https://wiki.ekatrafoundation.org/index.php?action=history&feed=atom&title=%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%85%E0%AA%9B%E0%AA%BE%E0%AA%82%E0%AA%A6%E0%AA%B8_%E0%AA%95%E0%AA%B5%E0%AA%BF%E0%AA%A4%E0%AA%BE-%E0%AA%B8%E0%AA%82%E0%AA%AA%E0%AA%A6%E0%AA%BE%2F%E0%AA%B8%E0%AA%BE%E0%AA%A3%E0%AA%B8%E0%AB%80ગુજરાતી અછાંદસ કવિતા-સંપદા/સાણસી - Revision history2026-05-21T03:08:35ZRevision history for this page on the wikiMediaWiki 1.38.2https://wiki.ekatrafoundation.org/index.php?title=%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%85%E0%AA%9B%E0%AA%BE%E0%AA%82%E0%AA%A6%E0%AA%B8_%E0%AA%95%E0%AA%B5%E0%AA%BF%E0%AA%A4%E0%AA%BE-%E0%AA%B8%E0%AA%82%E0%AA%AA%E0%AA%A6%E0%AA%BE/%E0%AA%B8%E0%AA%BE%E0%AA%A3%E0%AA%B8%E0%AB%80&diff=68310&oldid=prevMeghdhanu: +12024-01-02T17:37:18Z<p>+1</p>
<p><b>New page</b></p><div>{{SetTitle}}<br />
<br><br />
<big><big>'''સાણસી'''</big></big><br><br />
'''બકુલ ટેલર'''<br />
<br><br><br />
<poem><br />
રસોડામાં રસોઈ પકાવનાર હોય યા ન હોય <br />
હોય છે હંમેશ આ સાણસી <br />
ગઈ કાલે હતી ત્યાં જ યા જરાક આમતેમ <br />
એણે ક્યાંય જવું હોતું નથી <br />
ધાતુમાંથી આકારોમાં ઢળી રહી હતી ત્યારથી તેનું વ્રત છે <br />
ઉચ્ચાલનના નિયમોમાં રહેવું, નિયત થયેલું કામ કરવું <br />
બીજી કોઈ બબાલ નહીં, ટંટો-ફિસાદ નહીં <br />
તેને કોઈ આળસ નહીં, ઉતાવળ નહીં <br />
રાત યા દિવસના, ઋતુચક્રના ભેદ નહીં <br />
વાવાઝોડા, ધરતીકંપ જેવી આફતોમાંય સ્થિતપ્રજ્ઞ<br />
ઉચ્ચાલનના નિયમોમાં રહેવું, નિયત થયેલું કામ કરવું<br />
<br />
ચાની તપેલી તમને દઝાડે, તેને નહીં. <br />
સિફતથી તે જકડે ને કપમાં ચા ઢળે ત્યાં સુધી જકડે <br />
તે ક્યારેય ચાની ચૂસકી ન માગે <br />
મઝાનું રસાદાર શાક હોય કે હોય રવાદાર મીઠાઈ<br />
ન તેને કોઈ સ્વાદ, ન તેને કોઈ રાગ <br />
જગતમાં જેને જે ખાવું હોય તે ભલે ખાય <br />
ધાતુ તરીકે તેણે હજારો વર્ષ માટીનો સ્વાદ સેવ્યો છે<br />
ખાણિયાઓએ તેને ઢૂંઢી કાઢ્યું ત્યારે માણસોને જાણ્યા <br />
ને બસ હવે માણસ વચ્ચે તેનું આયુષ્ય વીતી રહ્યું છે <br />
હવે તે માણસને જ જાણે છે, માટીના ભેદ ભૂલી ગઈ છે<br />
અલબત્ત, તેને સ્ત્રીઓના હાથમાં ગોઠવાવું ગમે છે<br />
પુરુષોના હાથમાં તે ઘણી વાર છટકી ગઈ છે<br />
ઘણા માને છે કે આ સ્ત્રીઓએ વંઠાડી છે એને <br />
હશે, કદાચ થોડું એવું હશે, પણ આમ નહીં <br />
સ્ત્રીઓના હાથોએ તેનામાં લીસ્સાપણું આપ્યું છે <br />
નળ નીચે તેને પાણીમાં ધુએ ત્યારે ખુશ <br />
ને ક્યારેક બે-ચાર દિવસ ન ધોવાય તો... <br />
– તો સમજે કે બાઈમાણસને બહુ કામો હોય છે <br />
– સમજે કે સ્ત્રીને ને સાણસીને મિજાજી થવું ઠીક નહીં <br />
સાંધા ઢીલા થાય તો પણ પકડ ન છોડવી<br />
<br />
સાણસી એવું પણ સમજે કે <br />
ચમચા, તવેથા, ભાતિયાં, રવઈ ભલે ઘણાં હોય<br />
બધા વચ્ચે તે તો એક, એકમાત્ર <br />
રસોઈ થઈ રહે તેની રાહ જુએ ઉતાવળ વિના <br />
બાકી શાંત, જન્મારો અહીં જ વીતવાનો છે એવા ભાવથી <br />
શાણી ને સમજદાર ગૃહિણીઓ તેને સાચવે છે <br />
કામ પૂરું થાય પછી બાજુ પર મૂકે છે <br />
સાણસી કાગાનીંદરમાં પોઢી જાય છે <br />
-કાંઈ કશું પકાવો તો કહેજો કહી આંખ આડી કરે છે.<br />
</poem><br />
<br><br />
{{HeaderNav2<br />
|previous = સગપણ ક્યાં છે?<br />
|next = રાત્રિ<br />
}}</div>Meghdhanu