ફરી વળ્યો છે.<br />
લીલીછમ વરખડીઓમાં કીડા સરકતા છેક <br />
ઝીંડવે જાઈ ઊજળા રૂને પીંખી નાંખે છે. <br />
અડખે પડખે ઉપર ઊડ્યા કરે છે કીટાણુ<br />
પગ મૂકો ત્યાં ગોખરુ <br />
આવળ બાવળ ઝાડ-ઝાંખરાં<br />
જ્યાં જુઓ ત્યાં ધરોડીનાં કૂંડાં <br />
રસકસને ધાવી આડેધડ ફેલાતાં જાય<br />
<br />
ગળિયા બળદને ઇતડિયોં હજાર <br />
ઊપડે નહીં પગ <br />
રણકે નહીં ઘૂઘરા <br />
ફરે નહીં પૈ અરધો આંટો પણ <br />
ચીલા ઊંડા ને ઊંડા ઊતરતા જાય<br />
<br />
આ છેડાથી પેલા છેડા સુધી<br />
<br />
ગામની ભીંતેભીંતમાં અંધારાં મર્યાં છે. <br />
ખૂણેખૂણાં કોહવાતાં ગંધાઈ ઊઠ્યાં છે. <br />
લૂણો લાગતો જાય છે ધરવખરીમાં <br />
એનાથી અજાણ લોક હજીય <br />
આણાંની રજાઈઓ રેશમી ધડકીઓ <br />
આભલાં ભરેલાં ગલેફ તડકે મૂકે છે. <br />
હાડ ઠારી નાંખતા કેટલાય શિયાળા <br />
એની હૂંફે હેમખેમ તરી જવાયા છે. <br />
કડકડતી રાતે નસેનસમાં જામી પડેલું લોહી <br />
ફરી ધગધગતું સીસું થઈ વહેવાં માંડ્યું છે. <br />
તપેલા તાંબા જેવા દેહ રગદોળાઈ <br />
માટીનો ગુંદો થઈ ગયા છે<br />
<br />
ચાકડે ચડી છે એ માટી<br />
ઘાટ ઘડાયા છે પાત્ર રચાયાં છે <br />
એમાં ઝીલાયું છે આખું આયખું <br />
એ બધું કડીબંધ તાજું છે આજેય <br />
આટઆટલાં ભૂકંપ પૂર હોનારત દુકાળ પછીય. <br />
આટઆટલાં ભૂકંપ પૂર હોનારત દુકાળ પછીય<br />
અડીખમ ઊભી હતી<br />
એ ભીંતોને હવે લૂણો લાગી ગયો છે <br />
આખા ને આખા ઘરેઘર પૃથ્વીમાં બેસતાં જાય છે.<br />
</poem><br />
<br><br />
{{HeaderNav2<br />
|previous = ર. કોહવાણ<br />
|next = ૪. ચાંદો<br />
}}</div>
Meghdhanu