https://wiki.ekatrafoundation.org/index.php?action=history&feed=atom&title=%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%85%E0%AA%9B%E0%AA%BE%E0%AA%82%E0%AA%A6%E0%AA%B8_%E0%AA%95%E0%AA%B5%E0%AA%BF%E0%AA%A4%E0%AA%BE-%E0%AA%B8%E0%AA%82%E0%AA%AA%E0%AA%A6%E0%AA%BE%2F%E0%AA%9C%E0%AB%87%E0%AA%B8%E0%AA%B2%E0%AA%AE%E0%AB%87%E0%AA%B0
ગુજરાતી અછાંદસ કવિતા-સંપદા/જેસલમેર - Revision history
2026-05-20T13:21:30Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%85%E0%AA%9B%E0%AA%BE%E0%AA%82%E0%AA%A6%E0%AA%B8_%E0%AA%95%E0%AA%B5%E0%AA%BF%E0%AA%A4%E0%AA%BE-%E0%AA%B8%E0%AA%82%E0%AA%AA%E0%AA%A6%E0%AA%BE/%E0%AA%9C%E0%AB%87%E0%AA%B8%E0%AA%B2%E0%AA%AE%E0%AB%87%E0%AA%B0&diff=66481&oldid=prev
Meghdhanu: +1
2023-11-11T02:05:23Z
<p>+1</p>
<p><b>New page</b></p><div>{{SetTitle}}<br />
<br><br />
<big><big>'''જેસલમેર'''</big></big><br><br />
'''ગુલામમોહમ્મદ શેખ'''<br />
<br><br><br />
<poem><br />
૧<br />
મરૂથલે મોતીમઢ્યું આ નગર, <br />
એને ટોડલે મોર અને ભીંતે ફરે હાથી, <br />
ઝરુખે ઝરુખે પથ્થરનું હીરભરત.<br />
બારીએ બારીએ બુઠ્ઠી તરવારોનાં તોરણ. <br />
સાંજના અજવાળે ભીંતો નારંગી ચુંદડીની જેમ ફરફરે, <br />
બા૨ણે લોઢાના કડે <br />
આઠ પેઢીના હાથનો ઘસરકો. <br />
ફળિયે ફરે બે ચાર બકરાં શ્યામ <br />
ડેલી બા’ર ડ્હેકાર દે કામઢું ઊંટ. <br />
વચલી વંડીએ સુકાય રાતાં ચીર <br />
અંદરને ઓરડે ફુગાઈ ગયેલા અંધારે<br />
ફરફરે ઢીલી વાટ. <br />
લાલચટક ચૂલાની ઝાળ અને ચુંદડીના અજવાળે <br />
રોટલા ટીપતી સોનેરી કન્યા.<br />
<br />
<br />
૨<br />
કઠણ પથરા કાપી ચણી ઢાલ જેવી ધીંગી ભીંતો, <br />
ઊંટની ડોક જેવા ઘડ્યા ઝરુખા, <br />
આંગણાં લીંપ્યાં પૂર્વજોના લોહીથી.<br />
વારસામાં મળેલ <br />
સૂરજનો સોનેરી કટકો વાટી <br />
ઘૂંટ્યો કેસરિયો રંગ, <br />
પટારેથી ફંફોસ્યું કસુંબીનું પાત્ર, <br />
પછી સંભારણાં ગટગટાવતા <br />
વૃદ્ધ પડછાયા ઢળી પડ્યા.<br />
૩<br />
કોટના કાંગરામાંથી માથું કાઢી નગરી નીચે જોતી’તી. <br />
નમણાં દેખાય બે બાજુનાં ઘર <br />
અને એથીય નમણી અર્ધીપર્ધી હવેલીઓ વચ્ચેની ગલી.<br />
જાજરમાન નગરી નીચે તાકી રહી હતી. <br />
ત્યારે<br />
ઉત્તરથી ડમરીના ડંકા સાથે ચડી આવ્યાં ઊંટ <br />
ભૂખરા, કથ્થાઈ, તેજીલા ઊંટ <br />
વાવાઝોડાની જેમ હવેલીઓને ઘેરી વળ્યાં <br />
અને જતાં જતાં કિલ્લાને પોઠ પર નાખી નાઠાં. <br />
અવાચક, નગ્ન<br />
નગરી<br />
બે ઘડી હેબતાઈ, ઊભી<br />
પછી નફફ્ટ થઈને ડમરીની પૂંઠે ચાલી નીકળી. <br />
<br />
<br />
૪ <br />
તપ્યો તપ્યો સૂરજ બારે મુખે <br />
અને ઢળ્યો તો ઠારી ગયો બારેય લોકને <br />
રેતી સૂઈ રહી અનાથ <br />
વાદળાં નાસી ગયાં લાગ જોઈ <br />
નપુંસક તારા હસી રહ્યા <br />
ત્યારે <br />
રણને છેડે બેઠેલાં બધાં ઘર<br />
મરેલાં ઊંટોને કાંધે નાખી ચાલી નીકળ્યાં.<br />
પોઠો પડી વેરાઈ રેતીમાં, <br />
પાઘડાં અસવારોનાં <br />
ચિરાઈ<br />
ઊડ્યાં, ખવાયેલ પક્ષીનાં પીંછાં જેવાં <br />
અને <br />
અધખુલ્લા આદમી <br />
ખુલ્લા મોઢે <br />
ગળચી રહ્યા <br />
રણની કાંટાળી હવાને.<br />
<br />
<br />
૫<br />
પથરા વચ્ચે ભીંસાયેલા સફેદ ચૂનાના વાટાઓને પૂછ્યું, <br />
ગેરુ રંગની દીવાલોને પૂછ્યું,<br />
પૂછ્યું ઝેરી લીલાશ પકડતી તોતીંગ બારણાંની ભોગળોને, <br />
પૂછ્યું હમણાં ફેંકેલા પૂર્વજના જર્જરિત સાફાને. <br />
પાંપણોની છત્રીવાળા ઝરુખાની કોતરણીમાં <br />
ઢળેલી ઘાટીલી હવાને પૂછ્યું. <br />
કિલ્લાની રાંગે લટકતા ચણિયાનાં ચીંથરાંને, <br />
સૂતેલા મહેલને દરવાજે નિર્લજ્જ નખરા કરતી ગલીઓને પૂછ્યું. <br />
ગોળગોળ આંખોની બાજુમાં <br />
સુકાતી જતી રેખાઓને, <br />
બાવળને વેંઢારી વસૂકી ગયેલી ધરતીને, <br />
ભાંગેલા ઘુમ્મટના ભુક્કા વચ્ચે સંભોગરત કપોતયુગલને પૂછ્યું.<br />
<br />
બધા પ્રશ્નો બપોર ભાંગતાં સુધીમાં ભુક્કો થઈ ગયા. <br />
સાંજની સાથે શાન્તિ પૂરની જેમ ધસી આવી <br />
અને જોતજોતાંમાં મારા નાક લગી છલકાઈ ગઈ. <br />
મેં આકાશમાં હમણાં ફૂટેલા તારાઓ તરફ<br />
દયામણી નજર નાખી<br />
કે તરત બન્ને કબૂતર મારી પાંપણોમાં પુરાઈ ગયાં.<br />
<br />
૬<br />
રાતાં રાતાં<br />
લોહીથી ઘેરાં<br />
રણ.<br />
પીળાં પીળાં<br />
આવળથી પીળાં<br />
ઘર.<br />
ધોળો ધોળો હોલા જેવો ગભરુ સૂરજ.<br />
કાળા કાળા<br />
નિસાસાથી ઊંડા બુરજના પથ્થર. <br />
ઝાંખી ઝાંખી<br />
પગના તળિયાથી લીસી પગથી<br />
ધીમી ધીમી<br />
આછી આછી<br />
ભૂરી ભૂરી<br />
બધી<br />
ગઈ ગુજરી.<br />
</poem><br />
<br><br />
{{HeaderNav2<br />
|previous = એક<br />
|next = શહેર<br />
}}</div>
Meghdhanu