KhyatiJoshi: Created page with "{{SetTitle}} {{Heading|સર્જકશ્રેષ્ઠ આંગળાં|}} બેટા! અહીં એ છરી કાં ન આણે? વદી ફરી..."

2021-09-14T11:53:40Z

Created page with "{{SetTitle}} {{Heading|સર્જકશ્રેષ્ઠ આંગળાં|}} <poem> બેટા! અહીં એ છરી કાં ન આણે? વદી ફરી..."

New page

{{SetTitle}}
{{Heading|સર્જકશ્રેષ્ઠ આંગળાં|}}
<poem>

બેટા! અહીં એ છરી કાં ન આણે?
વદી ફરી વૃદ્ધ નમી ઊભો થયો;
પડી મૂકી શાળ અપૂર્વ વાણે,
ધરી ભીનાં નેન નીચાં, શમી ગયો.

ત્રિભંગથી સ્હેજ છટા પ્રસારી;
ભરી બધે સ્વાંગ સુવર્ણ રંગના.
સંધ્યા તણા કેશ જરા સમારી
ડૂબે રવિ શાશ્વત કાલગંગમાં.

બેટા! અહીં એ છરી કાં ન આણે?
વદી ફરી વૃદ્ધ નમી ઊભો થયો;
પડી મૂકી શાળ અપૂર્ણ વાણે,
અનંત આરે કંઈ શોધવા ચહે.

ગ્રહી છૂર: ઓષ્ઠ સુમંદ ધ્રૂજે:
લહી રહે પાંચ સુરેખ આંગળાં:
ને આંખમાં ભાવ અકથ્ય ઝૂઝે,
ધીમે ધીમે શબ્દ સરંત પાંગળા—

જનો તણી લાજ તમે વિદારી,
ઢાંક્યાં તમે લોક ધ્રૂજંત ટાઢમાં;
ઢાંકી જરા, સુંદરતા પ્રસારી,
લૂછ્યા ભીના દેહ તમે અષાઢમાં.

દિલ્હી તણી એ નવયૌવનાઓ
સજી સુવસ્ત્રો શબનમ્ સમાં વણી;
કૃતાર્થ ભાવે સજી નુર્જહાંઓ,
હવા સમાં ચીર ઝીણાં વણી વણી.

પરંતુ એવી તમ સૌ કળાએ
ગુલામ શો આજ મને કરી મૂક્યો;
કલા તણી સુંદર સર્જનાએ
હીણો કર્યો આજ મને.—વદી ઝૂક્યો.

રહી ગયા હસ્ત વહંત પાંગળા!
નીચે પડ્યાં સર્જકશ્રેષ્ઠ આંગળાં!
23-1-’31</poem>

કોડિયાં/સર્જકશ્રેષ્ઠ આંગળાં - Revision history

KhyatiJoshi: Created page with "{{SetTitle}} {{Heading|સર્જકશ્રેષ્ઠ આંગળાં|}} બેટા! અહીં એ છરી કાં ન આણે? વદી ફરી..."