https://wiki.ekatrafoundation.org/index.php?action=history&feed=atom&title=%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE%2F%E0%AA%B8%E0%AB%8D%E0%AA%B5%E0%AA%BE%E0%AA%B9%E0%AA%BE 2026-07-22T03:33:49Z Revision history for this page on the wiki MediaWiki 1.45.0 https://wiki.ekatrafoundation.org/index.php?title=%E0%AA%97%E0%AA%82%E0%AA%A7%E0%AA%AE%E0%AA%82%E0%AA%9C%E0%AB%82%E0%AA%B7%E0%AA%BE/%E0%AA%B8%E0%AB%8D%E0%AA%B5%E0%AA%BE%E0%AA%B9%E0%AA%BE&diff=61444&oldid=prev 2023-05-28T05:19:05Z

<p>Created page with &quot;{{center|&lt;big&gt;&#039;&#039;&#039;સ્વાહા&#039;&#039;&#039;&lt;/big&gt;}} {{Block center|&lt;poem&gt; જન્મ સમયે મારી જેમ પોચો પોચો હતો સમયનો સુકુમાર પિંડ, ખબર નહોતી કે દૂધ પાઈને ઉછેર્યો સાપ. ખબર નહોતી કે ધારદાર ધા૨ ફળા ફૂટશે, કરચો વાગશે કચ્ચર કચ્ચર, ફૂટશે ફા...&quot;</p> <p><b>New page</b></p><div>{{center|&lt;big&gt;&#039;&#039;&#039;સ્વાહા&#039;&#039;&#039;&lt;/big&gt;}}<br /> <br /> {{Block center|&lt;poem&gt;<br /> <br /> જન્મ સમયે મારી જેમ<br /> પોચો પોચો હતો સમયનો સુકુમાર પિંડ,<br /> ખબર નહોતી કે દૂધ પાઈને ઉછેર્યો સાપ.<br /> ખબર નહોતી કે ધારદાર ધા૨ ફળા ફૂટશે, <br /> કરચો વાગશે કચ્ચર કચ્ચર,<br /> ફૂટશે ફાટશે સ્ફોટની જેમ, <br /> વધશે વકરશે વ્રણની જેમ.<br /> દરેક શિશુની ભોળી આંખોમાં જન્મે છે તું.<br /> મોતીયે મેલી આંખોમાં મરે છે તું. <br /> રમતો તું ગાભાપોતિયા, ઘરઘર, ઢીંગલાઢીંગલીથી,<br /> તે તું નથી સમાતો મહેલ મહોલાત વાડી વજીફામાં. <br /> લથડતો લથડાય છે, પથરાય છે પળિયા આવેલી આંખોના <br /> રણ કળણમાં.<br /> મરવું એટલે જ સભાન થવું તારાથી.<br /> <br /> બધી રસી મુકાવી છે મારા દીકરાને. <br /> તો પણ રસીની જેમ તું ફૂટી નીકળે છે અંદરથી અચાનક.<br /> ચાલી વરસ પછી આવશે બેતાળાં, <br /> પછી ગંઠાશે પગ ગંડેરી જેવા,<br /> કાર્ડિયોલૉજિસ્ટ ને કન્સલ્ટન્ટ,<br /> કોલેસ્ટરોલનું ધ્યાન રાખવું પડશે,<br /> ચાલવું પડશે રોજ, <br /> ઘી વગરની રોટલી બે જ બસ.<br /> - એ જ તો અમારી વસ. <br /> કાયાના કિલ્લામાં ક્યારે સુરંગ ચાંપીને <br /> ઉડાવી દે છે તું બધું ?<br /> કોણ આપે છે તને બાતમી ?<br /> આજીવન કેદ.<br /> કેદ શું માત્ર કેદીની ?<br /> કેદ એટલે કેટલાં વરસ ? <br /> ૩૭,૬૬ કે ૮૨ ?<br /> દેહાંતદંડ શું માત્ર પાપી ગુનેગારોને જ ?<br /> ના, <br /> દેહના એદી કેદી<br /> જીવનરોગી બધાંયને ઉદ્દંડ દંડ દેહાંતનો.<br /> કોષ કોષના કીલિંગ ફિલ્ડમાં ગોઠવી દે છે તું ટાઇમ બૉમ્બ,<br /> &#039;Death<br /> I Discount<br /> by living.<br /> ભરાયાં છીએ છટપટતાં તારા ગલમાં<br /> કે<br /> ઢબુરાયાં છીએ તારા ખોળામાં ? <br /> બહુરૂપી માનસી મરિચિકા<br /> કાળરૂપસી !<br /> કેટકેટલા ચહેરાઓ છે તારે ?<br /> ચહેરાઈ ગયેલા ચહેરાઓ જોયા છે મેં તારા - અરીસામાં. <br /> બોલ, અરીસા બોલ. કોણ છે મારાથી સુંદર આ જગતમાં ?<br /> છોડ આ દર્પણ વિશ્રંભકથા<br /> છોડ બારીમાંથી બહાર તાક્યા કરવાનું, <br /> દીવાલ પર ક્લીક્ ક્લીક્,<br /> થાય છે કશુંક ક્લીક્ ? <br /> જો જો થયો છે બસનો ટાઇમ<br /> ગળચી લે લુસ લુસ<br /> જલદી જલદી નહીં તો મૅમો પકડાવશે તારો બૉસ. <br /> યસ બૉસ યસ,<br /> બે વરસમાં પ્રમોશન ત્રણ,<br /> યસ બૉસ યસ.<br /> સમયસૂચકતા વાપરી અકસ્માત નિવારવા <br /> ફાટકવાળાને મળે છે ઇનામ, <br /> પ્લૅટફૉર્મ ૫૨ પહોંચતાં જ ચુકાઈ જાય છે ટ્રેઇન. <br /> લઈ લો કૅલ્વીનેટરમાં off-season ડિસ્કાઉન્ટ. <br /> ૨૮મી ઑગસ્ટે બંધ થાય છે રિલાયન્સનું ભરણું. <br /> ભરી લો નવી ભરતીના તેલના ડબ્બા.<br /> શિયાળામાં ભરેલ રીંગણાનું શાક, <br /> અમરનાથની ગુફા ખૂલે ઉનાળામાં. <br /> કુંડળીમાં મંગળ - ૨૮ પછી જ ભાગ્યોદય. <br /> ૪૮ કલાક પછી જ પેશન્ટ આઉટ ઑફ ડેન્જર, <br /> ગઈકાલ સુધી તો તમે હતા સ્ટ્રેઈન્જર. <br /> દિવસે ગુલાબ ગલગોટો ગુલબાસ <br /> રાતે જૂઈ જાઈ ચમેલી પારિજાત <br /> કોઈ ખોલીમાં ખીલી છે કમજાત.<br /> <br /> ભરાય છે અમૃત મહોત્સવો, <br /> કુંભ મેળાઓ,<br /> ભરાય છે પીળું પરુ દાણામાં<br /> રેલાય છે ઊંઘની સૂરાવલિ.<br /> આલાપ પ્રભાતનો,<br /> ક્રેસેન્ડો મધ્યાહ્નનો,<br /> મીંડ અધરાતની.<br /> ગોળાર્ધોને ઢબુરે છે તું<br /> ગોળાર્ધોને હડબડાવી જગાડે છે.<br /> હજાર હજાર હાથોમાં ઊંટડા બ્રશ લઈ મચી પડે છે મોંમાં.<br /> કીડીનો રાફડો છંછેડાય છે સૂર્યના ઢેફાથી. <br /> જેન્ટલમેન, ગવર્નમેન્ટ !<br /> ડૉક્યુમેન્ટ કરી લો લોકજીભે રહેલાં લોકગીતોનું,<br /> રહેણી કરણી કહેણી કહેવતોનું,<br /> ચળાવો નળિયાં અવાવરું ઘરનાં, <br /> દોરી લો નકશા ખંડેરો સ્થાપત્યોના.<br /> સ્કૉટ, કૅપ્ટન કોલંબસ ! દોરો નકશા અણદીઠ ભૂમિના.<br /> કેપ્લર, કૉપરનીક્સ<br /> આકારો અમેય આ આકાશને.<br /> ઝાડી ઝાંખરામાં મળી આવી છે અજંતાની ગુફા, <br /> યથાતથ જાળવી રાખ્યું છે શૅક્સપિયરનું ઘર, તો<br /> પુરાઈ જાય છે કીડીનું દર. <br /> You Greenwhich Mean Time!<br /> You mean !<br /> What do you mean ?<br /> કયા કાળનું રખોપું કરે છે તું ?<br /> ક્ષણે ક્ષણે ક્ષયિષ્ણુ<br /> કે વધુ વાધે વર્ધમાન તું ?<br /> નિશ્ચિહ્ન થઈને ભૂંસતો ફરે છે તું<br /> નિશ્ચિહ્ન થઈ ભૂંસાતો ફરે છે તું ?<br /> મર તું સાલ્લા મારિચ<br /> તું વ્યાધ<br /> તીર તારું પક્ષ્માતિ સૂક્ષ્મ<br /> ખૂંપીને રહ્યું છે દરેક કાયામાં.<br /> <br /> લાખ લાખ લટકણિયાં પહેરીને લટકાં કરે છે રાત્રિઓ,<br /> ધૂણે છે ધૂમકેતુઓ.<br /> દોરે તું ચલિત, ચિત્ર, નક્ષત્ર.<br /> વિચિત્ર તે તું, ભૂંસે બધું ?<br /> બધું જ ? રેત પર જ શું વરસાવ્યું અમે હેત ?<br /> <br /> આપન્નસત્વા રહસ્યગર્ભા ક્ષણો ચળકે છે આ ક્ષણે.<br /> જુઓ,<br /> આ સૂચ્યગ્રક્ષણે<br /> નર્મદામાં એક પથ્થર વધુ ગોળ થાય છે,<br /> લિવરમાં એક કોષ વિભાજિત થવાની તૈયારી છે,<br /> પૂરો થયો છે વોયેજરનો કાઉન્ટ ડાઉન; <br /> 27 ડાઉન હમણાં જ ઊપડી છે,<br /> એક ગોળી છોડી આ ક્ષણે માણસ ખૂની થઈ જાય છે, <br /> પતિ ગયા પછી કોઈ પુંશ્ચલી લફંગાને બોલાવી લાવે છે <br /> બપોરના એકાંતમાં,<br /> મત્ત ચંડોળે ઘેલું તેનું છેડ્યું છે ગાન, <br /> મેલું એક વસ્ત્ર ધોવાય છે. <br /> ઠંડીમાં કોઈ ભરાયું છે ગોટમોટ, <br /> કોઈ હસી પડ્યું છે લોટપોટ,<br /> પવનની ગલીપચીથી લીમડો હસી પડ્યો છે લોટપોટ. <br /> તારા મહેલમાં તો ક્ષણે ક્ષણે આવી અનેક બારીઓ. <br /> અજસ્ર વહી જતી રમ્યઘોષા મધ્યે <br /> વ્યક્તમધ્યના પાટિયા પરથી <br /> ઝંપલાવ્યું છે આ જંબુરિયાએ. <br /> તારા થકી વ્યક્ત થઈ <br /> બનવા મથ્યો વ્યક્તિ. જેવી મારી શક્તિ. <br /> વિવશ હું – વિસ્મૃતિના શાપ-વરદાનમાં<br /> ઝબકોળાયા કરું છું હું. <br /> ભુલાઈ જાય છે ઉત્કટ આરતપૂર્વક <br /> ધીર સમીરે યમુનાતીરે જોયેલી રાહ, <br /> ચન્દ્રની સાક્ષીએ એક આલિંગનમાં આપેલા જનમજનમના કોલ. <br /> વિહ્વળ સાંજ. વિફળ પ્રેમ, દગો,<br /> વિદાય વેળાનાં આંસુઓ,<br /> માનું મૃત્યુ,<br /> વિસ્મૃતિના શ્યામગર્તમાં હોમાય છે તું.<br /> વિવશ હું.<br /> – વિસ્મૃતિના શાપ વરદાનમાં ઝબકોળાયા કરું છું હું.<br /> ઘાયલ મનની કરે તું શુશ્રૂષા.<br /> અસહ્ય તું બનાવે છે સહ્ય. <br /> સહ્ય બધું લ્હાય, લાહ્ય અસહ્ય. <br /> તારી કોઠીમાં દુઃખનું સીતાફળ કાચું<br /> પાકે છે મીઠું સુખ થઈ. <br /> મીઠું સુખ કડવું વખ થઈ કોહવાય છે <br /> દુઃખના કોથળામાં.<br /> ભૂલી જાઉં છું તને<br /> રાષ્ટ્રોને ઊપડેલા સન્નેપાતમાં, <br /> ઝાંબેઝીના પ્રપાતમાં, <br /> પોચા પોચા હિમ પાતમાં <br /> કે પ્રિયાની વાતમાં. <br /> પણ ઈથરની અસર ઊતરે. <br /> પીડા બની આવે છે તું <br /> ફરી ફરી વાર. <br /> શનિવાર હો કે મંગળવાર, <br /> યા હો ૨વિવા૨ <br /> આવે છે તું ફરી વાર. <br /> પારા જેવો સમય થવા લાગે છે ચીકણો. <br /> કાલાટને ભૂંસવા ચાહું છું તને, <br /> પવનનુંય નહીં, વ્યવધાન, <br /> આંખોમાં આંખોનું સંધાન, <br /> દેહના આધારે જ દેહનું તિરોધાન, <br /> હળવેથી રહે ઓધાન. <br /> મારા સર્જન મનન પ્રજનન પછી <br /> વિજન હું તારાં વેરાનમાં હેરાન. <br /> સરલ નહીં, તરલ છે તું. <br /> પ્રેમમાં, વેદનામાં, ઉત્કટતામાં ઓળખ છે અધૂરી.<br /> <br /> આજકાલ<br /> વહેલું મોડું<br /> આગળ પાછળ નથી હોતું કશું. <br /> ઓ પણે પૂર્વજ ને આ ઉત્તરાધિકારી- <br /> એવું કશું નથી હોતું સદ્યજા ક્ષણે. <br /> પરોવાય તો પરોવી લો પાનબાઈ, આ પારદ બિંદુને <br /> નહીં તો ચાળ્યા કરો ચાળણી. <br /> પુષ્પો સાથે વાત કરવાનો સમય રહ્યો નહીં.&#039;<br /> સમય રહ્યો નહીં દાદા સાથે વાત કરવાનો, <br /> સમય રહ્યો નહીં અરીસામાં નજ૨ મેળવવાનો.<br /> કાળા વાળ વચ્ચે અચાનક ફૂટી આવતાં ધોળા વાળને<br /> નીરખવાનો સમય રહ્યો નહીં. <br /> સમય સમય કરતાં કરતાં સમય રહ્યો નહીં.<br /> સમયોના તિર્યક્ સંધિસ્થાને,<br /> છેદન સ્થાને, વેદન સ્થાને જીવું છું હું, <br /> મારા ઘરમાં છીએ બધાં સમકાલીન.<br /> અબજો વ૨સ પહેલાનું આકાશ,<br /> કરોડો વરસ પહેલાંનો પથ્થર, <br /> કરોડો વ૨સ પહેલાંનાં અશ્મિઓ,<br /> લોથલથી ચોરેલાં પાંચ હજાર વરસ પહેલાંનાં ઢીબઠીકરાં,<br /> છત્રીસ વરસ જૂનું ઘોડિયું,<br /> જેમાં હીંચે છે મારું બાળક <br /> બીજા વરસે ગંધ મ્હોરવા લાગેલું પારિજાત,<br /> આ<br /> સંઘસ્ફૂર્ત વિચાર,<br /> -સમયનાં કેટકેટલાં પરિમાણો–<br /> રમખાણો મારામાં !<br /> કોઈ થિસિસ, એન્ટિથિસિસ, સિન્થેસિસ<br /> નથી આ સ્પીસીઝ માટે.<br /> નથી કોઈ સ્વીકાર કે નકાર.<br /> ગત, આગત, અનાગતની વિગત નથી મારી પાસે.<br /> મારી પાસે તો છું હું જ.<br /> તે પણ ઊધઈકોર્યા અક્ષરવાળી હસ્તપ્રત જેવો. <br /> શું તારી ડિશમાં ઇષ્ટ અનિષ્ટ<br /> મિષ્ટ હોય છે આટલું બધું<br /> કે નથી રહેતું કશું ઉચ્છિષ્ઠ ?<br /> વહીવંચા,<br /> સ્ટંટ એકાઉન્ટન્ટ !<br /> માગીશ નહીં હિસાબ મારી પાસે ઇન્સ્ટન્ટ.<br /> જા, પૃથ્વી પાસે – તેની પાસે છે યુગો.<br /> જા, અવકાશી પદાર્થો નક્ષત્ર નિહારિકાઓ પાસે <br /> – તેની પાસે છે અયુત મન્વન્તરો.<br /> જા, ઈશ્વર પાસે<br /> -તેની પાસે છે સાગર અફાટ,<br /> તેનાં ઘટિકાયંત્રમાં ઠલવાયા કરે છે સાત સાત સાગરની રેતી.<br /> મારી પાસે તો બચી છે ક્ષણ,<br /> બથાવી લીધી છે મેં અડધીપડધી ખૂંચવી ખેંચી કાઢેલી<br /> તારા જડબામાંથી.<br /> ક્ષણો, કેવળ ક્ષણો. <br /> જોઈએ તો ક્ષણ વીણ,<br /> ક્ષણ ક્ષણ કરી<br /> કરી કણ કણ, ક્ષણ વીણ.<br /> ક્ષણ વીણ, યુગ વીણ.<br /> ફોળેલું, ફેદેલું, ફેલાવેલું સમેટતાં આવડતું નથી તારી જેમ. <br /> તારા વગર છતાંય અધૂરો હું.<br /> (જેમ આ કવિતા).<br /> ચાલતાં, બેસતાં, ઊઠતાં<br /> પીઝા ખાતાં, દાળિયા ફાકતાં<br /> કૉફીના સીપ લેતાં, જાઝ સાંભળતાં,<br /> મૉર્નિંગ વૉક લેવા જતાં,<br /> મિત્રો સાથે ટોળટપ્પાં મારતાં, <br /> સંભળાય છે તારાં પગલાં.<br /> કોઈ નથી હોતું. ત્યારે કોણ હોય છે પાછળ ?<br /> રાતે<br /> બહુલ શસ્ત્રો સજ્જ તારી<br /> લડાઈ છે<br /> નિઃશસ્ત્ર નાચીઝ મારી સાથે.<br /> &#039;मौत का एक दिन मुअईन है <br /> नींद क्यूं रातभर नहीं आती. &#039;<br /> ઝબકીને જાગીશ તો લડીશ તારી સાથે.<br /> આ આખીય રાત<br /> આ આખીય લડાઈ છે તારી સાથે. <br /> તારી બ્લૅકહૉલ-શી વેદીમાં<br /> સર્વમેધ યજ્ઞમાં હોમ્યા કરે છે અહર્નિશ.<br /> સ્વાહા, સ્વાહા,<br /> સ્વાહા, હસ્તધૂનન, હસ્તમૈથુન,<br /> ચુંબન, આલિંગન, <br /> મનન, ચિંતન,<br /> વચન પ્રવચન આંદોલન સ્વાહા, <br /> સ્વાહા, સ્થિતિ, ગતિ રતિ, મતિ, કુમતિ, જાતિ, સતી, સ્વાહા.<br /> સ્વાહા. <br /> સ્વાહા ઊપટાયેલાં ભડક રંગ, ઝાંખું થઈ જતું જરતારીકામ,<br /> કાળા ભમ્મર વાળ સ્વાહા, વાળની જગ્યા લેતો કલપ,<br /> ચળકતી ટાલ,<br /> ખવાયેલી ખોપરી સ્વાહા.<br /> અવાવરુ કૂવો, આકાશમાં ચપલ ચાલ દોરતા યાયાવર<br /> ઋતુપક્ષીઓ સ્વાહા, <br /> ‘બાર બાર વરસે નવાણ ગળાવ્યાં&#039; સ્વાહા,<br /> સ્વાહા બાર વરસે જાવાનાં જંગલોમાં ખીલેલું મહાકાય ફૂલ, <br /> નિશ્ચિત મિનિટે યલોસ્ટોનપાર્કમાં ફૂટતા ફુવારાઓ<br /> વીમાપોલિસી, બેસણું, બારમું, છઠ્ઠીશતાબ્દી ક્રિસમસ સેલ, ગાંધી જયંતિ નિમિત્તે ખાદીમાં વળતર, સ્વાહા<br /> વરસો વરસ લીલી સૂકી જોતી ઘાસની ચાદર સ્વાહા,<br /> રેડવૂડમાં પરદાદા-શું પચીસ્સો વર્ષ જૂનું ઝાડ સ્વાહા,<br /> સ્વાહા રવી ને ખરીફ. <br /> સ્નાયવી બાવડાનો લચકો થઈ લબડી પડેલો ગોટલો સ્વાહા,<br /> સ્વાહા વાજીકરણ,<br /> સ્વાહા અદનો આદમ ને ખલીફ સ્વાહા<br /> માળિયે ચડી ગયેલી કોડીઓ, બાકસની છાપ, ગરગડી<br /> લખોટી સ્વાહા,<br /> મંગળફેરા, ઘૂંઘટકા પટ ખોલ સ્વાહા, પુંસવન, નામકરણ<br /> અંત્યેષ્ટિ સંસ્કાર સ્વાહા.<br /> કાળ સાગરમાં તર્યા કરતું<br /> વૉયેજરમાં મોકલેલું પાયથાગોરસનું પ્રમેય, <br /> નાની અમથી ગમક, મીંડ, સ્વાહા.<br /> સ્મૃતિપડ અબરખિયા,<br /> કંઈ ઈચ્છાઓ તપખીરિયા સ્વાહા, <br /> લુપ્ત ડાયનોસોરસ સ્વાહા. <br /> વિલુપ્ત જાતિ પક્ષીઓની, સ્વાહા. <br /> માણસ જ ખૂટતી કડી સ્વાહા. <br /> સ્વાહા માટીના અંધકારમાં કોહવાતી કબરો, <br /> કબરો પર લુપ્ત ડમરો ગુલબાસના શ્વાસ <br /> લીલ ખાતા અવાવરું મહેલો સ્વાહા. <br /> હડપ્પાની પીઠ ૫૨ ઇન્કા, <br /> ઇન્કાની પીઠ પર યેન્કી, <br /> ને યેન્કીની પીઠ ૫૨ રાહ જોતું ઘાસ સ્વાહા.<br /> ભાવિ યોજનાઓ, સ્ટોન એઇજ,<br /> સ્પેઇસ એઇજ,<br /> ફૅશન, રેશન, સ્વાહા.<br /> ચકલીની ચણ સ્વાહા, <br /> મણ મણ ગોદામ સ્વાહા, <br /> સ્વાહા અબજો માઈલની ખેપ કરી <br /> બારણે હળવા ટકોરા મારતો પ્રકાશ સ્વાહા,<br /> ભૂંડણનાં ચાર બચ્ચાં સ્વાહા, <br /> આષાઢ પછી આષાઢનો ગોરંભો સ્વાહા, <br /> સ્વાહા તડ તડ તડકાનો તોખાર <br /> સ્વાહા હાડ હાડ ઠંડી. <br /> રમ્ય રુદ્ર આવર્ત ઋતુઓના,<br /> ઋતુમતિઓના રજ, બીજ સ્વાહા.<br /> સ્વાહા, સ્વાહા, હોત, ઉદ્દગાતા, ઋત્વિક, યાજ્ઞિક, વેદ, વેદી, <br /> યજ્ઞ સ્વાહા,<br /> ભડભડ ભડકા, ભભૂત ભસ્મ સ્વાહા,<br /> સ્વાહા, સ્વાહા, <br /> ‘કાલોહંય વિપુલા ચ પૃથ્વી&#039; સ્વાહા<br /> ‘કાલો ન યાતો વયમેવ યાતા&#039; સ્વાહા <br /> સ્વાહા, હા હા હા સ્વાહા, હી હી હી સ્વાહા. <br /> સ્વાહા, સ્વાહા, હા હા હા.<br /> &lt;/poem&gt;}}<br /> <br /> &lt;br&gt;<br /> {{HeaderNav2<br /> |previous = બોધિજ્ઞાન<br /> |next = ગંધમંજૂષા<br /> }}</div>

Meghdhanu