https://wiki.ekatrafoundation.org/index.php?action=history&feed=atom&title=%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE%2F%E0%AA%AC%E0%AB%8B%E0%AA%A7%E0%AA%BF%E0%AA%9C%E0%AB%8D%E0%AA%9E%E0%AA%BE%E0%AA%A8 2026-07-22T10:41:29Z Revision history for this page on the wiki MediaWiki 1.45.0 https://wiki.ekatrafoundation.org/index.php?title=%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE/%E0%AA%AC%E0%AB%8B%E0%AA%A7%E0%AA%BF%E0%AA%9C%E0%AB%8D%E0%AA%9E%E0%AA%BE%E0%AA%A8&diff=61443&oldid=prev 2023-05-28T05:15:20Z

<p>+created chapter</p> <p><b>New page</b></p><div>{{center|&lt;big&gt;&#039;&#039;&#039;બોધિજ્ઞાન&#039;&#039;&#039;&lt;/big&gt;}}<br /> <br /> {{Block center|&lt;poem&gt;<br /> <br /> હે સારિપુત્ત !<br /> હે મહામોગ્ગ્લાન !<br /> હે વચ્છનંદ !<br /> હે આનંદ !<br /> હે ભદંતો !<br /> હે ભિખ્ખુઓ !<br /> હે શ્રાવકો !<br /> હે શ્રમણો !<br /> જગત આખુંય કાર્યકારણની શૃંખલાથી<br /> કર્મ ધર્મ મર્મના અંકોડા મંકોડાથી જડબદ્ધ છે<br /> છતાં<br /> કોઈ આંખ અકારણ આંસુઓથી લભગ ભરાઈ આવે છે <br /> તો તેને સત્ય માનો.<br /> અકારણ જ કોઈ કોઈ પર ઓળઘોળ થઈ જાય તો<br /> તેને મિથ્યા ન માનો. <br /> શોધવા ન બેસો કોઈ અર્થ કોઈના સહજ હાસ્યનો.<br /> અને હવે,<br /> આ વયે મને શું ખબર નથી કે<br /> અર્થ નથી હોતો આ ઉપદેશનો <br /> ને અંત નથી હોતો આ મીમાંસાનો ?<br /> <br /> ભિખ્ખુણીઓના સંઘમાં ભૂલી પડેલી <br /> મુંડિત શિરવાળી આ મારી વલ્લભા<br /> યશોધરાનું આ વિરૂપ રૂપ એ સત્ય નથી.<br /> સત્ય છે તેના ધૂપધોયા કેશનો<br /> મારા ચહેરા પર ઢોળાતો સુગંધિત શ્યામ પ્રપાત ! <br /> સત્ય છે તેનાં બાહુ પિંડીઓનું ગરમ નરમ માંસ. <br /> સત્ય છે તેના શ્વાસની ઉષ્ણઘ્રાણ. <br /> રાતોની રાતો જેમાં રહ્યો છું રમમાણ. <br /> સત્ય છે દૃષ્ટિને ઇજન આપતી <br /> ત્રિવલ્લીની વલ્લરી.<br /> સત્ય છે<br /> અંધકારમાં મારા સ્પર્શથી આકાર લેતા <br /> નમણાં નાકની ચિબુકથી શરૂ થઈ <br /> પગનાં ટેરવે પૂરા થતા પ૨મ ઢોળાવો. <br /> બનાવી છે આ કાયાને રૂક્ષ<br /> હતું જે મારું કલ્પવૃક્ષ, <br /> <br /> નિમિષ માત્રમાં ચમકી ગયું વિદ્યુલ્લતાસમ <br /> ને ઉજાળી ગયું તમસઘેર્યા ભૂમિખંડો. <br /> અજવાળી નાખ્યો અવકાશ <br /> એક મરણ પછી બીજા મરણના ચીખતા <br /> સિંચતા આ ચક્રમાં<br /> આ જન્મે ફસાયો ન હતો<br /> કફ વાત પિત્તના ત્રિદોષથી ભરી ભરી, <br /> જરા વ્યાધિ ઉપાધિથી જકડાયેલી<br /> આ કંકાવતિ કાયામાં કશુંક જોયું છે<br /> ચિત્તને ઝક્ઝોરતું <br /> દેહમાં કશુંક જોયું છે વિદેહી<br /> ભલે હોય ભંગુર <br /> પણ તોય બંધુર મધુર છે આ જીવન.<br /> <br /> નિર્વાણનાં વહાણો ભલે લંગર ઊઠાવી જાય<br /> અદૃશ્ય ભૂમિની શોધમાં. <br /> જવું હોય તેને ચડી જવા દો વહાણે.<br /> ભલે વહેતું વહાણ.<br /> ભલે વાતાં વહાણાં. <br /> પડી રહેવા દો મને<br /> તજ તમાલ દ્રુમથી<br /> વન્યા કન્યાથી ભરી ભરી આ તટભૂમિ પર.<br /> ભલે મારી છાતી પર ઊગી જતું ઘાસ, <br /> જેમાં હો કીટકુંજરનો વાસ.<br /> <br /> ઇન્દ્રિયોના રાજવી પાસે<br /> નજરાણું લઈને ઊભું છે આ જગત. <br /> ઊભું છે માઘનો કોકિલ બનીને <br /> વસંતનો સમીરણ બનીને <br /> હેમંતનું ધૂંધળું વ્રીડાનત પ્રભાત બનીને <br /> વર્ષાનો મેઘ બનીને <br /> ગ્રીષ્મના અલસ કામ્ય સાંધ્ય પ્રહરો થઈને.<br /> <br /> પવનગંધ પી બહેકું,<br /> માટીમાં માટી થઈ મહેકું. <br /> ફરી આવીશ.<br /> હા નિર્વાણ નહીં,<br /> પણ ફરી આવીશ <br /> આ નિલામ્બરા હરિતા ધરિત્રિ પર <br /> કોઈ વા૨ વહેલી સવારનું ધુમ્મસ થઈ. <br /> કોઈ વાર ચાષ થઈશ <br /> વનમહિષ થઈશ. <br /> શ્રુતકીર્તિ રાજાનો કુંવર થઈશ <br /> મૃગ થઈશ,<br /> મઘમઘતો મોગરો થઈશ.<br /> <br /> હે યશોધરા,<br /> પીન પયોધરા <br /> ફરી લઈ ચાલ મને આ સંસાર સાર મધ્યે.<br /> <br /> પ્રિયે, ભિક્ષા નહીં <br /> ગાર્હસ્થ્યની દીક્ષા આપ.<br /> <br /> ફરી જીવિત કર મને <br /> તારા ચિરંજીવ ચુંબનથી <br /> આપાદ સ્પર્શી લોપી દે લોપી દે મને<br /> <br /> પ્રિયે !<br /> ફરી વિદ્ધ કર મને તારા ઉત્ફુલ્લ આસ્ફાલન થકી.<br /> <br /> તટસ્થ હું,<br /> તાણી જા મને તું ગાંડીતૂર નદી બનીને<br /> <br /> મૃત્યુના કળણ તળમાં ઝૂકતા <br /> કાયાના આ સ્તૂપને આધાર આપ.<br /> <br /> હે વત્સ આનંદ,<br /> સિધાવ તું તારા સ્વગૃહે.<br /> ગૃહે ભલે ન લક્ષ્મી, <br /> ગૃહે ગુંજરિત ગૃહલક્ષ્મી.<br /> જા ભદંત નંદ !<br /> ગચ્છ ગચ્છ વચ્છ <br /> તું હજી વચ્છ<br /> તારે હોઠે ગઈ કાલનું દૂધ સુકાય. <br /> સુંદરીનું ચુંબન સુકાય. <br /> ને સુંદરીને લલાટે તેં આળખેલ વિશેષક સુકાય. <br /> છોડો ભિખ્ખુઓ,<br /> છોડો.<br /> છોડો આ સંઘ !<br /> છોડો આ ચૈત્યો !<br /> આવો આ ચતુર્દિશ ચંદરવા નીચે,<br /> છોડો આ વિહારોનાં જટાજૂટ અંધારાં !<br /> ભલે ઊધઈ કોરતી તેને<br /> આવો વિહરો આ પૃથ્વી પર !<br /> જોડો તમારી જાતને<br /> કોઈ અમથી એવી વાત સાથે !<br /> નાશ પામશે<br /> સ્થિર ઊભા આ સ્થંભો સ્તૂપો પ્રસાદો.<br /> નાશ પામશે<br /> આ મગધ શ્રાવસ્તી લિચ્છવી.<br /> વિદિશા અને વારાણસી. <br /> રહેશે પરિવર્તનશીલ <br /> રહેશે અચલ આ ચલિત આકાશ -<br /> ક્ષયિષ્ણુ એ જ વિષ્ણુ <br /> ક્ષણજીવી એ જ ચિરંજીવી<br /> <br /> આવો ફરી <br /> આ લખલખતા તડકામાં, <br /> જ્યાં ગીત ગાતું ગાંડું થયું છે ચંડોળ. <br /> જુઓ ત્યાં હાથણીની પીઠ પર હળવી સૂંઢ <br /> મૂકી ઊભો છે હાથી ! <br /> હમણાં જ નાહીને લીલા પત્રસંપુટોમાંથી <br /> મરકત મોતી દેડવે છે આ કેળ !<br /> <br /> જુઓ ત્યાં વરસાદના ડહોળા જળના <br /> રતુંમડા ખાબોચિયામાં <br /> કોઈ શિશુ તરતી મૂકે છે હોડી. <br /> ત્યાં પણે ભીની લઘુક કાયા છટકોરી <br /> ભીની પાંખ પસવારે છે ચકલી. <br /> ગેંડીના શિંગડા પર હજીય ચોંટ્યો રહ્યો છે <br /> તાજા વરસાદનો ભીનો કાદવ. <br /> વસ્તુમાત્ર વ્યયધર્મી છે <br /> વસ્તુમાત્ર ક્ષયધર્મી છે તે વાત સાચી<br /> પણ આ સાચોસાચ <br /> નાનું લાલ ચળકતું ભરેલું તસતસતું તંગ બોર <br /> રમાડો તમારા ટેરવાં પર, <br /> રોમ રોમ રોમહર્ષણ પામો. <br /> સ્પર્શના રાજ્યાભિષેકનો. <br /> દીક્ષિત કરો દેશાંતર ગયેલી દૃષ્ટિને <br /> ગંધારૂઢ થઈ વિહરો આ પૃથ્વી પર. <br /> પીવો આ હાથીઓની સૂંઢથી પીવાતો <br /> નૈઋત્યનો પવન.<br /> ઝરમર ઝીલો આ ઝાપટું,<br /> હે સ્થવિરો !<br /> ધમ્મ બમ્મ અગડંમ<br /> આ સંઘબંઘને છોડો,<br /> છોડો કૌપીન કષાય,<br /> છોડો ચિવ૨ ચીંથરા,<br /> હે ધીવર ધરો ચિનાંશુક દેહે.<br /> સુખદ છે આ અસ્તિની હસ્તિ. <br /> હે આર્ય તે જ મારું આર્યસત્ય<br /> <br /> માર માર કરતો આવે છે માર<br /> માર તું મને માર.<br /> છિન્ન આ સૂત્રને તું ગૂંથ તારા ગોંફમાં.<br /> એક એક ઇન્દ્રિય ઊંડું ઊંડું મીઠું મીઠું<br /> વેધે છે મને.<br /> <br /> જાતિસ્મર હું<br /> ભૂલવા મથ્યો મારી જાતને.<br /> ફરી કોઈ જાતક બની કહીશ જાત જાતની કથા.<br /> પરલોક નહીં<br /> ઈહલોકના આ લોકમાં<br /> દેખાય છે બધું પરમલોક. <br /> રાહુલ બનીને ઊભું છે આ જગત.<br /> ને જગત બની ઊભો છે આ રાહુલ.<br /> બુદ્ધ હું બુદ્ધ<br /> આજે થયો પ્રબુદ્ધ.<br /> જેતવનમાં નહીં<br /> પણ<br /> વને વને વૃક્ષ વૃક્ષે પર્ણો પર્ણો હવે લાધે બોધિ.<br /> &lt;/poem&gt;}}<br /> <br /> &lt;br&gt;<br /> {{HeaderNav2<br /> |previous = કર્ણ<br /> |next = સ્વાહા<br /> }}</div>

Meghdhanu