https://wiki.ekatrafoundation.org/index.php?action=history&feed=atom&title=%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%85%E0%AA%9B%E0%AA%BE%E0%AA%82%E0%AA%A6%E0%AA%B8_%E0%AA%95%E0%AA%B5%E0%AA%BF%E0%AA%A4%E0%AA%BE-%E0%AA%B8%E0%AA%82%E0%AA%AA%E0%AA%A6%E0%AA%BE%2F%E0%AA%B8%E0%AB%8D%E0%AA%B5._%E0%AA%B9%E0%AB%81%E0%AA%82%E0%AA%B6%E0%AB%80%E0%AA%B2%E0%AA%BE%E0%AA%B2%E0%AA%A8%E0%AB%80_%E0%AA%AF%E0%AA%BE%E0%AA%A6%E0%AA%AE%E0%AA%BE%E0%AA%82
ગુજરાતી અછાંદસ કવિતા-સંપદા/સ્વ. હુંશીલાલની યાદમાં - Revision history
2026-05-01T23:26:24Z
Revision history for this page on the wiki
MediaWiki 1.38.2
https://wiki.ekatrafoundation.org/index.php?title=%E0%AA%97%E0%AB%81%E0%AA%9C%E0%AA%B0%E0%AA%BE%E0%AA%A4%E0%AB%80_%E0%AA%85%E0%AA%9B%E0%AA%BE%E0%AA%82%E0%AA%A6%E0%AA%B8_%E0%AA%95%E0%AA%B5%E0%AA%BF%E0%AA%A4%E0%AA%BE-%E0%AA%B8%E0%AA%82%E0%AA%AA%E0%AA%A6%E0%AA%BE/%E0%AA%B8%E0%AB%8D%E0%AA%B5._%E0%AA%B9%E0%AB%81%E0%AA%82%E0%AA%B6%E0%AB%80%E0%AA%B2%E0%AA%BE%E0%AA%B2%E0%AA%A8%E0%AB%80_%E0%AA%AF%E0%AA%BE%E0%AA%A6%E0%AA%AE%E0%AA%BE%E0%AA%82&diff=66491&oldid=prev
Meghdhanu: +1
2023-11-11T02:30:54Z
<p>+1</p>
<p><b>New page</b></p><div>{{SetTitle}}<br />
<br><br />
<big><big>'''સ્વ. હુંશીલાલની યાદમાં'''</big></big><br><br />
'''રાવજી પટેલ'''<br />
<br><br><br />
<poem><br />
ગગન ગુફા ફાટી પડે ને તારા લબ લબ થાય, <br />
નીસર્યો તારો આત્યમો અહીંથી હુંશીલાલ. <br />
ઝાંખાં ઘર પાદર થયાં ઝાંખી માનવજાત; <br />
સૂરજ રોડું થઈ ગયો મરતાં હુંશીલાલ. <br />
પીપળ ડાળ ખરી પડી ખરી મરદની મૂંછ; <br />
રંડાપો મરદોને મળ્યો મરતાં હુંશીલાલ. <br />
જીવતાં મુજથી ના થયું જે થયું છાનું થયું, <br />
તે રચું મરશિયા આજ મરતાં હુંશીલાલ.<br />
<br />
ઊંઘણશીની આંખોમાં હે પૂજ્ય <br />
તમારી સલાહ-શિખામણ કમલ સરીખી કોળે! <br />
જીવતે જીવ તમે બહુ ખટક્યા <br />
ખટક્યા ચંપલની ઊપસેલી ખીલી જેવા,<br />
<br />
શરીરની કોઈ ખોડ સમણા ખટક્યા. <br />
એક ઘરના આદમી નહોતા તમે.... <br />
હે ૐ, સકલ સંડાસની ભીંતો ઉપર <br />
પણ આપના ચહેરા ચગે <br />
હે મુરબ્બી,<br />
<br />
આપનો ચહેરો <br />
પ્રભુના નામ જેવો યાદ કરવાનો અમારે,<br />
કોપરાની શેષ જેવો ચાવવા લાયક <br />
હજી અંધારમાં ચમક્યા કરે છે <br />
આગિયા જેવો.<br />
શ્રીવિલય તમારો થયો અહોહો! <br />
અંદણની ચંદણની ચ્હેયો પ્રગટી.<br />
બાપા હજી બળે છે.<br />
આંખોની પછવાડે રડતાં<br />
ગામ નદીને નાળાં. <br />
અલ્લા બિલ્લો બની ગયો.<br />
ને પરવત ઊંધો પડિયો <br />
બાપા હીંગ ભળેલી દાળ તણો તું દડિયો <br />
જબલપુરની ખડબચડી શેતરંજી જેવી પંગત <br />
હાવાં પથરાતી (ખોટ તમારી નથી સાલતી કોને?) <br />
કુશકી જેવા ચ્હેરા રઝળે <br />
નગર છાજીયાં લેતાં<br />
શ્રીવિલય તમારો માન્યામાં ના આવે <br />
સચરાચર હે હજી તમારા થૂંક તણી ભીનાશ હવામાં, <br />
તમારા થૂંકની ગંગા વહે છે કાનમાં બાપા.<br />
તમારા થૂંકની જે જે થતી’તી ગામમાં બાપા.<br />
તમારા થૂંકથી લાખો કરોડો રૂપિયા ભેગા થતા’તા.<br />
તમારા થૂંકમાંથી બંગલા બેઠા બેઠા થતા’તા. <br />
તમારા થૂંકથી અળગાં થએલાં બે જણાં ચોંટી જતાં’તાં. <br />
તમારું થૂંક ઔષધ લોકનું <br />
તમારું થૂંક અમરત મર્ત્યનું.<br />
તમારો થૂંકનો બાજોઠ મારા દેવ <br />
તમારા થૂંકનું આચમન લેવા કાજ દેવો જન્મ લેતા રોજ.<br />
<br />
હવે પછી જે મરશે એના<br />
કાનમાં વ્હાલા ફૂંક મારીશું <br />
તમાર નામની ફૂંક મારીશું.<br />
<br />
ગાંમનું કૂતર્યું. મરશે અને<br />
તમાર નાંમની ફૂંક મારીશું.<br />
બોડી બાંમણી મરશે એને<br />
તમાર નાંમની ફૂંક મારીશું <br />
હવાર ગાશું હાંજરે ગાશું <br />
તમાર નાંમનું ભજન ગાશું<br />
મરતી વખતે હરગે જાશું<br />
તમાર નાંમની રટણા પીશું.<br />
<br />
હાય હુંશીલાલ હાય હાય <br />
હાય રૂપાળા હાય હાય <br />
સાતખોટના હાય હાય <br />
આંખની કીકી હાય હાય <br />
ભીડનું મોતી હાય હાય <br />
સાકરથેલો હાય હાય <br />
કન્યાઘેલો હાય હાય<br />
<br />
હાય હુંશીલાલ વટનો કટકો<br />
હાય હુંશીલાલ નરદમ કડકો<br />
હાય હુંશીલાલ ગામનો પાડો<br />
હાય હુંશીલાલ આંખ ઉઘાડો <br />
હાય હુંશીલાલ અમને વરતો<br />
હાય હુંશીલાલ હમ્બો હમ્બો<br />
<br />
હાય રે હુંશીલાલ તમારા વિના <br />
ચૂનો પાન તમાકું સૂનાં રે સૂનાં <br />
હાય રે વરણાગિયા તમારા વિના <br />
સૌનાં નામ બિચારાં સૂનાં રે સૂનાં. <br />
હાય રે વરણાગિયા ડગલો તમારો <br />
કિયો ભઈ તે પ્હેરી ફરશે બધે?<br />
<br />
હાય રે વરણાગિયા સમાધિ તમારીને <br />
હીરા જડે તોય ઓછા પડે! <br />
હાય રે વરણાગિયા તમારા વિના<br />
પોચાં પોચાં આસનિયાં સૂના રે સૂનાં.<br />
<br />
હાય હાય રાજવી<br />
નર્યો ફજેતો રાજવી <br />
એકલપેટો રાજવી<br />
જિલ્લા જેવો રાજવી<br />
કિલ્લા જેવો રાજવી<br />
<br />
તમારું નામ મંતર થઈ રટાતું રાજવી <br />
તમારા નામથી હીઝડા કમાતા થઈ ગયા. <br />
તમારા નામની હૂંડીઓ ફરે પરદેશમાં <br />
તમારા નામની વ્હેલો ટપાલી ફેરવે <br />
તમારા નામથી ખપ્પર ભરાતાં <br />
હે પ્રભુ,<br />
તમારા નામથી ફફડે ધજાઓ. <br />
તમારા નામને ઓઢીને કન્યા જાય બીજે.... <br />
તમારું નામ ચાવે આશ્રમો <br />
તમારો મૃત્યુદિવસ દેશમાં ઊજવાય છે <br />
તમારી યાદમાં જૂનું જૂતું પૂજાય છે.<br />
તમારા પાઠ ગોખે છે હજી વિદ્યાર્થીઓ <br />
તમે નિર્મુખ બ્રહ્મા. <br />
શ્રી વિષ્ણુની ડૂંટી તમે <br />
પાપ કોરાણે મૂકીને<br />
પુણ્યનું દર્શન કરાવ્યું હંસ તેં તો! <br />
ચંપલ તણી ખીલી ઘડીભર ઊપસી’તી <br />
એમ માનીને અમે આંસુ તમારા નામ પર સાર્યાં. <br />
ગોલોકવાસી,<br />
આપને ગાયો પઝવતી હોય તો <br />
વૈકુંઠમાં હાલ્યા જજો. <br />
અહીં તમારા થૂંકનાં ગોથાં<br />
હજી વાગ્યા કરે છે,<br />
અમને તમારા થૂંકનાં ગોથાં<br />
હજી વાગ્યા કરે છે.<br />
</poem><br />
<br><br />
{{HeaderNav2<br />
|previous = લાત કાવ્ય<br />
|next = શંકર પ્રજાપતિને મળ્યા પછી<br />
}}</div>
Meghdhanu