Kamalthobhani: Created page with "{{SetTitle}} {{Heading| અનિલ વાળા |}} હું હવાની જેમ ચારે કોર લ્હેરું, તે છતાં ‘હું કોણ છું’ એ પ્રશ્ન તો ઊભો જ છે; થાય મન તો હું વળી દરિયાય પ્હેરું, તે છતાં ‘હું કોણ છું’ એ પ્રશ્ન તો ઊભો જ છે.
લોક રાખે..."

2023-01-08T15:10:44Z

Created page with "{{SetTitle}} {{Heading| અનિલ વાળા |}} <poem> હું હવાની જેમ ચારે કોર લ્હેરું, તે છતાં ‘હું કોણ છું’ એ પ્રશ્ન તો ઊભો જ છે; થાય મન તો હું વળી દરિયાય પ્હેરું, તે છતાં ‘હું કોણ છું’ એ પ્રશ્ન તો ઊભો જ છે. લોક રાખે..."

New page

{{SetTitle}}

{{Heading| અનિલ વાળા |}}

<poem>
હું હવાની જેમ ચારે કોર લ્હેરું,
તે છતાં ‘હું કોણ છું’ એ પ્રશ્ન તો ઊભો જ છે;
થાય મન તો હું વળી દરિયાય પ્હેરું,
તે છતાં ‘હું કોણ છું’ એ પ્રશ્ન તો ઊભો જ છે. 
લોક રાખે છે ઈનામો કેટલાં મારા ઉપર,
એ વાતની તમને કશી ક્યાં છે ખબર?
શોધવું મુશ્કેલ છે મારું પગેરું,
તે છતાં ‘હું કોણ છું’ એ પ્રશ્ન તો ઊભો જ છે. 
જીવતામાં જીવ છું હું ને મરેલામાં
મરણ એવી જ છે કૈં વાયકા મારા વિશે.
ક્યાંય પણ મારું નથી એક્કેય દે’રું,
તે છતાં ‘હું કોણ છું’ એ પ્રશ્ન તો ઊભો જ છે. 
ગૂંચવીને વાતને છેવટ ઉકેલી નાખવી
એવી રમત ગમતી મને, ને એટલે – 
આંધળે કુટાય છે ક્યારેક બહેરું,
તે છતાં ‘હું કોણ છું’ એ પ્રશ્ન તો ઊભો જ છે. 
ગીતમાં હું લય બની લ્હેર્યા કરું છું,
ને ગઝલમાં ગાલગાગા ગાલગાગા ગાલગા,
વેદનાઓ પાઈને વૃક્ષો ઉછેરું,
તે છતાં ‘હું કોણ છું’ એ પ્રશ્ન તો ઊભો જ છે. 
હું જ છું કે જે નશામાં ચૂર થઈને
છેક ઈશ્વરનાં ચરણ પાસે જતો ને આખરે,
કોઈની શ્રદ્ધા તણું શ્રીફળ વધેરું,
તે છતાં ‘હું કોણ છું’ એ પ્રશ્ન તો ઊભો જ છે. 
</poem>

{{HeaderNav2
|previous = 2
|next = 4
}}

ગુજરાતી ગઝલસંપદા/ અનિલ વાળા - Revision history