https://wiki.ekatrafoundation.org/index.php?action=history&feed=atom&title=%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE%2F%E0%AA%AE%E0%AA%BE%E0%AA%A4%E0%AB%83%E0%AA%AE%E0%AB%81%E0%AA%A6%E0%AB%8D%E0%AA%B0%E0%AA%BE 2026-05-16T10:15:41Z Revision history for this page on the wiki MediaWiki 1.38.2 https://wiki.ekatrafoundation.org/index.php?title=%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE/%E0%AA%AE%E0%AA%BE%E0%AA%A4%E0%AB%83%E0%AA%AE%E0%AB%81%E0%AA%A6%E0%AB%8D%E0%AA%B0%E0%AA%BE&diff=61433&oldid=prev 2023-05-28T03:08:07Z

<p>Created page with &quot;{{center|&lt;big&gt;&#039;&#039;&#039;માતૃમુદ્રા&#039;&#039;&#039;&lt;/big&gt;}} {{Block center|&lt;poem&gt;માતૃમુદ્રા આજે રવિવાર ઉઘાડા ડિલે નહાઉં છું નિરાંતે ચોળી ચોળીને ઘસી ઘસીને ને ઓચિંતી આંગળી અટકી જાય છે અચાનક દૂંટી પાસે ધીરે ધીરે ધારે ધારે ફેલાતા ફીણ...&quot;</p> <p><b>New page</b></p><div>{{center|&lt;big&gt;&#039;&#039;&#039;માતૃમુદ્રા&#039;&#039;&#039;&lt;/big&gt;}}<br /> <br /> {{Block center|&lt;poem&gt;માતૃમુદ્રા<br /> આજે રવિવાર ઉઘાડા ડિલે<br /> નહાઉં છું નિરાંતે<br /> ચોળી ચોળીને<br /> ઘસી ઘસીને<br /> ને ઓચિંતી આંગળી અટકી જાય છે અચાનક <br /> દૂંટી પાસે<br /> ધીરે ધીરે ધારે ધારે ફેલાતા ફીણના <br /> ક્ષીર-સમુદ્રમાંથી પ્રગટે છે <br /> ચોખ્ખેચોખ્ખી દેખાય છે દૂંટી.<br /> <br /> નાભિ<br /> મારી જ કાયામાં રહેલી <br /> બરોબર મધ્યે રહેલી <br /> ક્યારેક અલપઝલપ અરીસામાં જોયેલી <br /> મનના માળિયે વિસારે પડેલી <br /> કદી નજરે ન ચડેલી નાભિના <br /> સંભળાય છે નાભિશ્વાસ.<br /> <br /> નાનકડી નાભિ<br /> – જાણે માએ ત્રોફેલ છૂંદણું. <br /> નાભિનાળથી જોડાઈને તરતો રહ્યો<br /> તારા બ્રહ્માનંદ સહોદર ઉદર સરવોવરમાં – જાણે<br /> વિમલ પ્રફુલ્લ કમલ <br /> વણાતો હતો તારી શાળમાં <br /> એક ધક્કે ધકેલાયો જાળમાં <br /> તણાતો રહ્યો આ તાણમાં.<br /> ભીની મારી પાંખ સૂકવું<br /> મોં પરની માખ ઉડાડું<br /> પૂર્વજન્મની પોથી પૂરી ઉઘાડું<br /> તે પહેલાં<br /> તે પહેલાં તો<br /> એક નાળથી છોડાવી<br /> વળગાડે છે બીજી ડાળ<br /> પોપટ આંબાની ડાળ<br /> પોપટ સ૨વ૨ની પાળ<br /> હોમે છે ઝાળઝાળ<br /> લાચાર થઈને જોતી રહી તું મને<br /> તારો નાનકો<br /> નામના ગલમાં ફસાતો<br /> બસમાં ધક્કા ખાતો<br /> રેશનની લાઇનમાં ઊભો રહેતો<br /> વરસોના ફાકડા ભરતો<br /> ખોટા રૂપિયાની જેમ<br /> માતૃમુદ્રાને લઈ રઝળતો ફરે છે આમતેમ.<br /> જીતવા માટે નહીં<br /> પણ હવે તો જીવવા માટે પણ <br /> રોજરોજ ચડવું પડે છે જુદ્ધે.<br /> તારા ગર્ભગૃહનો દેવ<br /> તારો લાખેણો વીર<br /> તારી આંખોનું રતન રોળાય છે રેતીમાં.<br /> <br /> ઘટઘટમાં ઘાટ ઘડતો ઘડવૈયો<br /> ઘડી ન શક્યો મને<br /> તેં મને ઘડ્યો<br /> પણ ભરી સભામાં કોઈ બીડું ઝડપે તેવા ગર્વથી નહીં<br /> પણ તને પોતાને પણ<br /> જરા સરખી જાણ ન થાય તેમ.<br /> પગથી શરૂ કરું કે માથાથી<br /> મુરતાં છે કે કમુરતાં<br /> ધનારખ છે કે મીનારખ <br /> એવી કશી ઘડભાજમાં પડ્યા વગર<br /> ઘડ્યા કર્યો મને.<br /> અંદ૨ ને બહાર<br /> નજીક અને દૂર<br /> પહેલાં અને પછી.<br /> <br /> પીડામાંથી<br /> પીંડામાંથી<br /> અંડમાંથી<br /> પંડમાંથી ઘડ્યો તેં પંડ<br /> ક્યાંય નહીં મીનમેખ<br /> સ્વચ્છ સુરેખ<br /> નીર, ક્ષીરથી ખીર સુધી <br /> ઊંકારથી ॐકાર સુધી<br /> નિરાકારથી આકાર સુધી<br /> આકારથી નિરાકાર સુધી લઈ ગઈ તું.<br /> <br /> જોઈ છે મેં તને<br /> ઘુમાતી કટાતી કજળતી<br /> ઘસાતી, ઢસરડા કરતી<br /> પંડ સાથે ઢસડાતી ફસડાતી <br /> કાયાની પૂણીને કાંતતી<br /> કંતાતી.<br /> ‘સુખદુઃખ મનમાં ન આણિયે&#039;ના તટ પર ઊભી<br /> ગીતાનું બધું જ્ઞાન ભૂલી<br /> મારા સુખે સુખી<br /> મારા દુઃખે દુઃખી થતી.<br /> કૂખમાંથી કાખમાં બેસાડતી<br /> તેડી તેડીને ફરતી<br /> હળવી હલકે હાલરડાં ગાતી <br /> કાગડાની ઊંઘે અલપઝલપ સૂતી<br /> તેડવા આવતી મને સ્કૂલે<br /> પરીક્ષા વખતે શુકનની સાકર ખવરાવતી <br /> ભરેલા ભીંડાનું શાક બનાવતી<br /> ચોખ્ખો સાંધેલો સાડલો પહેરતી <br /> ધીખતા તાવમાં પોતાં મૂકતી <br /> મોડી રાતે મારી રાહ જોતી<br /> શેરીના ખૂણે ખોડાયેલી<br /> <br /> સટાસટ પિતાની સોટીના સોળ વચ્ચે <br /> મારી સાથે જડાઈ ગયેલી <br /> પાસ થવાના પેંડા વહેંચતી<br /> મારી વહુને પોંખતી<br /> ઘર જુદાં થયે મને <br /> મારું ગમતું ટેબલ આપતી<br /> તારી કૂખમાંથી ખોળામાં <br /> ખોળામાંથી ફળિયામાં<br /> ને ફળિયામાંથી નીકળી<br /> દૂર દૂર જતો જોતી રહી તું <br /> ફરી ક્યારેય ન આવ્યો તારા ફળિયામાં <br /> તારા ખોળામાં <br /> ગોટમોટ ભરાઈ ન શક્યો તારા ઉદર દરમાં<br /> તું જતી રહી મારા પરિઘની બહાર <br /> તોય હું તો રહ્યો તારા કેન્દ્રમાં.<br /> <br /> સુકાઈને ખરી જાય છે નાળ<br /> સરકીને સુકાઈ જાય છે વરમાળ <br /> મરી જાય છે મા,<br /> મરી જાય છે મિત્ર,<br /> મરી જાય છે પ્રેમ ઊંડે ઊંડે<br /> કોઈ જ અવાજ વગર<br /> પણ ખરતી નથી<br /> મરતી નથી,<br /> આ નાભિ<br /> કેન્દ્રમાં રહે છે નાભિ <br /> નાભિમાં રહે છે કેન્દ્ર.<br /> ભળી નથી ગઈ એ વિશાખા, આશ્લેષા, શતભિષામાં <br /> ભળી નથી ગઈ એ માટીમાં, <br /> પણ ભળી ગઈ છે મારામાં,<br /> નાભિથી નભ સુધી લઈ ગઈ તું <br /> આજે તું નભમાંથી મારી નાભિમાં.<br /> &lt;/poem&gt;}}<br /> <br /> &lt;br&gt;<br /> {{HeaderNav2<br /> |previous = પાર્થેનોનના પથ્થરોને<br /> |next = શરદના આ શ્રાદ્ધ દિવસોમાં <br /> }}</div>

Meghdhanu